3 Juan 1:3 - Chayahuita (Shahui)

³ Iꞌhuamiáchin aꞌnapita iyaroꞌsaꞌ canquirahuatonaꞌ, shaꞌhuitiirinaco: “Iya Acayo nóya cancantaton, noꞌtëquën imarin,” itiirinaco. Ina natanato, nóya cancantërahuë.

3 Juan 1:3 ပူးပေါင်းရင်းမြစ်များ

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

1 Corintios 13:6

Piyapiꞌsaꞌ co noyahuëꞌ nipachinaꞌ, tëhuënchachin sëtarihuaꞌ. Noꞌtëquën yonquihuachinaꞌ, canpoantaꞌ noya cancantarihuaꞌ.

Gálatas 6:10

Napoaton yaꞌipi piyapiꞌsaꞌ nosoroaꞌhuaꞌ. Nanitohuatëhuaꞌ, catahuahuaꞌ. Quisocristo imarëhuasopita capini naꞌcon naꞌcon nicatahuahuaꞌ.

Filipenses 1:4

Noya cancantato, canpita marëꞌ Yosë nontërahuë.

2 Juan 1:2

Quisocristo noꞌtëquën aꞌchintërinpoaꞌ. Noꞌtën nanan imamiatatëhuaꞌ, ninosoroarëhuaꞌ.

2 Juan 1:4

Aꞌnaquën yaꞌhuëramaquë noya imasapi quënanconahuë. Tata Yosë pënëninpoasoꞌ noꞌtëquën natëapi. Ina marëꞌ nóya cancantërahuë.

3 Juan 1:10

Napoaton yaꞌhuëramaquë paꞌpato, co noyahuëꞌ nininsopita aꞌninquëchin shaꞌhuitarahuë. Inasoꞌ naꞌcon pinorincoi, nonpinapirincoi. Naporahuaton, iyaroꞌsaꞌ aꞌchinacaiso marëꞌ canconpachinara, co noya nontërinhuëꞌ. Co pëinënquë ayaꞌconinhuëꞌ. Aꞌnapitari aꞌchinaꞌpiroꞌsaꞌ yacatahuapirinahuëꞌ, co ina tërantaꞌ nohuantërinhuëꞌ. “Ama pëinëmaquë ayaꞌconcosohuëꞌ,” itopirinhuëꞌ. Ayaꞌconpachinara, noꞌhuiton, inapitantaꞌ niyontonpi quëran yaocoirin. “Ama huachi canpita tërantaꞌ niyontonpiso pëiquë yaꞌconcosohuëꞌ,” toconin. Paꞌpi co noyahuëꞌ yonquirin inasoꞌ.

3 Juan 1:2

Quëma marëꞌ iyasha, Yosë nontërahuë: “Catahuaquëꞌ Sinioro noya yaꞌhuëꞌin, ama canioinsohuëꞌ. Noya imarinquën niꞌton, catahuaquëꞌ noya yaꞌhuëꞌin,” itërahuë, Yosë nontato.

3 Juan 1:4

Nani Quisocristo nanamën aꞌchintëranquëmaꞌ. Ina natëtomaꞌ, imaramaꞌ niꞌton, huiꞌnahuëpita pochin niꞌnanquëmaꞌ. Naꞌcon nosororanquëmaꞌ. Noꞌtën nanan imapatamaꞌ, nóya cancantarahuë. Ina naꞌcon naꞌcon nohuantërahuë.

3 Juan 1:5

Ma noya iya imapisopita nosororan. Niꞌtoroꞌsaꞌ yaꞌnohuachinara, Quisocristo imapi niꞌton, oꞌshitaton, aꞌcaran. Co nohuitaponahuëꞌ, noya nontaton, catahuaran, natantërahuë. Yosë natëton iya inaporan.