Amós 5:13 - Chayahuita (Shahui)

¹³ Ipora yaꞌhuëpisopita, paꞌpi co noyahuëꞌ nipi. Napoaton yonquinahuanoꞌsasoꞌ, co manta topihuëꞌ.

Amós 5:13 ပူးပေါင်းရင်းမြစ်များ

2 Reyes 18:36

Napotopirinhuëꞌ, inapitaso co manta aꞌpanitopihuëꞌ. Isiquiasëri ina pochin camairin niꞌton, co aꞌpanipihuëꞌ.

Eclesiastés 3:7

Oshacaso tahuëri. Osharësonta pipitaantacaso tahuëri. Taꞌtápaso tahuëri. Nonacaso tahuëri.

Eclesiastés 9:12

Naporahuaton co inquënpoa tëranta ninorëhuahuëꞌ onporosona chiminacasoꞌ. Canpoanta samira ritiquë manëso pochin, inairanta huënsonquë manëso pochin, co yonquiasëhuahuëꞌ, maꞌsha onpocasoꞌ cantiarinpoaꞌ.

Oseas 4:4

Ina quëran Sinioro taantarin: “Ama canpita capinisoꞌ, nishaꞌhuirapitoma nipënëncosohuëꞌ. Corto huaꞌanoꞌsanquëmaráchin tëhuënchinsoꞌ, co canirapichináchinhuëꞌ niꞌnanquëmaꞌ.

Amós 6:10

Naporo tahuëriꞌsa nanpipisopitasoꞌ, paꞌpi tëꞌhuaponaꞌ. Aꞌnasoꞌ, aꞌna pëiquë yaꞌconahuaton, quëmopinën chimininsoꞌ, aꞌpëcaso marëꞌ yonisarin. Patoanaroꞌsaquë yonisoꞌ, aꞌnara quënanahuaton: “¿Yaꞌhuëarin aquëtë huarëꞌ piyapi acoana?” itapon. “Capa, co yaꞌhuërinhuëꞌ,” itarin inarinta. Napotahuaton, tëꞌhuanënquë napopitarapon: “¡Taꞌtëquëꞌ! niꞌquëna aquëtë huarëꞌ nonaton, Sinioro chinototan. Napohuatan, inaso natanatënquën canponta tëpahuachinpoꞌ,” itapon.

Miqueas 2:3

Napoaton Sinioro napotërinquëmaꞌ: “Naporamaso marëꞌ carimantaꞌ, nani yonquirahuë maꞌsha onpotaꞌhuanquëmasoꞌ. Paꞌpi chiníquën maꞌsha onpoarama niꞌton, co chaꞌësaramahuëꞌ. Inapotohuatënquëmaꞌ, co huachi nocantamasoꞌ yonquiaramahuëꞌ. Paꞌpi co noyahuëꞌ tahuëriꞌsa nisarin niꞌton, napoaramaꞌ.

Habacuc 3:16

Inapita natanato paꞌyanëhuëquë shaꞌpianantërahuë. Paꞌhuëhuëntaꞌ, yamo yamóshin ninatanahuë. Yaꞌipi nonëhuëntaꞌ, co chinirinhuëꞌ ninatanahuë. Inapopirahuë mini: “Ipora ahuërarinacosopita sontaroꞌsasoꞌ, Siniorori iꞌhuërëtaton aꞌpayanarin. Tahuërinën nanihuachin, napotarin,” taꞌto sano cancantërahuë.

Efesios 6:13

Sopai chiníquën sacatarin minsëinpoaso marëꞌ. Napoaton Yosë nontocoꞌ catahuainquëmaꞌ. Sontaroꞌsaꞌ aꞌmopiso pochin nininsoꞌ Yosë quëtërinquëmaꞌ. Ina masahuatomaꞌ, aꞌmocoꞌ sopai minsëcaso marëꞌ. Noya nitaparëso pochin nicoꞌ. Inapoatomaꞌ, chinitocoꞌ.

2 Timoteo 3:1

Isontaꞌ api pënëantaꞌinquën. Ayaroꞌ tahuëri yaꞌcaritohuachin, co huachi noya yaꞌhuapihuëꞌ.