Amós 3:3 - Chayahuita (Shahui)

³ Cato yaꞌpi napopináchin yaꞌhuëhuachinara, anoyatopi niꞌton, naporin.

Amós 3:3 ပူးပေါင်းရင်းမြစ်များ

Génesis 17:1

Apran iscon shonca iscon piꞌipitasoꞌ, Siniorori yaꞌnotahuaton, itapon: —Caso Yosëco, yaꞌipi nanitaparahuë. Natëtonco, nohuantërahuësoráchin niquëꞌ.

Génesis 5:22

Inocosoꞌ, nani tahuëri Yosë chinotaton, ina nohuantërinsoráchin ninin. Matosarino nasitërin piquëran Inocosoꞌ, cara pasa piꞌi aquëtë yaꞌhuaantarin. Aꞌnapita huiꞌninpitanta quëmapiꞌsaꞌ, sanapiꞌsaꞌ, yaꞌhuëtërin.

Génesis 6:9

Noi naporinso shaꞌhuichinquëmaꞌ: Noiso Yosëíchin natëton, nóya ninin. Naporo tahuëriꞌsa inaíchin Yosë nohuantërinso ninin.

Amós 3:2

“Isoroꞌpaquë nisha nisha nacionoꞌsa yaꞌhuëpirinhuëꞌ, canpitasáchin huayonanquëmaꞌ. Inapotopiranquëmahuëꞌ, co noyahuëꞌ ninama niꞌton, anaꞌintaꞌhuanquëmaso yaꞌhuërin.

Amós 3:4

Paꞌpiniꞌ masho tananquë përapachina, nani mapintërin niꞌton, naporin. Paꞌpiniꞌ huiꞌnapishinta yaꞌhuërinquë tarëtohuachina, nani mapintaton napoárin.

Amós 4:1

Sanapiꞌsanquëmanta Samaria ninanoquë yaꞌhuëramasopita, natanco shaꞌhuichinquëmaꞌ: Canpitasoꞌ, Pasan parti ohuacaroꞌsa amonpiso pochin noya coshatatomaꞌ, amonamaꞌ. Popriyaroꞌsa nonpintatoma ihuaramaꞌ. Pahuantopisopitanta aparisitëramaꞌ. Soꞌyamanta huino quëshiimaso camairamaꞌ. Naporamaꞌ.