2 Timoteo 4:22 - Chayahuita (Shahui)

²² Sinioro Quisocristo achinicancainquën. Yaꞌipinquëmaꞌ imaramasopita inaora nohuanton, noya catahuainquëmaꞌ. Nani huachi. Paono

2 Timoteo 4:22 ပူးပေါင်းရင်းမြစ်များ

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Romanos 1:7

Napoaton Nomaquë yaꞌhuëramasopita ninshitaranquëmaꞌ. Yosë paꞌpi nosororinquëmaꞌ. Nani acorinquëmaꞌ piyapinënpita nicacamasoꞌ. Niꞌton, inasáchin yonquicasoꞌ yaꞌhuërin. Tata Yosë inaora nohuanton, catahuainquëmaꞌ. Asanocancainquëmaꞌ. Quisocristontaꞌ inapochachin catahuainquëmaꞌ. Inasoꞌ huaꞌanëntërinpoaꞌ.

Romanos 16:20

Yosëíchin catahuarinpoaꞌ sano cancantacasoꞌ. Sopai yanonpintopirinquëmahuëꞌ, Yosë catahuarinquëmaꞌ niꞌton, aꞌnaroáchin sopai minsëaramaꞌ. Canpita marëꞌ Yosë nontarahuë. Inaora nohuanton, Sinioro Quisocristo noya catahuainquëmaꞌ, tënahuë.

1 Corintios 16:23

Inaora nohuanton, Sinioro Quisoso catahuainquëmaꞌ.

2 Corintios 13:14

Inaora nohuanton, Sinioro Quisocristo catahuainquëmaꞌ. Tata Yosë nosoroꞌinquëmaꞌ. Ispirito Santo chachin nani tahuëri noya ayonquiinquëmaꞌ. Nani huachi. Paono

Gálatas 6:18

Yaꞌipinquëmaꞌ, iyaroꞌsaꞌ, yonquiáranquëmaꞌ. Inaora nohuanton, Sinioro Quisocristo catahuainquëmaꞌ. Amen. Nani huachi. Paono

Efesios 6:24

Quisocristo huaꞌanëntarinpoaꞌ. Ina nosoromiatohuatamaꞌ, inaora nohuanton, Yosë noya catahuainquëmaꞌ, tënahuë. Amen. Nani ninshitëranquëma huachi. Paono

Filipenses 4:23

Inaora nohuanton, Sinioro Quisocristo noya catahuainquëmaꞌ. Nani ninshitëranquëma huachi. Paono

Colosenses 4:18

Ca Paonoco naꞌcon yonquiatënquëmaꞌ, saludos aꞌpataranquëmaꞌ. Caora imirahuë quëran isoíchin ninshitaranquëmaꞌ. Tashinan pëiquë yaꞌhuarahuë. Ama naniantocosohuëꞌ. Yosë inaora nohuanton, noya catahuainquëmaꞌ. Nani ninshitëranquëma huachi. Paono

1 Timoteo 6:21

Aꞌnaquën nisha nanan imatonaꞌ, Yosë aꞌpopi. Ama inapita natëquësohuëꞌ. Inaora nohuanton, Yosë noya catahuainquën. Nani ninshitëranquën huachi. Paono

Filemón 1:25

Inaora nohuanton, Sinioro Quisocristo noya catahuainquëmaꞌ. Nani huachi. Paono

1 Pedro 5:14

Yaꞌipinquëmaꞌ noya ninosoroatomaꞌ, nisëꞌquëcoꞌ. Quisocristo imaramaꞌ niꞌton, Yosë catahuainquëmaꞌ sano cancantacamaso marëꞌ. Nani huachi. Pitro

Apocalipsis 22:21

Sinioro Quisoso noya catahuainquëmaꞌ. Yaꞌipi imaramasopita nosoroatënquëmaꞌ, catahuainquëmaꞌ. Nani ninshitëranquëma huachi. Coansha