Amós 5:16 - Chayahuita (Shahui)

^16-17 Isonta Sinioro shaꞌhuitaantarinquëmaꞌ: “Ca nohuanton nani prasaquë naꞌnëpomaꞌ. Nani cachiquë co napion ancantatomaꞌ, noncaropomaꞌ. Notohuaroꞌ chimipiroꞌsa yaꞌhuëapon niꞌton, canacaiso marëꞌ naꞌnëroꞌsa nipisopita, imin camayoroꞌsaꞌ, inapita naꞌnëcaiso marëꞌ amatapomaꞌ. Yaiꞌpi oparoroꞌsaquë naꞌnëpomaꞌ. Anaꞌintaꞌhuanquëmaso marëꞌ oꞌmahuato, napoaramaꞌ. Ca Sinioroco napotaranquëmaꞌ. Caso Yosëco yaipi nanitaparahuë, tënahuë,” tënin.

Amós 5:16 ပူးပေါင်းရင်းမြစ်များ

Jeremías 9:10

Motopiroꞌsa paꞌtatoma naꞌnë naꞌnë́rantacoꞌ. Pastoroꞌsantaꞌ paꞌtatoma osha oshaárantacoꞌ. Yaꞌipi huiquitërin niꞌton, co huachi insonta inaëchin paꞌninhuëꞌ. Ohuacaroꞌsanta ‘maaa,’ topisoꞌ, co huachi yaꞌcaninhuëꞌ. Niꞌniroꞌsaꞌ, anpiantëhuanoꞌsaꞌ, inapitanta taꞌapi.

Jeremías 9:16

Nisha nisha piyapiꞌsa yaꞌhuëpiquë aꞌpaato ayanquëarahuë. Co nohuitopiquëhuëꞌ, aꞌpaarahuë. Co shimashonëna tëranta nohuitopiquëhuëꞌ, aꞌpaarahuë. Yaꞌipi noquitai marëꞌ, sahuëninëna siꞌhuitahuatona inimiconënapitari ima imarantaponaꞌ,” tënin.

Oseas 4:3

Napoaton yaꞌipi Israiro noꞌpaquë, sëtatona naꞌnërápi. Caniorëso pochin co manta chinipihuëꞌ. Tanan maꞌsharoꞌsa quëran huarëꞌ taquiapi. Inairaroꞌsaꞌ, marë samiroꞌsaꞌ, inapitanta inapoapi,” tënin.

Joel 1:11

Imin camayonquëmaꞌ, shaꞌtëramasopita tapitërinënquëmaꞌ. Trico, sipata, inapita shaꞌpiramahuëꞌ, co huachi nitërinsoꞌ masaramahuëꞌ. Napoaton co napion ancantatomaꞌ, naꞌnëcoꞌ.

Joel 1:14

Yaꞌipi Cota huëntonquë piyapiꞌsa ayontonahuatomaꞌ, ayono nicacaiso camaicoꞌ. Sinioronënpoa chinotërëhuaso pëiquë yaꞌipi ansianoꞌsantaꞌ, niyontoinaꞌ. Niyontonahuatonaꞌ, catahuainpoaso marëꞌ Sinioro nonchinaꞌ.

Joel 1:15

Anaꞌintacaso tahuëri nani naniriarin. Ina tahuëri nanihuachin, ¡maꞌhuántacha nisarëhua paya! Naporoꞌ Siniorosoꞌ ataꞌhuatarinpoaꞌ. Yaꞌipi nanitapaton inapotarinpoa huachi.

Joel 1:8

Nasha soꞌyahuan soꞌin chiminpachina, co napion ancantaton, naꞌnërin.

Amós 3:13

Siniorosoꞌ Yosë. Yaꞌipi nanitapaton naporin: “Cacopo quëran pipipisopita naporahuësoꞌ shaꞌhuitocoꞌ. Yaꞌipi inapitaso oshahuanpi niꞌton, anaꞌintaꞌhuasoꞌ yonquiarahuë. Ina tahuëri nanihuachin, Pitiriquë artaroroꞌsa yaꞌhuërinso ataꞌhuantarahuë. Ina artaroroꞌsa pomonënapitantaꞌ, inimicoroꞌsari yátonpachina tëꞌyataponaꞌ.

Amós 5:27

Naporamaso marëꞌ aꞌna parti quëpaponënquëmaꞌ. Tamasco ninano aquëtëran tëꞌyataponënquëmaꞌ. Ca Sinioroco napotaranquëmaꞌ. Caso Yosëco yaꞌipi nanitaparahuë. Ina pochin nohuitamacoso yaꞌhuërin,” tënin.

Amós 8:10

Pita tahuëriꞌsa naꞌhuëyantëramasoꞌ, acopitarahuë. Pita yaꞌhuërënamën, chiminpisopita marëꞌ naꞌnëtoma oshaarápomaꞌ. Sëtohuachinara aꞌmopisoꞌ, canpitanta aꞌmosaramaꞌ. Co napion ancatohuachinara noyá niyaꞌitopiso pochin niyaꞌitaramaꞌ. Aꞌnaíchin huiꞌnin yaꞌhuëtopirinhuëꞌ, chiminpachina naꞌnëpiso pochin nisaramaꞌ.

Amós 8:3

Ina tahuëri nanihuachin, copirno noyápiachin pëinënquë cantayantopisoꞌ, copi tapon. Naꞌnëroꞌsa yaꞌhuërëꞌ, oshaatona noncarorantaponaꞌ. Notohuaroꞌ piyapi naporo chiminapon niꞌton, co huachi paꞌpitaponahuëꞌ. Onpopinquë tëranta topinan tëꞌyataponaꞌ. Co manta tëcaponaraihuëꞌ, tëꞌyataponaꞌ. Ca Sinioroco noꞌtëquën shaꞌhuitaranquëmaꞌ, tënin.

Miqueas 1:8

Sinioro napoarin niꞌton, co napion ancantato naꞌnërápo. Sapatë ocoirahuato, iꞌnanpinantë paꞌsápo. Aꞌmorahuësontaꞌ, paꞌcoirahuato iꞌnanpirapi paꞌsápo. Asaniꞌ naꞌnëton, “huaoo,” tárinso pochin cantaꞌ, naꞌnërápo. Huacopi sëtërinso pochin, nisápo.

Miqueas 2:4

Ina tahuëri nanihuachin, sëtatona oshaapiso pochin tëhuacaiso marëꞌ cantarapiaponënquëmaꞌ: ‘Noyá ataꞌhuantërinënpoachi paya. Sinioro piyapinënpitanpoa nipirëhuahuëꞌ, iporasoꞌ aꞌnapita huaꞌanëntërinënpoaꞌ. Inapotiinënpoaso marëꞌ co incari tëranta yaꞌcopirinhuëꞌ. Noꞌpanënpoapitantaꞌ, canarinënpoasopitari nipatomatatonaꞌ, huaꞌanëntopi huachi,’ itaponëmaꞌ,” tënin Sinioro.

Apocalipsis 18:10

Aquë quëran quënanpachinaꞌ, paꞌpi tëꞌhuatapi. “¡Maꞌhuantacha ninin paya! Papironia panca ninanoꞌ niponahuëꞌ, aꞌnaroáchin ataꞌhuantopi. Yosëri anaꞌintërin,” tosapi.

Apocalipsis 18:19

Chiníquën sëtatonaꞌ, moꞌshiquë nipashimototapi. Iráca sëtohuachinara, inachintopisoꞌ. Naꞌnëpona pochin itaponaꞌ: “¡Maꞌhuantacha ninin paya! Panca ninanoꞌ nipirinhuëꞌ, ayarin. Marë nanchaquë paꞌtohuatëira, naꞌa maꞌsha paꞌanatoi, quënai. Paꞌanpatëira, naꞌcon canapiraihuëꞌ, aꞌnaromaráchin maꞌshanënpitarë chachin taꞌhuantërin huachi,” tosapi.