Amós 1:3 - Chayahuita (Shahui)

³ Naporin Sinioro: “Tamasco ninanoquë yaꞌhuëpisopitari Carataquë yaꞌhuëpisopita paꞌpi aparisitopi. Huaꞌnamia quëran trichoroꞌsa nicatona niꞌnoratopiso pochin tamascoroꞌsari carataroꞌsa aparisitërin. Napoaton anaꞌintaꞌhuaso yaꞌhuërin.

Amós 1:3 ပူးပေါင်းရင်းမြစ်များ

1 Reyes 19:17

Inapotohuatan, insosona Asairo quëran chaꞌëpachin, Quiori tëpapon. Quio quëran chaꞌëpachin, Irisiori tëpapon. Ina nipirinhuëꞌ, ca nohuanton canchisë huaranca israiroꞌsa imamiatarinaco. Inapitaso mamanshi Paaro itopisoꞌ, co moshapihuëꞌ,” itërin.

Copo naporinso' 19:3

Nani naꞌaro noꞌhuiramaco. Inapoatomaꞌ, aparisitaramaco niꞌton, tapanco huachi.

Copo naporinso' 5:19

Naquëranchin naquëranchin huëhuëpiro ninin quëran nichaꞌësarinquën. Ina nohuanton co nosorotáponhuëꞌ.

Proverbios 6:16

Saota pochin, canchisënta yaꞌhuërin co Siniorori quëꞌyarinsopitahuëꞌ:

Eclesiastés 11:2

Maꞌsha yaꞌhuëtohuachinquën, ama apiraquësohuëꞌ. Pahuantiinquë huarënta yoꞌquëꞌ. Co nitotërëhuahuëꞌ tashiraya maꞌsha onpocaso niꞌton, inapoquëꞌ.

Isaías 41:15

Carima catahuaranquëma niꞌton, inimiconëmapita minsëaramaꞌ. Nasha toꞌnoratiinan cato panshin natëhuaninso pochin nisaramaꞌ. Motopiroꞌsa papatatë amocan atarantërëso pochin nitaramaꞌ. Motopiaꞌhuaroꞌsanta papatatomaꞌ, trico shaꞌhuëtë atarantatë pochin nitaramaꞌ.

Isaías 7:16

Ina huaꞌhuasha coꞌhuara chinotoaꞌhua nishátërasohuëꞌ, ipora cato copirnoroꞌsa aꞌpayaninquënsopita noꞌpanënaꞌ, ataꞌhuantapona huachi.

Isaías 7:8

Siria copirno ninanonënsoꞌ, Tamasco itopi. Inaquë Nisin copirno huaꞌanëntërin. Israiro copirno ninanonëntaꞌ, Samaria itopi. Inaquë Nimariasë huiꞌnin huaꞌanëntërin. Napopirinhuëꞌ, saota shonca aꞌnatërápo piꞌipiya quëran israiroꞌsaso co huachi nacion nicaponahuëꞌ. Coꞌsoꞌ canpitantaꞌ, cancanëma quëran huarëꞌ natëhuatamacohuëꞌ, inapita pochachin nisaramaꞌ,” tënin Sinioro, itërin Isaiasëri.

Amós 1:11

Ina quëran Sinioro taantarin: “Itomoroꞌsantaꞌ, paꞌpi co noyahuëꞌ nipi. Israiroꞌsasoꞌ, quëmopinënapita niponaraihuëꞌ, paꞌpi noꞌhuipi. Noꞌhuitona tëpacaiso marëꞌ sahuëni siꞌhuitahuatona ima imarantapi. Noꞌhuiantopisoꞌ nichinapon chachin, co amasha tëranta nosoropihuëꞌ. Napoaton inapitantaꞌ, anaꞌintaꞌhuaso yaꞌhuërin.

Amós 1:13

Ina quëran Sinioro taantarin: “Amonoꞌsantaꞌ, paꞌpi co noyahuëꞌ nipi. Noꞌpanëna apancanatacaiso marëꞌ ahuëtopi. Inapoatona Carataquë cayoronoꞌsa yaꞌhuërinsoꞌ, yápoipi. Napoaton inapitantaꞌ, anaꞌintaꞌhuaso yaꞌhuërin.

Amós 1:6

Ina quëran Sinioro taantarin: “Casa ninanoquë yaꞌhuëpisopitantaꞌ, paꞌpi co noyahuëꞌ nipi. Naꞌa ninanoroꞌsaquë yaꞌhuëpisopita minsërahuatonaꞌ, itomoroꞌsa yaꞌhuëpiquë quëpapi. Inaquë inapitari asacatacaiso marëꞌ paꞌanconpi. Napoaton Casaquë yaꞌhuëpisopita anaꞌintaꞌhuaso yaꞌhuërin.

Amós 1:9

Ina quëran Sinioro taantarin: “Tiro ninanoquë yaꞌhuëpisopitantaꞌ, paꞌpi co noyahuëꞌ nipi. Inapitasoꞌ, aꞌna noꞌpaquë yaꞌhuëpisopitarëꞌ iina pochin ninicacaiso marëꞌ nani anoyatopi. Napoaponaraihuëꞌ inapita chachin masahuatonaꞌ, itomoroꞌsari asacatacaiso marëꞌ paꞌanconpi. Napoaton Tiroquë yaꞌhuëpisopita, anaꞌintaꞌhuaso yaꞌhuërin.

Amós 2:1

Naquëranchin Sinioro taantarin: “Moaporoꞌsantaꞌ, paꞌpi co noyahuëꞌ nipi. Aꞌnara Itomo copirno paꞌpitopiso nansëquën mapi. Inapoatona yano taranaquë huarëꞌ ahuiquitopi. Napoaton moaporoꞌsa anaꞌintaꞌhuaso yaꞌhuërin.

Amós 2:4

Naquëranchin Sinioro taantarin: “Cota huënton israiroꞌsantaꞌ, paꞌpi co noyahuëꞌ nipi. Aꞌchintërahuësopita nocanatonaꞌ, pënëntërahuësopitanta co natëpihuëꞌ. Shimashonëna moshapiso chachin inapitanta moshaantapi. Napoaton inapitanta anaꞌintaꞌhuaso yaꞌhuërin.

Amós 2:6

Naquëranchin Sinioro taantarin: “Israiroꞌsanta paꞌpi co noyahuëꞌ nipi. Aꞌnaquën co manta tëhuëpirinahuëꞌ, aꞌnapitari asacatacaiso marëꞌ paꞌanpi. Popriyaroꞌsanta sapatë marëáchin nihuitopirinahuëꞌ, inapotopi. Napopiso marëꞌ inapitantaꞌ, anaꞌintaꞌhuaso yaꞌhuërin.

Zacarías 9:1

(-)