2 Timoteo 4:12 - Chayahuita (Shahui)

¹² Tiquicosoꞌ yaꞌhuëapirinhuëꞌ, Ipisoquë aꞌparahuë.

2 Timoteo 4:12 ပူးပေါင်းရင်းမြစ်များ

Hechos 18:19

Ipisoquë canconpachinara, nonshipi. Aquirosoꞌ saꞌinë chachin inaquë quëparitërin. Paonosoꞌ yapaantahuachina, cotio niyontonpiso pëiquë yaꞌconahuaton, aꞌchintërin. Cotioroꞌsarëꞌ ninontopi.

Hechos 18:21

“Aꞌna tahuëri Yosë nohuantohuachin, huëantarahuë,” tënin. Ina quëran nanchaquë yaꞌcoantarahuaton, paantarin.

Hechos 19:1

Aporosë Corintoquë yaꞌhuasoꞌ, Paono huancoro ira paꞌtahuaton, Ipisoquë canconin. Inaquë naꞌamiáchin imapisopita quënanconin.

Hechos 20:25

Huaꞌquiꞌ yaꞌhuëramaquë paꞌsápato, Yosë huaꞌanëntërinpoasoꞌ aꞌchintopiranquëmahuëꞌ, apira paꞌsarahuë huachi. Co huachi quënanaramacohuëꞌ.

Hechos 20:4

Naꞌa piyapiꞌsari caꞌtanpi. Sopatiro (Pirro huiꞌnin, Piriaquë yaꞌhuërinsoꞌ), Aristarco, Siconto, (Tisaronicaquë yaꞌhuëpisoꞌ), Acayo (Tirpiquë yaꞌhuërinsoꞌ), Timotio, Tiquico, Tropimo (Asia parti yaꞌhuëpisoꞌ) inapita Paono caꞌtanpi.

Efesios 6:21

Iya Tiquico yaꞌipi naporahuësoꞌ shaꞌhuitarinquëmaꞌ nitotamaso marëꞌ. Inasoꞌ naꞌcon nosoroato, iyahuë pochin niꞌnahuë. Sinioro nanamën noya aꞌchinarin.

Efesios 6:22

Canpitataquë aꞌpaarahuë onpohuinsona yaꞌhuëraisoꞌ shaꞌhuitinquëmaso marëꞌ. Ina natanpatamaꞌ, chiníquën cancantaramaꞌ.

Colosenses 4:7

Iya Tiquico aꞌpataranquëmaꞌ. Inasoꞌ nóya niꞌnahuë. Iyahuë pochachin nosororahuë. Noya catahuarinco. Inantaꞌ Sinioro natëton, noya nanan aꞌchinarin. Onpopinsona yaꞌhuërahuësoꞌ shaꞌhuitarinquëmaꞌ.

1 Timoteo 1:3

Iꞌhua Masitoniaquë yapaꞌpatëra, shaꞌhuitëranquën. “Ipisoquë yaꞌhuëtaquëꞌ pënëntamaso marëꞌ,” itëranquën. Iporantaꞌ inachachin shaꞌhuitaranquën. Inaquëranchin yaꞌhuaton, pënëntáquëꞌ. Aꞌnaquën nisha nisha nanan aꞌchinapi. Inapita shaꞌhuitëquëꞌ ama ina pochin aꞌchiꞌinasohuëꞌ.

Tito 3:12

Artimasë aꞌpataranquën. Co ina nanitohuachinhuëꞌ, Tiquico paꞌsarin. Cantonpachinquën, manoton Nicoporisëquë huëcaton, niꞌquico. Inaquë oꞌnapi naꞌhuëanatarahuë.