3 Juan 1:2 - Chayahuita (Shahui)

² Quëma marëꞌ iyasha, Yosë nontërahuë: “Catahuaquëꞌ Sinioro noya yaꞌhuëꞌin, ama canioinsohuëꞌ. Noya imarinquën niꞌton, catahuaquëꞌ noya yaꞌhuëꞌin,” itërahuë, Yosë nontato.

3 Juan 1:2 ပူးပေါင်းရင်းမြစ်များ

Mateo 9:12

Natanahuaton, Quisosori itërin: —Isopitasoꞌ tëhuënchachin nohuantopi imainacosoꞌ. Niꞌcoꞌ. Caniaꞌpiroꞌsasoꞌ notoro nohuantopi. Nipirinhuëꞌ, “Co caniorahuëꞌ,” topatërasoꞌ, co notoro nohuantërëhuëꞌ.

Filipenses 2:27

Tëhuënchachin chiníquën caniorin. Piꞌpishachin shichiminin. Nipirinhuëꞌ, Yosëri nosoroaton, anoyatërin. Cantaꞌ nosoroatonco, iyahuë anoyatërinco. Ama aquëtëꞌ sëtacaꞌhuaso marëhuëꞌ Yosë nohuanton, co chimininhuëꞌ.

Filipenses 2:4

Ama canpitaora nohuantëramasoráchin yonquicosohuëꞌ. Aꞌnapita nohuantërinsontaꞌ yonquiatomaꞌ, catahuacoꞌ.

2 Tesalonicenses 1:3

Iporasoꞌ iyaroꞌsaꞌ noya noya imasaramaꞌ. Cancanëma quëran huarëꞌ ina natëramaꞌ. Naꞌcon naꞌcon ninosororamaꞌ niꞌton, nani tahuëri “Yosparinquën,” itërai Yosë. Ina naꞌcon catahuarinquëmaꞌ niꞌton, ina pochin nontacasoꞌ yaꞌhuërin. Ina Yosë nohuantërin.

2 Tesalonicenses 2:13

Canpitaso nipirinhuëꞌ iyaroꞌsaꞌ, imaramaꞌ. Sinioro nosororinquëmaꞌ. Iráca quëran huarëꞌ Yosë huayoninquëmaꞌ huëntonënquë yaꞌconacamaso marëꞌ. Noꞌtën nanan natëhuatamaꞌ, Ispirito Santo anoyacancantërinquëmaꞌ Yosë nohuantërinso chachin nicacamaso marëꞌ. Ina yonquiatoi, Yosë nontërai: “Ma noya Sinioro inapitasoꞌ nichaꞌëran niꞌton, ‘Yosparinquën,’ ” itërai, Yosë nontatoi.

Santiago 5:12

Naꞌcon iyaroꞌsaꞌ yonquicoꞌ noꞌtëquënáchin nonacamasoꞌ: “Paꞌsarahuë,” topatamaꞌ, pacoꞌ. “Co paꞌsarahuëꞌ,” topatamaꞌ, ama pacosohuëꞌ. Nani tahuëri noꞌtëquënáchin nontohuatamaꞌ, co “Yoscoarëꞌ,” taꞌcasoꞌ yaꞌhuërinhuëꞌ. Coꞌni maꞌsha tërantaꞌ isoroꞌpaquë yaꞌhuërinsoꞌ aꞌpitatëhuaꞌ nonpinacasoꞌ yaꞌhuërinhuëꞌ. Napoaton nani tahuëri noꞌtëquën noncoꞌ, Yosë anaꞌintochinquëmaꞌ.

1 Pedro 4:8

Yaꞌipi cancanëma quëran noya ninosorocoꞌ. Ina naꞌcon naꞌcon Yosë nohuantërin. Piyapi nosorohuatamaꞌ, co noyahuëꞌ nipirinahuëntaꞌ, aꞌnaroáchin nanan anoyataramaꞌ. Co noyahuëꞌ nipisopita naniantatomaꞌ, co huachi yonquiaramahuëꞌ.

2 Pedro 3:18

Canpitaso nipirinhuëꞌ, Sinioro Quisocristoíchin yonquicoꞌ. Inaora nohuanton, nosororinquëmaꞌ niꞌton, nani tahuëri yacatahuarinquëmaꞌ. Inasáchin yonquihuatamaꞌ, oshaquëran noya noya nohuitaramaꞌ. Inasoꞌ nichaꞌësarinpoaꞌ. Yaꞌipi piyapiꞌsari chinochinaꞌ. Ayaroꞌ tahuëriquë huarëꞌ inasáchin yonquiaꞌahuaꞌ. Amen. Nani ninshitëranquëma huachi. Pitro

3 Juan 1:1

Ca ansianoco ninshitaranquën, iya Acayo. ¿Noya quëmantaꞌ yaꞌhuaran? Cantaꞌ noya isëquë yaꞌhuarahuë. Noꞌtën nanan imaran niꞌton, tëhuënchachin nosororanquën.

Apocalipsis 2:9

Imaramacoso marëꞌ naꞌcon parisitëramasoꞌ nitotërahuë. Co naꞌa maꞌsha yaꞌhuëtopirinquëmahuëꞌ, Yosë nohuitacamasoachin cancantatomaꞌ, sano cancantëramaꞌ. Aꞌna tahuërintaꞌ Yosëꞌpaꞌ paꞌpatamaꞌ, co mantaꞌ pahuantarinquëmahuëꞌ. Iporaso nipirinhuëꞌ aꞌnaquën chiníquën pinorinënquëmaꞌ. ‘Yosë piyapinëncoi quiyasoꞌ,’ topirinahuëꞌ, Satanasë huëntonënquë yaꞌconpi.