Amós 2:10 - Chayahuita (Shahui)

¹⁰ Canpitaso Iquipito quëran ocoirahuatënquëmaꞌ, catapini shonca piꞌipi inotëro parti ichiiratëranquëmaꞌ. Ina piquëran, inahua noꞌpanëna huaꞌanëntamaso marëꞌ quëtëranquëmaꞌ.

Amós 2:10 ပူးပေါင်းရင်းမြစ်များ

Nehemías 9:21

Inotëro parti catapini shonca piꞌipi nocomaran. Co manta ichipahuantëranhuëꞌ. Aꞌmopisontaꞌ, co mocarinhuëꞌ. Iratápirinahuëꞌ, co pomarantëtopihuëꞌ.

Éxodo 20:2

“Ca Sinioroco huaꞌanëntaranquëmaꞌ. Iquipitoquë chiníquën asacatopirinënquëmahuëꞌ, nani ocoiranquëma huachi. Apira noya natëamacoso marëꞌ shaꞌhuichinquëma natancoꞌ.

Jeremías 2:6

Naniantatonaco, co yonirinacohuëꞌ. Cari Iquipito quëran ocoiato, inotëro parti quënahuë. Inaso noꞌpaꞌ, yaniroꞌ. Notohuaroꞌ ohuatë yaꞌhuërin. Inaquëso co iꞌsha yaꞌhuërinhuëꞌ, paꞌpi huëhuëpiro yaꞌhuërin. Co insonta inaquë yaꞌhuërinhuëꞌ. Co insonta inaëchin iratërinhuëꞌ.

Amós 3:1

Israiroꞌsanquëmaꞌ. Canpitasoꞌ, Sinioro Iquipito quëran ocoirinquëmaꞌ. Ina naporinso natanco shaꞌhuichinquëmaꞌ:

Amós 9:7

Naquëranchin Sinioro pënëntaantarin: “Isontaꞌ, ca Sinioroco noꞌtëquën shaꞌhuitaranquëmaꞌ: ‘Israiroꞌsanquëmaꞌ. Canpitasoꞌ, itiopiaroꞌsa pochin niꞌnanquëmaꞌ. Canpita Iquipito quëran ocoirahuatënquëma isëquë quënanquëmaso pochachin, Crita soꞌton quëran huiristinoꞌsanta quënahuë. Siriaroꞌsantaꞌ, Quiri parti quëran quënahuë.

Miqueas 6:4

Shimashonëmapita iráca Iquipitoquë chiníquën asacatatona aparisitápirinahuëꞌ, cari ocoiato nichaꞌërahuë. Naporahuaton catahuainëmaso marëꞌ Moisësë, Aaron, Maria, inapita acorahuë.

Números 13:32

Naporahuatona aꞌnapita israiroꞌsaꞌ, apaꞌyanacaiso marëꞌ itaponaꞌ: —Noꞌpaꞌ nahuipoi paꞌpiraihuëꞌ, paꞌpi co noyahuëꞌ niꞌconai. Inatohuasoꞌ, chimirin yaꞌhuërin. Yaꞌipi yaꞌhuëhuanoꞌsa niꞌconaisoꞌ, mashoinaꞌ huanipi.

Hechos 13:18

Catapini shonca piꞌipi inotëro parti paꞌpachinara, Yosëri nosoroaton, co ataꞌhuantërinhuëꞌ. Co yanatëpirinahuëꞌ, naꞌcon catahuarin.

Hechos 7:42

Napoaton Yosëri tananpitërin. Tananpitohuachina, maꞌsha inápaquë yaꞌhuërinsopita moshapi. Piꞌi, yoqui, tayora, inapita moshapi. Pënëntonaꞌpi iráca Yosë quiricanënquë ninshitaton, tapon: “Israiroꞌsaꞌ nontaton, Yosëri itërin: ‘Catapini shonca piꞌipi inotëro parti paasëmaꞌ maꞌsha tëpahuatamara, co chinotatomaco naporamahuëꞌ.

Josué 24:8

Napoyan quëran carima amororoꞌsa yaꞌhuëpiquë quënanquëmaꞌ. Cortaniiꞌ aquëtëran yaꞌhuëpisopitaꞌton chinitërinënquëmaꞌ. Chinitopirinënquëmahuëꞌ, carima catahuaranquëma niꞌton, inapita minsëramaꞌ. Inapotahuatomaꞌ, ina parti noꞌpaꞌ yaꞌhuërinsoꞌ huaꞌanëntëramaꞌ.