Amós 5:11 - Chayahuita (Shahui)

¹¹ Popriyaroꞌsa ihuatomaꞌ, naꞌcon naꞌcon trico maꞌparamaꞌ. Naporamaso marëꞌ paꞌpi noya pëiroꞌsa yaꞌhuëtapomarahuëꞌ, co inaquë yaꞌhuëapomahuëꞌ. Noyápiachin oparoroꞌsa yaꞌhuëtapomarahuëꞌ, co inaquëran huino nicatoma oꞌopomahuëꞌ.

Amós 5:11 ပူးပေါင်းရင်းမြစ်များ

Ezequiel 34:21

Amonënquëmasoꞌ, ohuicanëhuëpita co onpopinchin chinipisopitahuëꞌ, panirahuatoma aꞌparamaꞌ. Pomonëma quëran ohuanahuatoma nitaꞌatëramaꞌ.

Amós 2:6

Naquëranchin Sinioro taantarin: “Israiroꞌsanta paꞌpi co noyahuëꞌ nipi. Aꞌnaquën co manta tëhuëpirinahuëꞌ, aꞌnapitari asacatacaiso marëꞌ paꞌanpi. Popriyaroꞌsanta sapatë marëáchin nihuitopirinahuëꞌ, inapotopi. Napopiso marëꞌ inapitantaꞌ, anaꞌintaꞌhuaso yaꞌhuërin.

Amós 2:7

Inapitasoꞌ, popriyaroꞌsa aparisitatona atapanpi. Sano piyapiroꞌsantaꞌ, co noꞌtëquën catahuapihuëꞌ. Aꞌnaquëonta huiꞌninëꞌ, sanapi catopitopi. Caso noyasáchin nipirahuëꞌ, israiroꞌsa napopiso marëꞌ piyapiroꞌsa pinorinaco.

Amós 3:15

Maꞌhuanoꞌsasoꞌ, oꞌnapi pëi yaꞌhuëtopi. Piꞌipi pëinta yaꞌhuëtopi. Yaꞌhuëtopirinahuëꞌ, cari yaꞌipi ataꞌhuantarahuë. Aꞌnaquën pëiroꞌsasoꞌ, huiri pomon quëranpita tapapitarapi. Aꞌnaquëonta panca nisahuaton noyápiachin pëiroꞌsa acopi. Inapopirinahuëꞌ, yaꞌipi ataꞌhuantarahuë.” Ca Sinioroco noꞌtëquën shaꞌhuitaranquëmaꞌ.

Amós 3:9

Ina quëran Sinioro taantarin: “Asototo ninanoquë noyápiachin pëiroꞌsa yaꞌhuërin. Iquipitoquëntaꞌ, noyápiachin pëiroꞌsa yaꞌhuërin. Inaquëpita huaꞌanoꞌsa yaꞌhuërinso shaꞌhuitoncoꞌ: ‘Samaria ninano pirayan motopiroꞌsa yaꞌhuërinquë pacoꞌ. Inaquë mantanta nisapisoꞌ, niꞌconcoꞌ. Itohuara capini maꞌsha nionpotatona niaparisitapisoꞌ, niꞌconcoꞌ.

Amós 4:1

Sanapiꞌsanquëmanta Samaria ninanoquë yaꞌhuëramasopita, natanco shaꞌhuichinquëmaꞌ: Canpitasoꞌ, Pasan parti ohuacaroꞌsa amonpiso pochin noya coshatatomaꞌ, amonamaꞌ. Popriyaroꞌsa nonpintatoma ihuaramaꞌ. Pahuantopisopitanta aparisitëramaꞌ. Soꞌyamanta huino quëshiimaso camairamaꞌ. Naporamaꞌ.

Amós 6:11

Sinioro chachin panca pëiroꞌsa yaꞌhuërinsopita, ataꞌhuantacaiso camaitapon niꞌton, inapoaponaꞌ. Huaꞌhuishin pëiroꞌsantaꞌ, inapotacaiso camaitapon. Napohuachina, yaꞌipi pëiroꞌsa taꞌhuantapon.

Amós 6:12

¡Cahuarioroꞌsasoꞌ, co nanitopihuëꞌ natëtëroꞌsa paꞌtontacaisoꞌ! ¡Noꞌpaꞌ ohuërëpiquë ohuacaroꞌsasoꞌ, co marë ohuërëaponahuëꞌ! “Coisëroꞌsa catahuainacoi,” taꞌtona aꞌnaquënso huëcapaipirinënquëmahuëꞌ, canpitarisoꞌ noniatë pochin nitatomaꞌ, tëpatë pochin nitëramaꞌ. Inapoatomaꞌ, co inapocasohuëꞌ nininso ninamaꞌ. Catahuamaso marëꞌ ninarinëmasopita co catahuatomahuëꞌ, naꞌcon naꞌcon anoꞌhuitëramaꞌ.

Amós 8:4

Aꞌnaquëmaso co panorohuanhuëꞌ nicatomaꞌ, sano piyapiroꞌsa ihuaramaꞌ. Popriyatopisopitantaꞌ, naꞌcon naꞌcon aparisitëramaꞌ.

Amós 9:14

Naporoꞌ israiroꞌsa nisha nisha parti quëpapisoꞌ, isëquë chachin quëantarahuë. Ninanoroꞌsa ataꞌhuantopisopita anoyataantaponaꞌ. Inapotahuatona inaquë yaꞌhuëaponaꞌ. Oparotahuatonaꞌ, huino oꞌoponaꞌ. Nisha nisha cosharo shacatona caponaꞌ.

Miqueas 1:6

Napoaton Sinioro naporin: “Ca nohuanton Samaria ninano taꞌhuantohuachin, naꞌpiroꞌsaraꞌ yamorápon. Inaquë chachin opa shacatona oparotaponaꞌ. Naꞌpinënpitantaꞌ, motopianaquë paꞌsa paꞌsatapo. Ninanonëna pairapicaiso marëꞌ simintonën acopisontaꞌ, ayaꞌnoarahuë.

Malaquías 1:4

Isao shinpitasoꞌ, itomoroꞌsa itopi. Inapitaso inahua capini ninontatonaꞌ: ‘Inimiconënpoapita yaꞌhuërëhuaso noꞌpaꞌ, tapitërinënpoaꞌ. Napoaponahuëꞌ, huëco anoyataantaꞌahuaꞌ,’ niitopi naporini: Caso Sinioroco yaꞌipi nanitapato: ‘Canpitaso yaꞌhuëramaso noꞌpaꞌ anoyataantahuatamaꞌ, cariso naquëranchin tapitaantaranquëmaꞌ,’ ichitohuëꞌ. Napoaton piyapiꞌsasoꞌ, ina noꞌpaꞌ apoyatatonaꞌ: ‘Paꞌpi co noyahuëꞌ nipisopita yaꞌhuëpiso noꞌpaꞌ,’ itaponaꞌ. Naporahuaton: ‘Siniorori noꞌhuimiatërinso nacion,’ itaponaꞌ.

Santiago 2:6

Canpitaso nipirinhuëꞌ, saꞌahua nininsopita co onpopinchin nosororamahuëꞌ. Maꞌhuanoꞌsasoꞌ nonpintatënënquëmaꞌ, ihuarinënquëmaꞌ. Aparisitërinënquëmaꞌ. Coisëquë shaꞌhuirapirinënquëmaꞌ. ¿Ina nipirinhuëꞌ paꞌyataramaꞌ ti?