Amós 2:9 - Chayahuita (Shahui)

⁹ Ina quëran Siniorosoꞌ, piyapinënpita itapon: “Iráca caso shimashonëmapita isoporinquë poꞌmocaꞌhuaso marëꞌ amororoꞌsa ataꞌhuantërahuë. Inapitasoꞌ nonara pochin inapatopirinahuëꞌ, ataꞌhuantërahuë nopri nara pochin chiníquënoꞌsa nipirinahuëꞌ, inapotërahuë.

Amós 2:9 ပူးပေါင်းရင်းမြစ်များ

Génesis 15:16

Catapini shinpita huënton, yaꞌhuërin piquëran, shiparinpita isëquë chachin huëntaponaꞌ. Amororoꞌsa co noyahuëꞌ nipisoꞌ, co aquëtë huarëꞌ nishátërarinhuëꞌ. Napoaton naporo tahuëriꞌsa huarëꞌ anaꞌintarahuë huachi.

Éxodo 34:11

Yaꞌipi ipora camairanquëmasopita natëcoꞌ. Inapohuatamaꞌ, amororoꞌsaꞌ, cananoꞌsaꞌ, itiroꞌsaꞌ, huirisëroꞌsaꞌ, iporoꞌsaꞌ, quiposoroꞌsaꞌ, inapita tëꞌyatarahuë. Noꞌpanëna matamaso marëꞌ inapitaso napotarahuë.

Malaquías 4:1

Naquëranchin Sinioro shaꞌhuitaantarinpoaꞌ: “Caso Sinioroco yaꞌipi nanitapato shaꞌhuitaranquëmaꞌ: ‘Niꞌcoꞌ. Co huaꞌquiya quëranhuëꞌ, anaꞌintaꞌhuaso tahuëri naniarin. Ina tahuëri nanihuachin, ornoquë pën huënaratërinso pochin nisarin. Nocantopisopita, co noyahuëꞌ nipisopita, yaꞌipi inapita anaꞌintarahuë. Panca pënquë shinpitë aꞌnaroáchin huëyarinso pochin co noyahuëꞌ nipisopita anaꞌintarahuë.

Josué 10:12

Sinioro nohuanton israiroꞌsari amororoꞌsa canapi. Naporo tahuëri chachin Cosoi Yosë nontërin. Sontaronënpita natantonënquë Sinioro nontaton, tapon: “Piꞌi, Capaon ninanoquë tachitëquëꞌ. Quëmanta yoqui, Acaron motopianaquë tachitëquëꞌ,” itërin.

Josué 3:10

Yosëso nanpiárin. Ipora napoarin quëran catahuarinpoaso anitotarinpoaꞌ. Canpitaso ahuëta marëꞌ paꞌnamaquë, inimicoroꞌsa minsëraꞌpiapomaꞌ. Yosë catahuarinquëma niꞌton, napotaramaꞌ. Cananoꞌsaꞌ ataꞌhuantaramaꞌ. Itiroꞌsaꞌ, iporoꞌsaꞌ, huirisëroꞌsaꞌ, quiriquiroꞌsaꞌ, amororoꞌsaꞌ, quiposoroꞌsaꞌ, inapitanta napotaramaꞌ.