Amós 4:10 - Chayahuita (Shahui)

¹⁰ Naquëranchin Sinioro taantarin. “Iráca iquipitoroꞌsa nisha nisha quëran aparisitërahuë. Inapita aparisitërahuëso pochachin canpitanta aparisitëranquëmaꞌ. Huiꞌnapinëmapita ahuëtopiquëranchin chiminpi. Cahuarionëmapitantaꞌ, inimiconëmapitari matërinënquëmaꞌ. Chinotëramaso nëꞌmëtë pëiroꞌsaquë chiminpisopita anarinsoꞌ, aimëtëranquëmaꞌ. Inapotëranquëmaꞌ. Inapotápiranquëmahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Amós 4:10 ပူးပေါင်းရင်းမြစ်များ

Éxodo 10:27

Naquëranchin Yosë nohuanton copirno co natantochináchinhuëꞌ cancantërin. Napoaton co israiroꞌsa aꞌpacaso nohuantërinhuëꞌ.

Éxodo 10:3

Yosëri napotërinso chachin Moisësë, Aaron, inapita copirno nicapona paꞌpi. Quënanconahuatonaꞌ, itaponaꞌ: “Naporin Yosë: ‘¿Onporo huarëta tëꞌhuatatonco natëponco? Piyapinëhuëpita chinotinacoso marëꞌ aꞌpaquë paꞌinaꞌ.

Éxodo 14:4

Ca nohuanton co natantochináchinhuëꞌ cancantaton, imaquiarinquëmaꞌ. Napoaponahuë imaquihuachinquëmaꞌ, sontaronënpita huëntonënë chachin ataꞌhuantarahuë. Inapotohuato, Sinioroco ninahuëso yaꞌipi iquipitoroꞌsa nitotapi,” itërin. Yosë camaitërinso chachin israiroꞌsa nipi.

Éxodo 15:26

“Caso Sinioroco. Canpitaso chinotëramaco. Casáchin nanitërahuë anoyatacasoꞌ. Nonahuësopita nóya natancoꞌ. Noya natanatomaꞌ, nohuantërahuëso nicoꞌ. Camaitërahuësopita natëtoma noya nipatamaꞌ, carinquëmanta noya niꞌsaranquëmaꞌ. Noya nicatënquëma canpitasoꞌ, catahuaaranquëmaꞌ. Iquipitoroꞌsasoꞌ, nisha nisha quëran anaꞌintërahuë. Canpitaso co ina pochin anaꞌintaponquëmahuëꞌ,” itërin.

Éxodo 8:19

Napoaton pënotonoꞌsasoꞌ copirno nontapona paꞌpi: “¡Yosë nohuanton poꞌsarëhuaꞌ!” itopi. Napotopirinahuëꞌ, Yosë naporinso chachin, Iquipito copirnoso co natëtërinhuëꞌ.

Éxodo 9:12

Napoaponahuëꞌ, Yosë nohuanton co copirno nanitërinhuë Moisësë, Aaron, inapita natëcasoꞌ. Moisësë napotërinso chachin ninin.

Éxodo 9:17

Napotopiranquënhuëꞌ, co piyapinëhuëpita yaaꞌparanhuëꞌ. Co aꞌpahuatanhuëꞌ,

Jeremías 15:3

Ca Sinioroco shaꞌhuitaranquëmaꞌ: Catapini nisha nisha quëran anaꞌintaranquëmaꞌ. Quira quëran chiminpatamaꞌ, niꞌniraroꞌsa pëꞌyapënquëmaꞌ. Chanaro caꞌtëroꞌsahuë nipon, tanan niꞌniroꞌsahuë nipon, pëꞌyapënquëmaꞌ.

Jeremías 18:21

Iporaso napoaponahuëꞌ, huiꞌninapita chimiinaꞌ. Tana quëranhuë nipon, sahuëni quëranhuë nipon, chimiinaꞌ. Saꞌinanta quëyoronatona saꞌahuainaꞌ. Quëmapiꞌsanta chiníquën caniori tëpaꞌin. Huiꞌnapinënapitantaꞌ, ahuëtopiquë chimiinaꞌ.

Jeremías 9:22

Mashoroꞌsanta tëpapisoꞌ notëntërantapi. Ninano aipiran chiꞌchiꞌ yamorantarinso pochin nipi. Yaquinaꞌpi trico motoꞌ atatohuachina, co incari maninsohuë pochin nisapi,’ chinaꞌ,” tënin.

Joel 2:20

Norti quëran sëquërëꞌ huëꞌpisoꞌ, aꞌpataranquëmaꞌ. Inapoato inotëro parti tëꞌyatarahuë. Quëchitopisopitasoꞌ, chimiriiꞌ marëꞌpaꞌ inquiitarahuë. Piquëran paꞌpisopitantaꞌ, marë pancaiꞌpaꞌ inquiitarahuë. Nonënapitasoꞌ chanatatonaꞌ, anahuanapon. Canpita catahuaꞌhuanquëmaso marëꞌ huëhuëpiro nininsopita nisarahuë,” tënin.

Amós 4:6

Naquëranchin Sinioro taantarin: “Ca nohuanton yaꞌipi yaꞌhuëramaquë cosharo pahuanin. Inapoapomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Amós 8:3

Ina tahuëri nanihuachin, copirno noyápiachin pëinënquë cantayantopisoꞌ, copi tapon. Naꞌnëroꞌsa yaꞌhuërëꞌ, oshaatona noncarorantaponaꞌ. Notohuaroꞌ piyapi naporo chiminapon niꞌton, co huachi paꞌpitaponahuëꞌ. Onpopinquë tëranta topinan tëꞌyataponaꞌ. Co manta tëcaponaraihuëꞌ, tëꞌyataponaꞌ. Ca Sinioroco noꞌtëquën shaꞌhuitaranquëmaꞌ, tënin.

Deuteronomio 7:15

Sinioro paꞌpoyarinquëma niꞌton, co manta canio masarinquëmahuëꞌ. Iquipitoroꞌsasoꞌ, iráca nisha nisha quëran anaꞌintërin. Nani canpita ina nitotëramaꞌ. Co canpitaso ina pochin anaꞌintarinquëmahuëꞌ. Yaꞌipi inimiconëma tëhuënchinsoꞌ ina pochin anaꞌintapon.