Amós 2:6 - Chayahuita (Shahui)

⁶ Naquëranchin Sinioro taantarin: “Israiroꞌsanta paꞌpi co noyahuëꞌ nipi. Aꞌnaquën co manta tëhuëpirinahuëꞌ, aꞌnapitari asacatacaiso marëꞌ paꞌanpi. Popriyaroꞌsanta sapatë marëáchin nihuitopirinahuëꞌ, inapotopi. Napopiso marëꞌ inapitantaꞌ, anaꞌintaꞌhuaso yaꞌhuërin.

Amós 2:6 ပူးပေါင်းရင်းမြစ်များ

2 Reyes 18:11

Asiria copirnori israiroꞌsa canarahuaton, yaꞌhuërinso roꞌtëquë quëparin. Ara parti, Aporo parti, inapita parti acorin. Inapitasoꞌ, Cosaniiquë yaꞌhuërin. Naporahuaton Mitia piyapiroꞌsa ninanonënaquëntaꞌ, acorin.

2 Reyes 18:12

Sinioroso Yosënëna nipirinhuëꞌ, co natëpiso marëhuëꞌ inapotopi. Inapitarë anoyatërinsoꞌ, co natëpihuëꞌ. Moisësënta camaitërinsopita co natëpihuëꞌ. Inasoꞌ, Sinioro natëton noꞌtëquën camaitopirinhuëꞌ, co natëpihuëꞌ.

Joel 3:3

Piyapinëhuëpita, nicanapiso pochin nicatonaꞌ, nipatomatopi. Quëmapiaꞌhuaroꞌsaꞌ, sanapiaꞌhuaroꞌsaꞌ, inapitanta paꞌanaꞌpiapi. Ina marëꞌ coriqui mapisopitasoꞌ, huino paꞌanatona iꞌquipi. Monshihuantë sanapiꞌsarëꞌ pocatonaꞌ, iꞌquipi,” tënin.

Joel 3:6

Cota huëntonquë yaꞌhuëpisopita, Quirosarinquë yaꞌhuëpisopita, inapita masahuatomaꞌ, áquë quëparamaꞌ. Inaquë cricoroꞌsa paꞌantëramaꞌ.