Amós 4:11 - Chayahuita (Shahui)

¹¹ Naquëranchin Sinioro taantarin: “Sotoma, Comora, inapita ninanoroꞌsaꞌ, huëhuëpiro nitato iráca ataꞌhuantërahuë. Inapochachin canpitantaꞌ, naꞌaquëma ataꞌhuantëranquëmaꞌ. Ina quëran chaꞌëramasopitasoꞌ, pënaya pën quëran ocoipiso pochin ninamaꞌ. Inapoápomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Amós 4:11 ပူးပေါင်းရင်းမြစ်များ

Isaías 7:4

Quënaontarahuaton shaꞌhuitëquëꞌ: “Niyátainpichin yaꞌhuëquëꞌ. Napoaponahuëꞌ, ama paꞌyanquësohuëꞌ. Cato copirnoroꞌsa paꞌpi noꞌhuitënquën huëcapaiarinquënso yonquiaton, ama tëꞌhuatëquësohuëꞌ. Inahuasoꞌ, cato pënamocha yatacopirinso pochin tomontapi. Nisin siriaroꞌsarë chachin huëꞌsarin. Nimariasë huiꞌnionta israiroꞌsarë chachin huëcapaiarinënquën. Inapitasoꞌ nani anoyatopi nicatahuatonaꞌ, maꞌsha onpotiinënquënso marëꞌ. Inapoatonaꞌ:

Jeremías 23:14

Quirosarinquë pënëntonaꞌpiroꞌsa yaꞌhuërinsontaꞌ, napopisoꞌ niꞌnahuë. Paꞌpi co noyahuëꞌ nicatona saꞌina tëhuananpitopi, nonpinpi, napopi. Co noyahuëꞌ nipisopita achinicancanpi niꞌton, co insonta co noyahuëꞌ nininsoꞌ yaaꞌporinhuëꞌ. Ina pënëntonaꞌpiroꞌsaꞌ, yaꞌhuëhuanoꞌsaꞌ, inapitaso sotomaroꞌsaꞌ, comoraroꞌsaꞌ, inapita pochin niꞌnahuë.

Oseas 11:8

Canpitaso israiroꞌsanquëmaꞌ. Noꞌhuípiro mini nipiramahuëꞌ, ¡Co nanitërahuë aꞌpomiataꞌhuanquëmasoꞌ! Atoma, Sipoin, inapita ninanoroꞌsasoꞌ, co noyahuëꞌ nipiso marëꞌ iráca ataꞌhuantërahuë. Inapita pochachin ataꞌhuantaꞌhuanquëmasoꞌ, ¡coꞌchi nanitarahuë paya! ¡Nosorochináchin cancantëranquëmaꞌ!

Amós 4:6

Naquëranchin Sinioro taantarin: “Ca nohuanton yaꞌipi yaꞌhuëramaquë cosharo pahuanin. Inapoapomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Romanos 9:29

Coꞌhuara ina ninshichatërasohuëꞌ, Isaiasë ninoton, tapon: “Sinioro yaꞌipinpoaꞌ huaꞌanëntërinpoaꞌ. Iráca ina nohuanton, yaꞌipi Sotomaquë yaꞌhuëpisopita taꞌhuantopi huachi. Comoraquë yaꞌhuëpisopitantaꞌ taꞌhuantopi. Canpoantaꞌ caraíchin nipirëhuahuëꞌ nosoroatonpoaꞌ, nichaꞌërinpoaꞌ. Co nosororinpoahuëꞌ naporini, canpoantaꞌ yaꞌipinpoaꞌ taꞌhuanchitërihuahuëꞌ,” tënin.

1 Corintios 3:15

Aꞌnaquënso nipirinhuëꞌ Yosë imaponaraihuëꞌ, co yaꞌipi cancanëna quëran imapihuëꞌ. Co aꞌnapita catahuapihuëꞌ noya imacaiso marëꞌ. Napoaton pëiꞌ huiquitërinso pochin nisapi. Yosëꞌpaꞌ paponaraihuëꞌ, co ina marëꞌ sacatopihuëꞌ niꞌton, inápaquë co mantaꞌ canaapihuëꞌ.

2 Pedro 2:6

Ina quëran Sotomaquë yaꞌhuëpisopitantaꞌ anaꞌintërin. Co noyahuëꞌ cancantohuachinara, Sotoma, Comora, catoꞌ ninano chachin noyá ahuiquitërin. Yaꞌipiya chiminpi. Ayonquiinpoaso marëꞌ inapita aninshitërin. “Co noyahuëꞌ nipatëhuaꞌ, chiníquën anaꞌintarinpoaꞌ,” tënëhuaꞌ.

Judas 1:23

Niꞌcoꞌ iyaroꞌsaꞌ. Maꞌsha pënquë anotohuachina, aꞌnaroáchin manëꞌ ama huiquitacaso marëhuëꞌ. Inapochachin piyapiꞌsaꞌ naꞌcon pënëncoꞌ ama parisitopiquë paacaiso marëhuëꞌ. Aꞌnaquënso nipirinhuëꞌ nonpin nanan paꞌyatatonaꞌ, co noyahuëꞌ nipi. Inapitantaꞌ nosoroatomaꞌ, pënëncoꞌ. Nipirinhuëꞌ, ama piꞌpian tërantaꞌ inapita pochin cancantocosohuëꞌ. Napopisoꞌ ama yonquicosohuëꞌ. Niꞌcona sopai minsëchinquëmaꞌ canpitantaꞌ.

Judas 1:7

Iráca Sotomaquë yaꞌhuëpisopitantaꞌ paꞌpi co noyahuëꞌ yonquipi. Monshihuanacaisoáchin cancantopi. Aꞌnaratipita taparoꞌ nipi. Co ina pochin nicacasohuëꞌ nipirinhuëꞌ, napopi. Ina marëꞌ Yosëri chiníquën anaꞌintërin. Pën inápa quëran aꞌpaimarin ahuiquitacaso marëꞌ. Sotoma, Comora, inapita huiquitopi. Yaꞌcariya ninanoroꞌsantaꞌ huiquitopi. Ayonquiinpoaso marëꞌ ninshitërinpoaꞌ. Inapita yonquiatëhuaꞌ, “Aꞌna tahuëri oshahuanoꞌsaꞌ pënquë parisitomiatapi huachi,” tënëhuaꞌ.

Apocalipsis 9:20

Naꞌa piyapiꞌsaꞌ chiminpirinahuëꞌ, co naporo tërantaꞌ aꞌnapitasoꞌ yonquiapihuëꞌ. Niꞌsaponaraihuëꞌ, inachachin co noyahuëꞌ cancantapi. Aquëtë chachin sopairoꞌsaꞌ chinotapi. Nisha nisha mamanshi moshapi. Oro quëran, prata quëran, huaꞌna quëran, naꞌpi quëran, nara quëran, ina quëranpita nipisoꞌ. Co inapitasoꞌ quënantopihuëꞌ, co natantopihuëꞌ, co iratopihuëꞌ. Co nanpipirinahuëꞌ, mosharapi.