Amós 5:22 - Chayahuita (Shahui)

²² Noya nicatomaco maꞌsha tëpatoma yaꞌipi ahuiquitopiramahuëꞌ, carisoꞌ co niꞌcaꞌhuaso tërantaꞌ, nohuantërahuëꞌ. Trico, sipata, inapitanta quëshihuatamacora co nohuantërahuëꞌ. Toroaꞌhuaroꞌsa amoshin nipisopita nanan anoyatërëhuaso marëꞌ tëparamasontaꞌ, co nohuantarahuëꞌ.

Amós 5:22 ပူးပေါင်းရင်းမြစ်များ

Salmos 116:17

Ina marëꞌ “Yosparinquën,” itatënquën maꞌsha tëparahuato chinotaranquën. Naporahuaton nani tahuëri chinotaranquën.

Salmos 40:6

Maꞌsharoꞌsa tëpatoi chinotaꞌhuainquënsoꞌ, co nohuantëranhuëꞌ. Trico roꞌmo pochin nininsoꞌ quëshihuatëinquëntaꞌ, co nohuantëranhuëꞌ. Oshanëhuëi marëꞌ maꞌsha yaꞌipi ahuiquitohuatointaꞌ, co noya niꞌsarancoihuëꞌ. Napoaponahuëꞌ, quëma nohuanton nasitërahuë natëaꞌhuanquënso marëꞌ.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Isaías 66:3

(-)

Jeremías 14:10

Israiroꞌsa yonquiaton Sinioro tapon: “Canpitasoꞌ nisha nisha mamanshi mosharama niꞌton, co noyahuëꞌ niꞌnanquëmaꞌ. Napoaton oshanëma yonquiato anaꞌintaranquëmaꞌ,” tënin.

Jeremías 6:20

Israiroꞌsanquëmaꞌ, canpitaso Sapa noꞌpa quëran yonarin pochin nininsoꞌ quëshiramaco. Pimo nararoꞌsanta áquë noꞌparoꞌsa quëran quëshiramaco. Inapita quëshipiramacohuëꞌ: ¡Topinan quëran quëshiramaco! Chinotamacoso marëꞌ artaronëhuëquë maꞌsha tëparahuatoma aꞌnaquën yaꞌipi ahuiquitëramaꞌ. Aꞌnaquënsoꞌ, piꞌpiyan ahuiquitëramaꞌ. Inaporamasopita, ¡yaꞌipi co noyahuëꞌ niꞌnahuë!” tënin.

Jeremías 7:21

Siniorosoꞌ yaꞌipi nanitaparin. Inasoꞌ, israiroꞌsari chinotërin. Ina chachin piyapinënpita itaantapon: “Nohuantohuatamaꞌ, onponta maꞌsha ca marëꞌ tëpacoꞌ. Inapotahuatomaꞌ, oshanëma marëꞌ yaꞌipi ahuiquitocoꞌ. Aꞌnaquëonta tomaquën ahuiquitatomaꞌ, noshinën caꞌcoꞌ.

Amós 5:23

Chinotatomaco cantahuatamara, nonca noncatoconamaꞌ. Naporamaso amirahuë niꞌton, ¡taꞌtoco huachi! Chinotatomaco arparoꞌsanta piꞌniramasoꞌ, ¡co huachi yanatanahuëꞌ!

Malaquías 1:9

Corto huaꞌanoꞌsanquëmaꞌ. Nosoroatënquëma catahuaꞌhuanquëmaso marëꞌ nontoco. Ina marëꞌ canpitaso yaꞌhuërama nipirinhuëꞌ. Ina pochin maꞌsha nininsopita aꞌnotëramaco. Ina pochin nipatamaꞌ, co carimanta noya nicaꞌhuanquëmaso yaꞌhuërinhuëꞌ. Caso Sinioroco yaꞌipi nanitapato shaꞌhuitaranquëmaꞌ:

1 Samuel 15:22

Napotohuachina Samoirori itapon: “Maꞌsha Sinioro marëꞌ tëpatona piꞌpian ahuiquitacaisoꞌ, noya. Yaꞌipi ahuiquitacaisontaꞌ, noya. Sinioro camaitërinso natëcasoso nipirinhuëꞌ, noya noya. Maꞌsha Sinioro marëꞌ tëpatona piꞌpian ahuiquitacaisoꞌ, noya. Carniro tomaquën ahuiquitasontaꞌ, noya. Camaitërinso noya natanatë natëcasoso nipirinhuëꞌ, noya noya.