Amós 5:15 - Chayahuita (Shahui)

¹⁵ Co noyahuëꞌ ninamasopita noꞌhuicoꞌ. Noya nicacamasoso nipirinhuëꞌ, paꞌyatocoꞌ. Nanan anoyatahuatamaꞌ, noꞌtëquënáchin shaꞌhuicamasoꞌ cancantocoꞌ. Tapona naporamaso marëꞌ carayanquëma chaꞌëramasoꞌ, Yosë nosoroápirinquëmahuëꞌ. Inasoꞌ Sinioro. Yaꞌipi nanitaparin.

Amós 5:15 ပူးပေါင်းရင်းမြစ်များ

2 Samuel 16:12

Ipora parisitërahuësoꞌ Sinioronta niꞌsarin. Tapona ipora ina noꞌhuirincoso marëꞌ, Sinioro yacatahuápirincohuëꞌ, itërin.

2 Reyes 19:4

Sinioroso Yosënën niꞌton, yaꞌipi nitotërin. Asiria copirnori huaꞌanoꞌsa aꞌparinsopita quëran pinorinsontaꞌ, natanin. Maꞌcha ina natanaton anaꞌintërin naporini, noya niitonhuëꞌ. Quëmanta Sinioro nontëquë yaꞌhuëarëhuasoꞌ, catahuainpoaꞌ, tënin Isiquiasë,’ itoncoꞌ,” itërin.

Salmos 119:104

Quëma nanamën cancantato, yonquínahuan quëparitërahuë. Napoaton nonpintëroꞌsa co quëꞌyarahuëꞌ.

Salmos 34:14

Co noyahuëꞌ ninansopita aꞌporahuaton, noyasáchin niquë huachi. Naporahuaton sano yaꞌhuëcamaso cancantëquëꞌ. Sano yaꞌhuëaton ina pochin yaꞌhuëquëꞌ.

Salmos 37:27

Co noyahuëꞌ ninansopita aꞌporahuaton noyasáchin niquëꞌ. Ina pochin nipatan yaꞌhuëmiataran.

Salmos 80:1

Quëmasoꞌ Sinioro, ohuica huaꞌanën pochin ninan. Israiroꞌsacoisoꞌ, ohuicanënpita pochin ninai. Cosi shinpita noya aꞌpaiquëꞌ. Quiropinoꞌsa anquipisoanaquë quëmasoꞌ yaꞌhuëran. Noya nicaton Iprain, Mincamin, Manasisi, inapita huëntonoꞌsa catahuaquëꞌ. Chiníquën nanantaton nichaꞌëcoi.

Éxodo 32:30

Tahuëririnquë Moisësësoꞌ, yaꞌipi israiroꞌsa amatahuaton itapon: —Canpitaso panca tëhuëatoma oshahuanamaꞌ. Iporasoꞌ naquëranchin Sinioro yaꞌhuëarinquë paantaꞌhuaso yaꞌhuërin. Oshanëma marëꞌ nontontaꞌi, tapona yainquitápirinquëmahuëꞌ, itërin.

Jeremías 18:8

Napoaponahuëꞌ, inaquë yaꞌhuëpisopitaso oshanëna aꞌporahuatona noya yonquiantahuachinaꞌ, co huachi anaꞌintarahuëꞌ.

Jeremías 31:7

Naquëranchin Sinioro taantarin: “Yaꞌipi israiroꞌsanquëmaꞌ, capa cancantatoma cantacoꞌ. Canpitaso aꞌnapita nacionoꞌsa quëran chini chiníquën nanantaramaꞌ. Napoatomaꞌ: ‘¡Ma noyacha quëmasoꞌ piyapinënpitacoi nichaꞌërancoi paya! Carayacoi quëparitëraisopita napotërancoi,’ tëcatoma chinotaramaco,” tënin.

Daniel 2:49

Naniriri copirno natanpachina, Satraco, Misaco, Api-nico, inapitanta Papironia propinciaquë chiníquën nanantatona camaitacaiso marëꞌ acorin. Naniriso nipirinhuëꞌ, copirno huaꞌanëntërinso pëiquë chachin yaꞌhuëaton, camaitarin.

Joel 2:14

Tapona naporamaso marëꞌ Sinioro nosoroápirinquëmahuëꞌ. Nosoroatënquëma cosharoꞌ, huino, inapita ina pëinënquë aꞌnocamaso marëꞌ aꞌpatiápirinquëmahuëꞌ.

Amós 5:10

Aꞌnaquën coisëroꞌsa noꞌtëquën shaꞌhuipi. Canpitariso napoaponahuëꞌ, co quëꞌyaramahuëꞌ. Quënaninsoꞌ noꞌtëquën shaꞌhuinaꞌpiroꞌsantaꞌ, co quëꞌyaramahuëꞌ. Ina marëꞌ canpitasoꞌ, ¡maꞌhuantacha nisarama paya!

Amós 5:24

Pancaiꞌ paꞌirinso pochin noya ninicatomaꞌ, noꞌtëquënáchin niyonquirapico tëhuënchinsoꞌ. Huinan co yanirinsohuë pochin noya piyapi nicoꞌ,” tënin.

Amós 5:6

Noya nanpirápamasoꞌ nohuantohuatamaꞌ, Sinioro chinotoco catahuainquëmaꞌ. Coꞌsoꞌ ina chinotohuatamahuëꞌ, inimiconëmapita aꞌpatiarinquëmaꞌ. Yaꞌhuëramaso noꞌpaꞌ, ahuiquitapi. Co inso tëranta Pitiriquë yaꞌhuërinsoꞌ, ina pën atácopitarinhuëꞌ.

Amós 6:12

¡Cahuarioroꞌsasoꞌ, co nanitopihuëꞌ natëtëroꞌsa paꞌtontacaisoꞌ! ¡Noꞌpaꞌ ohuërëpiquë ohuacaroꞌsasoꞌ, co marë ohuërëaponahuëꞌ! “Coisëroꞌsa catahuainacoi,” taꞌtona aꞌnaquënso huëcapaipirinënquëmahuëꞌ, canpitarisoꞌ noniatë pochin nitatomaꞌ, tëpatë pochin nitëramaꞌ. Inapoatomaꞌ, co inapocasohuëꞌ nininso ninamaꞌ. Catahuamaso marëꞌ ninarinëmasopita co catahuatomahuëꞌ, naꞌcon naꞌcon anoꞌhuitëramaꞌ.

Amós 7:3

Napotohuatora, Siniorosoꞌ israiroꞌsa anaꞌintacaso yonquiaponahuëꞌ, tananpitërin. —Co inapotapohuëꞌ, tënin.

Jonás 1:6

Nancha huaꞌanënsoꞌ, pëꞌpëto quëpapiquë yaꞌcomarahuaton niꞌpirinhuëꞌ, Conasë huëꞌësárin quënamarin. Quënamarahuaton: —¡Capayatëquë huëꞌëitëꞌ! ¡Paꞌpi huëhuëpiro nisarëhuaꞌ! Huënsëaton Yosëparin nontëquëꞌ. Tapona ina yanichaꞌësápirinpoahuëꞌ, itërin.

Jonás 3:9

Tapona Sinioro nosoroatonpoaꞌ, noꞌhuirinpoaso asanoápirinhuëꞌ. Inapohuachin, co tëpaonpoahuëꞌ,” tënin.

Miqueas 2:12

Ina quëran Sinioro taantarin: “Piyapinëhuëpita yaꞌhuëpiso noꞌpa quëran, inimiconënapitari quëpaponaꞌ. Quëpapirinahuëꞌ, cari chachin yaꞌipi inapita ayontoantarahuë. Inapitasoꞌ caraya pochin quëparitopirinahuëꞌ, ohuicaroꞌsa huëꞌërinquë ayontonëso pochin nitarahuë. Ohuica huënton pastonënquë quëparëso pochin nitarahuë. Panca huënton ohuica noncaropiso pochin israiroꞌsa noncaroponaꞌ.

Miqueas 3:2

Canpitaso napoaponahuëꞌ, co noyahuëꞌ nicacasoꞌ paꞌyatatomaꞌ, noya nicacasosoꞌ, co paꞌyatëramahuëꞌ. Nosha paꞌanaꞌpisoꞌ, ohuica tëparahuaton iꞌsorin. Inapotahuaton noshinën nanquitërin. Nanquitohuachina, nansëquënáchin acorinso pochin canpitanta piyapinëhuëpita aparisitëramaꞌ. Ohuica iꞌsorahuatona poꞌmocaiso marëꞌ yaquipiso pochin piyapinëhuëpita co tënororamahuëꞌ.

Miqueas 5:3

Napoaton ipora tananpitopirinpoahuëꞌ, co huaꞌqui napotarinpoahuëꞌ. Sanapi cayorin quëran huaꞌhuin nasitaquë huarëꞌ parisirinso pochin canpoanta parisiarëhuaꞌ. Naporoꞌ quëparitërëhuasopitasoꞌ, inimicoroꞌsari quëparinsopitarëꞌquënpoa aꞌna huëntoíchin niantarihuaꞌ.

Malaquías 3:18

Noya nipisopitasoꞌ, noya nicato nichaꞌësarahuë. Co noyahuëꞌ nipisopitasoꞌ, noꞌtëquën anaꞌintarahuë. Ina nicatoma canpitasoꞌ: ‘Yosësoꞌ, co napopináchin piyapinpoa niꞌninpoahuëꞌ. Ina chinotohuatëhuaꞌ, noya acoarinpoaꞌ. Coꞌsoꞌ chinotohuatëhuahuëꞌ, noꞌtëquën anaꞌintarinpoaꞌ,’ tosarama huachi,” tënin.

Romanos 12:9

Yaꞌipi piyapiꞌsaꞌ nosorocoꞌ. Cancanëma quëran huarëꞌ nosorocoꞌ. Co noyahuëꞌ ninamasopita aꞌpocoꞌ. Noyasáchin nicoꞌ.

Romanos 7:22

Cancanëhuë quëran Yosë pënëninpoasoꞌ paꞌyatato, yanatëpirahuëꞌ.

Romanos 8:7

Co noyahuëꞌ nicacasoráchin paꞌyatohuatëhuaꞌ, Yosë inimicotarëhuaꞌ. Co Yosë pënëntërinsoꞌ natëcasoꞌ nohuantarëhuahuëꞌ. Co nanitarëhuahuëꞌ ina natëcasoꞌ.

3 Juan 1:11

Ama iya co noyahuëꞌ nipisopita nonanquësohuëꞌ. Noya nipisopita nonanquëꞌ. Noya nipatëhuaꞌ, tëhuënchachin Yosë imarihuaꞌ. Co noyahuëꞌ nipatëhuaꞌ, co Yosë nohuitarihuahuëꞌ.