Amós 5:3 - Chayahuita (Shahui)

^3-4 Siniorosoꞌ Yosë niꞌton, napotarinquëmaꞌ: “Aꞌna Israiro ninano quëran ahuëtacaiso marëꞌ huaranca sontaroꞌsa aꞌpahuatamara, pasaíchin huënantaponaꞌ. Aꞌna ninano quëransoꞌ pasa aꞌpahuatamaꞌ, shoncaíchin huënantaponaꞌ. Napoaponahuëꞌ, noya nanpirápamaso nohuantohuatamaꞌ, ca chinotoco catahuainquëmaꞌ,” tënin Sinioro.

Amós 5:3 ပူးပေါင်းရင်းမြစ်များ

Isaías 1:9

Siniorosoꞌ yaꞌipi nanitapaton, carayanpoa quëparitahuaso marëꞌ aꞌpairinpoaꞌ. Coꞌsoꞌ inaporinhuë naporini, Sotoma, Comora, inapita ninanoroꞌsa pochin, nani taꞌhuanchitërihuahuëꞌ.

Isaías 6:13

Pasayaꞌpi quëran shonca tëranta quëparitohuachina, inapitanta taꞌhuantaponaꞌ. Napoaponahuëꞌ, aꞌnaquën nara aꞌnëhuatëra papotaantarinso pochin, Sinioro marëꞌ nipisopitasoꞌ, yaꞌhuëantaponaꞌ,” itërinco.

Amós 6:9

Naporoꞌ aꞌna pëiquë shonca yaꞌpi quëparitohuachinaꞌ, shonca chachin chiminaponaꞌ.

Romanos 9:27

Isaiasëntaꞌ ninoton, ninshitërin. “Huaꞌhuayatërahuëꞌ israiroꞌsaꞌ yaꞌhuëpirinahuëꞌ, co yaꞌipiya chaꞌësapihuëꞌ. Marë yonsanquë inotëraꞌhuaya yaꞌhuërinso nápoꞌ yaꞌhuëpirinahuëꞌ, caraíchin Yosëri nichaꞌësarin.

Deuteronomio 4:27

Nisha nisha nacionoꞌsaquë Sinioro nohuanton, quëpaponënquëmaꞌ. Inaquënta napoaponahuëꞌ, naꞌcon naꞌconquëma chiminaramaꞌ. Caraíchinquëma co chiminaramahuëꞌ.