Amós 5:26 - Chayahuita (Shahui)

²⁶ Sicoto itopisoꞌ mamanshi, copirnonëma pochin nicatoma quëparamaꞌ. Tayora nonanamasoꞌ Quiono itopisontaꞌ, quëparamaꞌ. Inapita mamanshiroꞌsasoꞌ, canpitaora chachin ninamaꞌ. ‘Yosëroꞌsa nonanhuaꞌ,’ taꞌtoma naporamaꞌ.

Amós 5:26 ပူးပေါင်းရင်းမြစ်များ

1 Reyes 11:33

Saromonsoꞌ aꞌporahuatonco, mamanshiroꞌsa moshapatërin. Siton mamanshi paya Asotariti itopisoꞌ mosharin. Quimosi itopisonta mosharin. Inasoꞌ, moaporoꞌsari mosharinsoꞌ. Mircon itopisonta mosharin. Inanta amonoꞌsari mosharin. Inapoaton co costarincosohuëꞌ ninin. Pënëntërahuësopita, anitotërahuësopita, inapita co inaso paꞌpinco pochin natërinhuëꞌ niꞌton, napotarahuë.

Amós 5:27

Naporamaso marëꞌ aꞌna parti quëpaponënquëmaꞌ. Tamasco ninano aquëtëran tëꞌyataponënquëmaꞌ. Ca Sinioroco napotaranquëmaꞌ. Caso Yosëco yaꞌipi nanitaparahuë. Ina pochin nohuitamacoso yaꞌhuërin,” tënin.

Hechos 7:43

Nisha piyapiroꞌsaꞌ moshapisoꞌ yonquiramaꞌ. Moroco artaronën quëparahuatomaꞌ, ina chinotëramaꞌ. Aꞌna tayorantaꞌ mosharamaꞌ, Nipan itopisoꞌ. Napoaton anaꞌintaranquëmaꞌ. Ca nohuanton, inimicoroꞌsaꞌ huëꞌsahuatonaꞌ, minsëarinënquëmaꞌ. Papironia aquëtëꞌ quëpararinënquëmaꞌ,’ itërin Yosëri,” tënin.