Amós 2:7 - Chayahuita (Shahui)

⁷ Inapitasoꞌ, popriyaroꞌsa aparisitatona atapanpi. Sano piyapiroꞌsantaꞌ, co noꞌtëquën catahuapihuëꞌ. Aꞌnaquëonta huiꞌninëꞌ, sanapi catopitopi. Caso noyasáchin nipirahuëꞌ, israiroꞌsa napopiso marëꞌ piyapiroꞌsa pinorinaco.

Amós 2:7 ပူးပေါင်းရင်းမြစ်များ

2 Samuel 12:14

Napoaponahuëꞌ, co noyahuëꞌ ninanso marëꞌ inimiconënpitari Yosë nocanpi. Inapotopi niꞌton, huiꞌnan nasha huaꞌhuatërinsoꞌ, chiminacaso yaꞌhuërin, itërin.

1 Reyes 21:4

Napotërinso natanaton, inaso sëtërin, noꞌhuitërin, naporin. Pëinënquë quëhuënconahuaton, paira parti notëtërin quëran natantárin. Coshatacaso marëꞌ përapirinahuëꞌ, co nohuantërinhuëꞌ.

Oseas 4:14

Huiꞌnama sanapiꞌsa mamanshiroꞌsa marëꞌ sacatohuachinaꞌ, co napopiso marëꞌ anaꞌintapohuëꞌ. Huiꞌnamapita saꞌinanta soꞌina tëhuananpitohuachinaꞌ, co napopiso marëꞌ anaꞌintapohuëꞌ. Canpitaora chachinta inanpi sanapiꞌsarëꞌquëma poꞌnamaꞌ. Ina sanapiroꞌsa mamanshi moshahuachinara canpitantaꞌ, mamanshiroꞌsa marëꞌ maꞌsha tëparahuatomaꞌ, inapitarëꞌquëma napopináchin moshapatëramaꞌ. Inapoatoma co manta yonquipisohuë pochin ninamaꞌ. Naporama niꞌton, nitapiamaso yaꞌhuërin.

Amós 4:1

Sanapiꞌsanquëmanta Samaria ninanoquë yaꞌhuëramasopita, natanco shaꞌhuichinquëmaꞌ: Canpitasoꞌ, Pasan parti ohuacaroꞌsa amonpiso pochin noya coshatatomaꞌ, amonamaꞌ. Popriyaroꞌsa nonpintatoma ihuaramaꞌ. Pahuantopisopitanta aparisitëramaꞌ. Soꞌyamanta huino quëshiimaso camairamaꞌ. Naporamaꞌ.

Amós 5:11

Popriyaroꞌsa ihuatomaꞌ, naꞌcon naꞌcon trico maꞌparamaꞌ. Naporamaso marëꞌ paꞌpi noya pëiroꞌsa yaꞌhuëtapomarahuëꞌ, co inaquë yaꞌhuëapomahuëꞌ. Noyápiachin oparoroꞌsa yaꞌhuëtapomarahuëꞌ, co inaquëran huino nicatoma oꞌopomahuëꞌ.

Amós 5:12

Paꞌpi co noyahuëꞌ ninamasopita caso nitotërahuë. Oshahuanamasontaꞌ, co pichinahuanhuëꞌ niconin. Noya nipisopita ihuaramaꞌ. Maꞌhuanoꞌsa pahuërëhuachinquëmara, co huachi noꞌtëquën anaꞌintëramahuëꞌ. Coisëroꞌsanta maꞌhuanoꞌsa catahuapi niꞌton, popriyaroꞌsara anaꞌintopi.

Amós 8:4

Aꞌnaquëmaso co panorohuanhuëꞌ nicatomaꞌ, sano piyapiroꞌsa ihuaramaꞌ. Popriyatopisopitantaꞌ, naꞌcon naꞌcon aparisitëramaꞌ.

Miqueas 2:9

Quëyoronoꞌsanta pëinënaquë noya yaꞌhuëpirinahuëꞌ, canpitarisoꞌ pëinënapita osërëtëramaꞌ. Huaꞌhuinapitantaꞌ, noya yaꞌhuëcaiso marëꞌ nani maꞌsha quëtopirahuëꞌ, inapitanta matatomaꞌ, aparisitëramaꞌ.

Romanos 2:24

Co noyahuëꞌ cancantëramaꞌ niꞌton, nisha piyapiꞌsantaꞌ co Yosë noya niꞌsapihuëꞌ. Quiricanënquë chachin naporin:

1 Corintios 5:1

Aꞌnaquënsoꞌ co noyahuëꞌ nicaton, monshihuanin, topi natantërahuë. Inasoꞌ paꞌpin saꞌin monshitërin. Inapoaton, paꞌpi co noyahuëꞌ ninin. Co imapisopitahuë tërantaꞌ co onporontaꞌ ina pochin nipihuëꞌ.