2 Timoteo 4:14 - Chayahuita (Shahui)

¹⁴ Aricantëro huaꞌnaquë sacatërinsoꞌ chiníquën shaꞌhuirapirinco. Ina marëꞌ Siniorori anaꞌintarin.

2 Timoteo 4:14 ပူးပေါင်းရင်းမြစ်များ

Jeremías 15:15

Ina quëran Yosë nontato itapo: “Sinioro. Quëmasoꞌ yaꞌipi nitotëran. Yonquirahuatonco catahuancoso marëꞌ huëquëꞌ. Aparisitërinacosopita ama tënoroatonhuëꞌ, iꞌhuërëtëquëꞌ. Inapita tënoroápatansoꞌ, tëpaponaco. Quëma natëranquënso marëꞌ naꞌcon noꞌhuirinaco.

Romanos 12:19

Nosoroatënquëmaꞌ iyaroꞌsaꞌ, oshaquëran pënënanquëmaꞌ. Ama iꞌhuërëtocosohuëꞌ. Tananpitocoꞌ Yosëri anaꞌinchin. Quiricanën quëran naporin: “Co noyahuëꞌ nipisopita cari anaꞌintarahuë. Noꞌtëquën anaꞌintarahuë,” tënin Yosë.

Romanos 2:6

Yaꞌipi ninëhuasopita Yosë nitotërin. Ayaroꞌ tahuëri ina yonquiaton, noꞌtëquën shaꞌhuitarinpoaꞌ. Noya nipatëhuaꞌ, noya acoarinpoaꞌ. Coꞌsoꞌ noya nipatëhuahuëꞌ, anaꞌintarinpoaꞌ.

2 Tesalonicenses 1:6

Iporasoꞌ aꞌnapita noꞌhuirinënquëmaꞌ. Aparisitapirinënquëmahuëꞌ, aꞌna tahuëri Yosëri noꞌtëquën anaꞌintarin. Co naniantarinhuëꞌ. “Oshahuanoꞌsaꞌ anaꞌintacasoꞌ yaꞌhuërin,” tënin.

1 Timoteo 1:20

Aꞌnasoꞌ Iminio itopi. Aꞌnantaꞌ Aricantëro itopi. Iꞌhua niyontonpatëira, inapita chiníquën pënënahuë. “Quisocristo nanan quëtërinco niꞌton, ama huachi Tata Yosë aꞌpaiinquëmasohuëꞌ. Satanasë natëramaꞌ niꞌton, parisitamasoꞌ yaꞌhuërin,” itërahuë. Ama huachi Yosë pinocaisoꞌ marëhuëꞌ chiníquën pënënahuë. “Oshaquëran co noyahuëꞌ yonquipisopita naniantatonaꞌ, Yosë pochin cancantantaponaꞌ nimara,” taꞌto napotërahuë.

2 Timoteo 4:15

Yosë nanamën aꞌchinahuë niꞌton, chiníquën noꞌhuirinco. “Nonpiánin,” tënin. Napoaton niꞌquëna quëmanta inapotochinquën.

1 Juan 5:16

Aꞌnaquën Yosë imamiataponahuëꞌ, co noyahuëꞌ ninin. Co Yosë aꞌpoaponahuëꞌ, oshahuanin. Inapita marëꞌ Yosë nontahuaꞌ anoyacancanchin. Aꞌnaquënso nipirinhuëꞌ imapirinhuëꞌ, co noyahuëꞌ yonquiaton, Quisocristo chachin aꞌpomiatërin. Aꞌpomiatohuachina, chiminpi pochin cancantantapi. Co inapita marëꞌ Yosë nontacasoꞌ yaꞌhuërinhuëꞌ.

Apocalipsis 18:20

Yaꞌipi inápaquë yaꞌhuëramasopitaso nipirinhuëꞌ, ama ina marëꞌ sëtocosohuëꞌ. Imaramaꞌ niꞌton, noya cancantocoꞌ. Aparisitopirinënquëmahuëꞌ, nani Yosëri anaꞌintërin huachi. Ina marëꞌ Quisoso caꞌtaninsopita, pënëntonaꞌpiroꞌsaꞌ, inapitantaꞌ noya cancanchinaꞌ.

Apocalipsis 18:6

Aꞌnapita aparisitopi niꞌton, noꞌtëquën anaꞌintacasoꞌ yaꞌhuërin. Naꞌcon naꞌcon iꞌhuërëtacasoꞌ yaꞌhuërin. Paꞌpi co noyahuëꞌ nipi.

Apocalipsis 6:10

Tëpahuachinara, huaꞌyanënaꞌ inápaquë yaꞌhuëcontarahuatonaꞌ, Yosë nontápi. —Quëma Sinioro chini chiníquën nanantëran. Noyasáchin nicaton, noꞌtëquën nonan. ¿Onporo huarëtaꞌ oshahuanoꞌsaꞌ anaꞌintaran? Tëparinacoiso marëꞌ noꞌtëquën anaꞌintacasoꞌ yaꞌhuërin, tosapi.

1 Samuel 24:12

Sinioro chachin noꞌtëquën shaꞌhuichinpoꞌ, inquënposona tëhuërësoꞌ. Inari chachin maꞌsha onpotërancoso marëꞌ iꞌhuërëchinquën. Caso napoaponahuëꞌ, co onporo tëranta tëpaponquënhuëꞌ.