2 Timoteo 4:21 - Chayahuita (Shahui)

²¹ Ama api huaꞌquiquësohuëꞌ. Coꞌhuara oꞌnapi naniyatërasohuëꞌ, huëquëꞌ. Ioporo, Potinti, Nino, Craotia, yaꞌipi imapisopita isëquë yaꞌhuëpisoꞌ yonquiatënënquën, saludos aꞌpatarinënquën.

2 Timoteo 4:21 ပူးပေါင်းရင်းမြစ်များ

Lucas 12:58

Niꞌcoꞌ. Nihuitëranso marëꞌ yaquëpahuachinënquën, aꞌnaroáchin nanan anoyatëquëꞌ. Co anoyatohuatanhuëꞌ, coisëquë quëpaarinënquën. Coisëquë quëpahuachinënquën, sontaroquë yoꞌcoaninënquën niꞌton, tashinan pëiquë poꞌmoarinënquën.

1 Corintios 16:20

Yaꞌipicoi saludos aꞌpatarainquëmaꞌ. Noya iyaroꞌsaꞌ yaꞌhuëcoꞌ, tënai. Noya ninosoroatomaꞌ, nisëꞌquëcoꞌ.

2 Corintios 13:13

Yaꞌipi imapisopita isëquë yaꞌhuëpisoꞌ, saludos aꞌpatarinënquëmaꞌ.

Filipenses 4:22

Yaꞌipi Yosë imapisopita isëquë yaꞌhuëpisoꞌ saludos aꞌpatarinënquëmaꞌ. Copirno inpriatonënpitantaꞌ naꞌcon yonquiatënënquëmaꞌ, saludos aꞌpatarinënquëmaꞌ.

2 Timoteo 1:4

Iráca yapatohuatënquëna, sëtaton naꞌnëran. Ina yonquiato, naꞌcon yaniꞌnanquën. Onpopiontaꞌ nicato noya cancanchi, tënahuë.

2 Timoteo 4:13

Aipi aꞌmorahuëso tanontën nininsoꞌ Troasëquë huëshirahuë. Carpio pëinënquë yaꞌhuëarin. Huëꞌpatan, quëshico. Quiricaroꞌsantaꞌ quëshico. Quiricanëhuë soꞌnanpinan nininsopita naꞌcon naꞌcon nohuantërahuë.

2 Timoteo 4:9

Manóton api huëquëꞌ niꞌquico. Ama huaꞌquiquësohuëꞌ.

Tito 3:12

Artimasë aꞌpataranquën. Co ina nanitohuachinhuëꞌ, Tiquico paꞌsarin. Cantonpachinquën, manoton Nicoporisëquë huëcaton, niꞌquico. Inaquë oꞌnapi naꞌhuëanatarahuë.

2 Juan 1:13

Isëquë Quisocristo imapisopita yonquiarinënquëmaꞌ. Yosë nohuanton, huëntonënquë yaꞌconpi antaꞌ. Inapitantaꞌ saludos aꞌpatarinënquëmaꞌ. Nani huachi.

3 Juan 1:14

Co huaꞌquiya quëranhuëꞌ nicaponquën paꞌsarahuë, topirahuëꞌ. Paꞌpato, niquënanpatëhuaꞌ noanhuaꞌ.