Amós 4:12 - Chayahuita (Shahui)

¹² Naquëranchin Sinioro taantarin: “Yaꞌipi inapita ninamaso marëꞌ anaꞌintaꞌhuanquëmaso yaꞌhuërin. Inapotaranquëma niꞌton, niꞌtonëhuëquë yaꞌnocamaso marëꞌ noya niacoatoma ninaco,” tënin.

Amós 4:12 ပူးပေါင်းရင်းမြစ်များ

Isaías 32:11

Co manta yonquiatoma yaꞌhuëápiramahuëꞌ, paꞌyanatoma ropatoco huachi. Noyasha nitaparamasoꞌ paꞌcoirahuatomaꞌ, sëtatoma aꞌmoramasoꞌ, aꞌmocoꞌ.

Isaías 64:2

Sarsa naraaꞌhuaroꞌsa pëni ahuiquitërinso pochin, iꞌshahuë nipon ainpiitërinso pochin nicaton, inimiconënpita anaꞌintëran naporini, nohuichitënënhuëꞌ. Nisha nisha nacionoꞌsaquë yaꞌhuëpisopitantaꞌ, quëma notënanquë ropachitonahuëꞌ.

Oseas 13:8

Tocaniꞌ huaꞌhuinpita ayataton paaso piyapi quënanpachina, tëparin. Inapotahuaton ninopinën paꞌsa paꞌsatërin. Inapochachin carinquëmantaꞌ, nitaranquëmaꞌ. Paꞌpininta mapintohuachina, mapinën inaranchin pëꞌyarinso pochin nitaranquëmaꞌ. Maton maꞌshantaꞌ, mapinën paꞌsa paꞌsatërin. Inapochachin carinquëmantaꞌ, israiroꞌsanquëma ataꞌhuantaranquëmaꞌ. Co insonta paꞌpoyaponquëmahuëꞌ.

Amós 2:14

Chiníquën taꞌapiramahuëntaꞌ, co chaꞌësaramahuëꞌ. Chini chiníquën nininso tëranta co huachi napoarinhuëꞌ. Chini chiníquën cancantërinso tëranta co chaꞌësarinhuëꞌ.

Mateo 24:44

Inapochachin canpitantaꞌ ninatomaco, yaꞌhuëcoꞌ. Huaꞌquihuato: ‘Co yaoꞌmarinhuëꞌ,’ ama tocosohuëꞌ. Co nitotasënquëmahuëꞌ, aꞌnanaya oꞌmantararahuë,” itërin.

Mateo 5:25

Niꞌcoꞌ. Nihuitëramaso marëꞌ yaquëpahuachinënquëmaꞌ, aꞌnaroáchin nanan anoyatocoꞌ. Co anoyatohuatamahuëꞌ, coisëquë quëparinënquëmaꞌ. Coisëquë quëpahuachinënquëmaꞌ, sontaroꞌsaquë yoꞌcoaninënquëmaꞌ, tashinan pëiquë poꞌmoarinënquëmaꞌ.

Apocalipsis 3:3

Yaꞌnan natanapomaꞌ, Yosë nanamën noꞌtëquën aꞌchintërinënquëmaꞌ. Ina yonquiatomaꞌ, yaꞌipi co noyahuëꞌ yonquiramasopita naniantocoꞌ. Yaꞌipi cancanëma quëran casáchin yonquico. Co noya cancantaantahuatamahuëꞌ, aꞌnaroáchin anaꞌintaranquëmaꞌ. Ihuatonaꞌpi huëꞌninso pochachin aꞌnanaya anaꞌintaranquëmaꞌ. Co nitotasënquëmahuëꞌ, oꞌmantararahuë.