2 Timoteo 4:10 - Chayahuita (Shahui)

¹⁰ Timasësoꞌ isoroꞌparáchin yonquiaton, patërinco. Tisaronicaquë paꞌnin. Crisinti Carasiaquë paꞌnin. Titontaꞌ Tarëmasiaquë paꞌnin.

2 Timoteo 4:10 ပူးပေါင်းရင်းမြစ်များ

Mateo 12:32

Casoꞌ Yosë quëran quëmapico nipirahuë pinopatamaco, ina marëꞌ oshahuanpiramahuëꞌ, oshanëma marëꞌ sëtohuatamaꞌ, inquitarinquëmaꞌ. Nipirinhuëꞌ, Ispirito Santo pinopatamaꞌ, co oshanëmaꞌ inquitarinquëmahuëꞌ. Co onporontaꞌ inquitarinquëmahuëꞌ,” itërin Quisosori.

Mateo 26:56

Napoaponahuëꞌ, Yosë nohuanton, iporasoꞌ masaramaco. Quiricanën quëran ninorinacoso chachin masaramaco, itërin. Ina quëran yaꞌipi caꞌtanoꞌsanënpitari taꞌananpipi huachi.

Lucas 14:33

Inapochachin pënënanquëmaꞌ. Sacaiꞌ imamancosoꞌ, tënahuë. Napoaton noya yonquiatomaꞌ, imaco. Casáchin yonquihuatamaco, tëhuënchachin noya imasaramaco,” tënin Quisoso.

Lucas 16:13

Catoꞌ patron camaihuachinquëmaꞌ, co nanitëramahuëꞌ cato chachin natëcamasoꞌ. Aꞌnasoꞌ nohuantatomaꞌ, noya natëaramaꞌ. Aꞌnaso nipirinhuëꞌ co onpopinchin nohuantatomahuëꞌ co natëaramahuëꞌ. Inapochachin canacamasoáchin yonquihuatamaꞌ, co nanitaramahuëꞌ Yosë natëcamasoꞌ. Coriquiráchin cancantohuatamaꞌ, co Yosë natëaramahuëꞌ,” itërin Quisosori.

Lucas 17:32

Iráca Noto saꞌin maꞌshanënpita yonquiaton, co aꞌnaroáchin taꞌarinhuëꞌ. Napoaton co chaꞌërinhuëꞌ. Ina yonquicoꞌ.

Hechos 13:13

Ina quëran Paonosoꞌ, caꞌtaninsopitarë chachin aꞌna parti paꞌnin. Nanchaquë yaꞌconahuatonaꞌ, marë paꞌtantapi. Panpiria parti nonshirahuatonaꞌ, aꞌna ninano Piriqui itopiquë paꞌpi. Coansha Marcoso nipirinhuëꞌ, co huachi imátërinhuëꞌ. Quirosarinquë ayamantarin.

Hechos 15:38

“Ama iya quëpaꞌasohuëꞌ. Iꞌhua piꞌiquë Panpiriaquë canconpatëhuara, yaꞌhuërinꞌpaꞌ paꞌmantarin. Co yacatahuarinpohuëꞌ. Napoaton co nohuantërahuëꞌ,” itërin Paonori.

Hechos 16:6

Asia parti Yosë nanamën yashaꞌhuipirinahuëꞌ, Ispirito Santo co nohuantërinhuëꞌ inaquë aꞌchinacaisoꞌ. Napoaton Piriquia parti, Carasia parti inapita naꞌhuëtopi.

Hechos 17:1

Ina quëran Anpiporisë naꞌhuëtahuatonaꞌ, Aporoniantaꞌ naꞌhuëtaantapi. Ina quëran Tisaronicaquë canconpi. Inaquë cotioroꞌsaꞌ niyontonpiso pëiꞌ yaꞌhuërin.

Hechos 17:11

Inaquë yaꞌhuëpisopitaso nipirinhuëꞌ nóya yonquipi. Co Tisaronicaquë yaꞌhuëpisopita pochinhuëꞌ. Paonori aꞌchintohuachina, nóya natanpi. “Paonosoꞌ noꞌtëquën aꞌchinamara,” taꞌtonaꞌ, nani tahuëri Yosë quiricanën noyásha nontapi noꞌtëquën nitotacaiso marëꞌ.

Hechos 17:13

Napopisoꞌ, Tisaronicaquë nahuinin. Cotioroꞌsasoꞌ natantahuatonaꞌ, “Piriaquëntaꞌ Paono Yosë nanamën aꞌchinarin,” taꞌtonaꞌ, inatohuaꞌ paꞌpi. Canconahuatonaꞌ, Paono shaꞌhuirapitonaꞌ, piyapiꞌsaꞌ anoꞌhuitopi.

Hechos 18:23

Huaꞌquimiáchin inaquë yaꞌhuërin. Ina quëran naquëranchin yonquirin paaton nasha imapisopita nicacaso marëꞌ. Carasia parti paꞌsahuaton, pënënaꞌpiarin. Naporahuaton, Piriquia partintaꞌ paꞌsahuaton, pënënaꞌpiarin. Aꞌnaya aꞌnaya ninanoroꞌsaquë Quisoso imapisopita achinicancanaꞌpiarin. Achinicancanpachina, noya noya imasapi.

2 Corintios 2:13

Napoaponahuëꞌ, iꞌhua chachin iya Tito canpitataquë aꞌpapirahuëꞌ. Co huënantarinhuë niꞌton, co sano cancantërahuëꞌ. “¿Onpoatoncha co iyasha huëntarinhuë nicaya?” taꞌto, piyapiꞌsaꞌ noyasha nontahuato, Masitoniaquë paꞌnahuë.

2 Corintios 7:6

Sëtohuatëhuaꞌ, Yosë achinicancaninpoaꞌ niꞌton, quiyantaꞌ achinicancanincoi. Ina nohuanton, Tito huëꞌnin.

2 Corintios 8:16

Titontaꞌ naꞌcon yonquirinquëmaꞌ. Ina marëꞌ noya cancantato, “Yosparinquën, Sinioro,” itërahuë.

2 Corintios 8:23

“¿Intaꞌ Titosoꞌ?” itohuachinënquëmaꞌ, shaꞌhuitocoꞌ. “Coꞌta Paonorëꞌ aꞌchininsoꞌ. Inantaꞌ piyapiꞌsaꞌ catahuarin noya imacaiso marëꞌ,” itocoꞌ. “¿Maꞌmarëtaꞌ aꞌnapitantaꞌ huëꞌpi?” itohuachinënquëmaꞌ, “Nisha nisha ninano quëran aꞌpaipisoꞌ. Quisocristo noya imapi inapitantaꞌ,” itocoꞌ.

2 Corintios 8:6

Iꞌhua chachin Tito shaꞌhuitërinquëmaꞌ niꞌton, canpitantaꞌ yonquiramaꞌ coriqui yontonacamasoꞌ. “Imapisopita pahuantopi niꞌton, aꞌpatahuaꞌ,” tënamaꞌ. Napoaton iꞌhuamiachin Tito itërai: “Naquëranchin paantaton, pënëantaquëꞌ yaꞌipi coriqui yaaꞌpapisoꞌ ananiinaꞌ,” itërai.

Gálatas 1:2

Yaꞌipicoi isëquë imaraisopitaroꞌcoi chachin nanan aꞌpatarainquëmaꞌ. Canpitantaꞌ Carasia parti yaꞌhuëramasopita imaramaꞌ niꞌton, ninshitaranquëmaꞌ.

Filipenses 2:21

Aꞌnapitasoꞌ inahuara nohuantopisoráchin yonquipi. Co Quisocristo naꞌcon yonquipihuëꞌ.

1 Timoteo 6:10

Coriquiráchin paꞌyatohuatëra, nisha nisha yonquirëꞌ. Co noyahuëꞌ ninëꞌ. Nonpinëꞌ, ihuatërëꞌ, noꞌhuitërëꞌ, ina pochin yonquirëꞌ. Aꞌnaquën coriquiráchin yonquiatonaꞌ, Yosë aꞌpopi. Ina quëran cancanëna quëran co huachi noya cancantopihuëꞌ. Sëtatonaꞌ, chiníquën parisitapi.

1 Timoteo 6:17

Aꞌnaquën naꞌcon coriqui yaꞌhuëtërin. Inapitantaꞌ api pënënquëꞌ: “Ama aꞌnapita nocancosohuëꞌ. Ama coriquinëmáchin paꞌyatocosohuëꞌ. Inasoꞌ co yaꞌhuëmiataponhuëꞌ. Yosë naꞌcon naꞌcon paꞌyatocoꞌ. Inasoꞌ co apiratërinpoahuëꞌ. Nani maꞌsha quëtërinpoaꞌ nóya cancantatëhua, yaꞌhuëcaso marëꞌ.

2 Timoteo 1:15

Tashinan pëiquë poꞌmohuachinaco, yaꞌipi Asiaquë imapisopita patërinaco. Huiquiro, Imoquinisi, inapita quëran huarëꞌ napotërinaco. Nani nitotëran, tënahuë.

2 Timoteo 4:16

Yaꞌnan coisëquë shaꞌhuirapiponaco, co insontaꞌ catahuarincohuëꞌ. Yaꞌipiya tëꞌhuatonaꞌ, taꞌananpirinaco. Nipirinhuëꞌ, co noꞌhuirahuëꞌ. “Ama ina marëꞌ Sinioro anaꞌintëquësohuëꞌ,” itërahuë Yosë nontato.

Tito 1:4

Titonquën ninshitaranquën. Aꞌchintohuatënquëna natëton, imaran niꞌton, tëhuënchachin huiꞌnahuë pochin niꞌnanquën. Tata Yosë inaora nohuanton, catahuainquën. Asanocancainquën. Quisocristontaꞌ inachachin catahuainquën. Inasoꞌ nichaꞌësarinpoaꞌ.

Filemón 1:24

Marco, Aristarco, Timasë, Nocasë, inapitantaꞌ yonquiatënënquën, saludos aꞌpatarinënquën. Inapitasoꞌ catahuarinaco Yosë nanamën aꞌchinacasoꞌ.

2 Pedro 2:15

Noꞌtën nanan aꞌporahuatonaꞌ, Yosë iranën quëran pëshonpi. Paramo pochin cancantopi. Pioro huiꞌnin inasoꞌ. Iráca pënëntopirinhuëꞌ, coriqui naꞌcon naꞌcon nohuantërin. “Nonpinacasoꞌ co noyahuëꞌ nipirinhuëꞌ, inapoato, naꞌcon canarahuë,” taꞌton, co noyahuëꞌ ninin.