Amós 3:11 - Chayahuita (Shahui)

^11-12 Ina quëran Sinioro taantarin: “Samariaroꞌsa ina pochin cancantopiso marëꞌ, inimiconënapitari yaꞌhuëpiso noꞌpaꞌ tahuirapitapi. Noyá niacorapipisoꞌ ninanoroꞌsa ohuataponaꞌ. Noya pëinënapitaquë yaꞌconatonaꞌ, maꞌshanëna mataponaꞌ. Paꞌpiniꞌ ohuica caꞌpachina, aꞌpaitonaꞌpisoꞌ pëꞌsotërinsoꞌ manin. Huëratënhuë nipon, paꞌhuëquënpitahuë nipon, huaꞌanën aꞌnotacaso marëꞌ manin. Inapochachin Samariaquë yaꞌhuëpiso israiroꞌsantaꞌ, Tamascoquë, noya huënsënanoꞌsa paꞌanatona huënsëtopirinahuëꞌ, caraíchin chaꞌëtona taꞌaponaꞌ,” tënin.

Amós 3:11 ပူးပေါင်းရင်းမြစ်များ

Génesis 34:27

Aꞌnapita iinpitanta canquirahuatonaꞌ, yaꞌipi quëmapiꞌsa nani tëpapi niꞌton, ninanoquë maꞌsha yaꞌhuërinso mamiatopi. Oshina Siquimori tapirinso marëꞌ, iꞌhuërëtatona inapotopi.

Amós 2:5

Ca nohuanton Cota huënton parti huíquitapon. Ina pëni chachin Quirosarinquë noya noyápiachin pëiroꞌsa yaꞌhuërinsoꞌ, ahuiquitapon,” tënin.

Amós 3:10

Inapitasoꞌ, noya nicacaisoꞌ co nitotopihuëꞌ. Ahuëtatona maꞌsha mapisoꞌ, noya pëinënaquë tapapi,’ itoncoꞌ,” tënin.

Amós 3:15

Maꞌhuanoꞌsasoꞌ, oꞌnapi pëi yaꞌhuëtopi. Piꞌipi pëinta yaꞌhuëtopi. Yaꞌhuëtopirinahuëꞌ, cari yaꞌipi ataꞌhuantarahuë. Aꞌnaquën pëiroꞌsasoꞌ, huiri pomon quëranpita tapapitarapi. Aꞌnaquëonta panca nisahuaton noyápiachin pëiroꞌsa acopi. Inapopirinahuëꞌ, yaꞌipi ataꞌhuantarahuë.” Ca Sinioroco noꞌtëquën shaꞌhuitaranquëmaꞌ.

Amós 6:14

Naporamaso marëꞌ noya natanco israiroꞌsanquëmaꞌ. Sinioro chachin shaꞌhuitarinquëmaꞌ. Inasoꞌ Yosë niꞌton, yaꞌipi nanitaparin: “Naporamaso marëꞌ aꞌna nacion sontaroꞌsa ahuëinënquëmaso marëꞌ aꞌpataranquëmaꞌ. Inapitasoꞌ huëꞌpachina, pëtëtë parti Amato pëntoinan itopi quëran, pëꞌnatë partinta Arapa iꞌsha itopiquë huarëꞌ aꞌparisitarinënquëmaꞌ,” tënin Sinioro.

Amós 6:8

Ina quëran Yosëso taantapon: “Caso Yosëco yaꞌipi nanitaparahuë. Caso Sinioroco niꞌto, noꞌtëquën shaꞌhuitaranquëmaꞌ: ‘Israiroꞌsasoꞌ, yanocantopi. Inapopiso co quëꞌyarahuëꞌ. Noya pëiroꞌsa yaꞌhuëtopi niꞌton, “co manta onpoaraihuëꞌ” topisontaꞌ, co quëꞌyarahuëꞌ. Ca nohuanton inimiconënapitari Samariaquë yaꞌhuëpisopita minsëaponaꞌ. Inapotatonaꞌ, yaiꞌpi maꞌshanënapita mataponaꞌ,’ tënahuë,” tënin.