Amós 2:3 - Chayahuita (Shahui)

³ Copirnonëna osërëtarahuë. Ina nisahuaton huaꞌanoꞌsa acorinsopitarë chachin, tëpaarahuë,” tënin.

Amós 2:3 ပူးပေါင်းရင်းမြစ်များ

Salmos 2:10

Napoaton copirnoroꞌsanquëma yonquicoꞌ. Huaꞌanoꞌsanquëmantaꞌ, noya natancoꞌ. Apira aꞌchintaranquëmasoꞌ, noya nitotocoꞌ.

Isaías 40:23

Ina nohuanton chiníquën nanantopisopitantaꞌ, co huachi máquënoꞌsahuëꞌ nisapi. Huaꞌanoꞌsanta ina nohuanton taꞌhuantapi.

Amós 5:12

Paꞌpi co noyahuëꞌ ninamasopita caso nitotërahuë. Oshahuanamasontaꞌ, co pichinahuanhuëꞌ niconin. Noya nipisopita ihuaramaꞌ. Maꞌhuanoꞌsa pahuërëhuachinquëmara, co huachi noꞌtëquën anaꞌintëramahuëꞌ. Coisëroꞌsanta maꞌhuanoꞌsa catahuapi niꞌton, popriyaroꞌsara anaꞌintopi.

Amós 5:7

Aꞌnaquën noya nisapirinahuëꞌ, co noyahuëꞌ nisapiso pochin maꞌsha onpotëramaꞌ. Inapoatoma noya nicacasoꞌ, nocanatë pochin nitëramaꞌ. Ina marëꞌ canpitasoꞌ, ¡maꞌhuantacha nisarama paya!

Amós 6:12

¡Cahuarioroꞌsasoꞌ, co nanitopihuëꞌ natëtëroꞌsa paꞌtontacaisoꞌ! ¡Noꞌpaꞌ ohuërëpiquë ohuacaroꞌsasoꞌ, co marë ohuërëaponahuëꞌ! “Coisëroꞌsa catahuainacoi,” taꞌtona aꞌnaquënso huëcapaipirinënquëmahuëꞌ, canpitarisoꞌ noniatë pochin nitatomaꞌ, tëpatë pochin nitëramaꞌ. Inapoatomaꞌ, co inapocasohuëꞌ nininso ninamaꞌ. Catahuamaso marëꞌ ninarinëmasopita co catahuatomahuëꞌ, naꞌcon naꞌcon anoꞌhuitëramaꞌ.

Números 24:17

Aꞌna tahuëri napocaso shaꞌhuiarahuë. Huaꞌqui quëran niponahuë nanipon. Aꞌna tahuëri aꞌnara israiroꞌsa copirnonëna yaꞌhuëapon. Tayora aꞌpininso pochin nicaton, Cacopo shinpita catahuapon. Moapo piyapiꞌsa ataꞌhuantapon. Yaꞌipi Sito shinpita napotapon.