2 Timoteo 4:17 - Chayahuita (Shahui)

¹⁷ Taꞌananpipirinacohuëꞌ, Quisocristo catahuarinco. Co patërincohuëꞌ. Achinicancaninco niꞌton, inaquëntaꞌ yaꞌipi Yosë nanamën shaꞌhuirahuë. Nisha nisha piyapiꞌsaꞌ nani natanpi. Paꞌpiniꞌ yamaninposo pochin yatëpapirinacohuëꞌ, Yosë catahuarinco, chaꞌërahuë.

2 Timoteo 4:17 ပူးပေါင်းရင်းမြစ်များ

Salmos 22:21

Paꞌpiniroꞌsasoꞌ, nahuëantahuatonpo yamaninpoꞌ. Tanan ohuacaroꞌsanta pomonën quëran yatëparinpoꞌ. Inapita pochin inimicoroꞌsa yanitopirinacohuëꞌ, ¡nichaꞌëco!

Proverbios 20:2

Copirno noꞌhuitohuachinasoꞌ, paꞌpiniꞌ përarinso pochin ninin. Insoariso anoꞌhuitohuachin, chimirin yonitë pochin nisarin.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 41:14

Canpitaso israiroꞌsanquëmaꞌ, co naꞌashanquëmahuëꞌ. Chaꞌcho co chinirinsohuë pochin nipiramahuëꞌ, carima chachin catahuaranquëmaꞌ. Caso Yosëco noyasáchin ninahuë niꞌton, chinotëramaco. Carinquëma nichaꞌësaranquëmaꞌ.

Jeremías 2:30

Topinan quëran huiꞌnamapita anaꞌintërahuë. Cancan yonquicaiso marëꞌ napotopirahuëꞌ, co yanitotopihuëꞌ. Paꞌpiniroꞌsa tëꞌhuatoro yaꞌnopiso pochin nicatomaꞌ, pënëntonaꞌpiroꞌsa tëparamaꞌ.

Daniel 6:27

Inaíchin nichaꞌëtonaꞌpisoꞌ. Isoroꞌpaquë, piꞌiroꞌtëquë, inaquëpita co nanitapacasohuëꞌ nininsopita ninin. Naniri paꞌpiniquë tëꞌyatopiraihuëꞌ, inari nichaꞌërin niꞌton, co manta onpotopihuëꞌ,” tënin ninshitaton.

Mateo 10:19

Inaquëpita quëpahuachinënquëmaꞌ, ama paꞌyancosohuëꞌ. ‘¿Maꞌcha tonoꞌpoya?’ ama tocosohuëꞌ. Naporoꞌ Yosë anitotarinquëmaꞌ noꞌtëquën aꞌpanitacamaso marëꞌ.

Lucas 1:1

Quisocristo isoroꞌpaquë oꞌmaton, nóya ninin. Naꞌa piyapiꞌsari ina naporinsoꞌ nani ninshitopi.

Lucas 21:15

Catahuaranquëmaꞌ noya nonacamasoꞌ. Ca nohuanto, noya yonquiaramaꞌ. Inimiconënpita co nanitapihuëꞌ aꞌpaniinquëmasoꞌ.

Hechos 23:11

Naporoꞌ tashiꞌ Siniorori yaꞌnotimarahuaton, Paono itapon: “¡Ama tëꞌhuatonhuëꞌ, chiníquën cancantëquëꞌ! Quirosarinquë nanamëhuë nani shaꞌhuiran. Inapochachin Nomaquëntaꞌ paaton, shaꞌhuiantamasoꞌ yaꞌhuërin,” itërin.

Hechos 9:15

“Iꞌhua mini co noyahuëꞌ yonquipirinhuëꞌ, nani huayonahuë ca nanamëhuë aꞌchinacaso marëꞌ. Nisha nisha piyapiꞌsaꞌ aꞌchintarin imainacoso marëꞌ. Huaꞌanoꞌsanënpitantaꞌ shaꞌhuitarin. Israiroꞌsantaꞌ aꞌchintarin imainacoso marëꞌ.

Romanos 15:31

Cotia parti naꞌa piyapiꞌsaꞌ co Yosë natëpihuëꞌ. Inatohuaꞌ paꞌpato, Yosë nontocoꞌ ama macainacoso marëhuëꞌ. Naporahuaton, coriqui quëtontahuato, Yosë nontocoꞌ cotioroꞌsaꞌ imapisopita Quirosarinquë yaꞌhuëpisoꞌ noya nicainacoiso marëꞌ.

2 Corintios 12:9

Sinioro shaꞌhuitërinco: “Ca nohuanto, ipora huantaꞌ parisitapiranhuëꞌ, nosoroatënquën, naꞌcon catahuaranquën. Carinquën achinicancanaranquën noya ahuantamaso marëꞌ. Co quëmaora nanitohuatanhuëꞌ, naꞌcon naꞌcon catahuaranquën. Maꞌsona tërantaꞌ onpohuatan, co onporontaꞌ pataranquënhuëꞌ,” itërinco. Napoaton co huachi sëtërahuëꞌ. “Co caora nanitohuatërahuëꞌ, Quisocristo naꞌcon naꞌcon catahuarinco,” taꞌto, noya cancantërahuë.

Efesios 3:8

Casoꞌ aꞌnapita imapisopita quëran naꞌcon naꞌcon co noyahuëꞌ nipirahuëꞌ, anoyacancantërinco. Ina quëran nosoroatonco, acorinco nisha piyapiꞌsaꞌ shaꞌhuitaꞌhuaso marëꞌ. Quisocristo nanamënsoꞌ noyápiachin. Ma inacha niꞌton, nosoromiatërinpoa paya, tënahuë yonquiato.

1 Timoteo 1:12

Ina marëꞌ Sinioro Quisocristo achinicancaninco. “Noꞌtëquën natëarinco,” taꞌton, acorinco aꞌchinaꞌhuaso marëꞌ. Napoaton: “Yosparinquën Sinioro,” itërahuë.

2 Timoteo 2:1

Quëmantaꞌ api: “Quisocristo catahuarinco,” taꞌton chiníquën cancantëquëꞌ. Ina imapatëhuaꞌ, inaora nohuanton catahuarinpoaꞌ chiníquën cancantacasoꞌ. Huiꞌnahuë pochin nicatënquën, pënënaranquën.

2 Timoteo 2:9

Ina aꞌchinahuëso marëꞌ parisitërahuë. Noꞌhuitonaco, tashinan pëiquë poꞌmorinaco. Apinaꞌpi pochin nicatonaco, catinatërinaco. Inapotopirinacohuëꞌ, Yosë nanamënsoꞌ co nanitopihuëꞌ inapotacaisoꞌ. Nisha nisha parti aꞌchinapi niꞌton, nahuinin.

2 Timoteo 3:11

Aparisitopirinacohuëꞌ, ahuantërahuë. Yaꞌipi niꞌnan niꞌton, nitotëran. Antioquiaquë, Iconioquë, Nistraquë, inaquëpita chiníquën parisitaporahuëꞌ, Sinioro catahuarinco niꞌton, chaꞌërahuë.

2 Timoteo 4:5

Quëmaso nipirinhuëꞌ, yonquínahuan niquëꞌ. Aparisitohuachinënquën, ama noꞌhuitatonahuëꞌ, ahuantëquëꞌ. Aꞌnaya aꞌnaya Yosë nanamën aꞌchintëraꞌpiaquëꞌ. Co imapisopitahuëntaꞌ nitochinaꞌ. Yaꞌipi imapisopita catahuaquëꞌ noya noya imainaꞌ.

Tito 1:3

Iporaso huachi tahuëri nanihuachina, inaora nohuanton, nanamën anitotërinpoaꞌ. Yosë shaꞌhuitërinco niꞌton, ina nanan chachin pënënanquëmaꞌ. Inasoꞌ nichaꞌësarinpoaꞌ.

Hebreos 11:33

Aꞌnaquën Yosë natëtonaꞌ, nisha nisha piyapiroꞌsaꞌ minsëpi. Aꞌnaquëontaꞌ huaꞌan yaꞌconatonaꞌ, noꞌtëquën huaꞌanëntopi. “Yosë shaꞌhuitërinpoaꞌ niꞌton, catahuarinpoaꞌ,” taꞌtonaꞌ, aꞌnaquën natëpi. Napoaton Yosëri catahuarin. Aꞌnaquënsoꞌ Yosë natëtonaꞌ, paꞌpiniꞌ quëran chaꞌëpi.

1 Pedro 5:8

Sopaisoꞌ inimiconënpoaꞌ. Yacamairinpoaꞌ co noyahuëꞌ nicacaso marëꞌ. Paꞌpiniꞌ yamaninposo pochachin sopai paꞌsarin piyapiꞌsaꞌ minsëcaso marëꞌ. Napoaton noya yonquiatomaꞌ, niꞌsácoꞌ.

2 Pedro 2:9

Inapochachin ipora Quisocristo imapatëhuaꞌ, Yosë nanitërin catahuainpoasoꞌ. Sopai yaminsëpirinpoahuëntaꞌ, Yosë catahuarinpoaꞌ chaꞌëcaso marëꞌ. Oshahuanoꞌsaso nipirinhuëꞌ anaꞌintarin. Nani yonquirin chiníquën anaꞌintacasoꞌ. Ayaroꞌ tahuëri nanihuachin, noꞌtëquën anaꞌintaton, parisitopiquë aꞌpararin.

1 Samuel 17:37

Paꞌpiniꞌ, tocaniꞌ, inapita quëran Sinioro nichaꞌërinco. Ina chachin pasoꞌ huiristino sontaro quërantaꞌ, nichaꞌësarinco, itërin. Napohuachina Saonori itapon: —Inta nipachin. Naporan niꞌquëhuarëꞌ, paquëꞌ. Sinioro catahuainquën, itërin.