2 Timoteo 3:16 - Chayahuita (Shahui)

¹⁶ Yaꞌipi Yosë quiricanënsoꞌ nóya. Yonquirinso chachin Yosëri aninshitërin. Quiricanën quëran aꞌchintërinpoaꞌ. Pënëninpoaꞌ co noyahuëꞌ ninëhuasopita naniantacaso marëꞌ, nóya ayonquirinpoaꞌ. Anitotërinpoaꞌ noꞌtëquën Yosë natëcasoꞌ.

2 Timoteo 3:16 ပူးပေါင်းရင်းမြစ်များ

2 Samuel 23:2

Sinioro ispiritonën cá quëran nontarinquëmaꞌ. Noninso chachin apira shaꞌhuitaranquëmaꞌ.

Nehemías 9:20

Quëma Ispiritonëni nosoroaton aꞌchintërarin. Mananta co osërëtëranhuëꞌ. Yamorohuachinaranta iꞌsha quëtëran.

Salmos 119:130

Quëma nanamën natanpatora, aꞌpintërëso pochin catahuarinco. Apinapichin yonquipisopitantaꞌ, ina natanpachina, yonquínanhuan quëparitapi.

Proverbios 15:10

(-)

Miqueas 2:7

Canpoasoꞌ noya piyapinpoa ninëhuaꞌ. Co Yosë noꞌhuiarinpoahuëꞌ. Nosorinpoa niꞌton, co anaꞌintiinpoaso yaꞌhuërinhuëꞌ. Tëhuënchachin naporaiso pochin Yosëso ninin. Noꞌtëquënáchin ina imapatëhuaꞌ, shaꞌhuitërinpoasopita noya catahuarinpoaꞌ,” itërinaco.

Mateo 13:52

—Yosë quiricanën nani nitotaramaꞌ. Yosë huaꞌanëntërinsoꞌ aꞌchintëranquëmaꞌ niꞌton, pëiꞌ huaꞌanën pochin nisaramaꞌ. Pëiꞌ huaꞌanën noya nipachina, yaꞌipi pëinënquë yaꞌhuëpisopita noya nocomarin. Nani naꞌcon aꞌchintëranquëmaꞌ Yosë nanamën aꞌchinacamaso marëꞌ. Iráca ninshitopisoꞌ nitotëramaꞌ. Naporahuaton, aꞌnantaꞌ nashamiachin aꞌchintaranquëmaꞌ. Yaꞌipiya nitotatomaꞌ, aꞌchintëraꞌpiaramaꞌ, itërin Quisosori.

Mateo 21:42

—Iráca Yosë quiricanënquë ninshitërinsoꞌ ¿co nontëramahuëꞌ ti? Ninshitaton, naporin: “Naꞌpi quëran yapëihuachina, aꞌna naꞌpi quënanpirinahuëꞌ, pëinaꞌpiroꞌsaꞌ co nohuantopihuëꞌ. ‘Napoonin,’ taꞌtonaꞌ, tëꞌyatopirinahuëꞌ. Huaꞌanëni maantarahuaton, ‘Iso naꞌpi naꞌcon naꞌcon nohuantërahuë pëicaꞌhuaso marëꞌ,’ taꞌton, noya acoantarin. Yosëri chachin inapotërin. Napoaton ‘ma noya’ tënëhuaꞌ,” tënin quiricanënquë.

Mateo 22:43

—Naporinchi paya. Inaso nipirinhuëꞌ, iráca Ispirito Santo nohuanton, Tapiri chachin Cristo ninoton, ninshitërin: “Yosëri Sinioronëhuë shaꞌhuitërin. ‘Inchinanëhuë quëran huënsëquëꞌ inimiconënpita cari minsëchinquën,’ itërin Yosëri,” tënin Tapi.

Mateo 26:54

Napoaponahuëꞌ, co nohuantërahuëꞌ chaꞌëcaꞌhuasoꞌ. Nichaꞌërinaco naporini, co huachi ninorinacosoꞌ naniitonhuëꞌ. Yosë nohuanton, chiminarahuë, itërin caꞌtanoꞌsanënpita.

Mateo 26:56

Napoaponahuëꞌ, Yosë nohuanton, iporasoꞌ masaramaco. Quiricanën quëran ninorinacoso chachin masaramaco, itërin. Ina quëran yaꞌipi caꞌtanoꞌsanënpitari taꞌananpipi huachi.

Marcos 12:24

—¡Canpitasoꞌ co noꞌtëquën yonquiramahuëꞌ! Yosësoꞌ chini chiníquën nanantopirinhuëꞌ, co nohuitëramahuëꞌ. Quiricanëontaꞌ nontapomarahuëꞌ, co cancanëma quëran natëramahuëꞌ. Napoaton co nanitëramahuëꞌ noꞌtëquën yonquicamasoꞌ. Yosë yaꞌipi nanitaparin.

Marcos 12:36

Iráca Ispirito Santo nohuanton, Tapi chachin ninshitërin. Cristo ninoton, naporin: Yosëri Sinioronëhuë shaꞌhuitërin. “Inchinanëhuë quëran huënsëquëꞌ inimiconënpita cari minsëchinquën,” itërin Yosëri, tënin Tapi.

Juan 10:35

Yosëri chachin huaꞌanoꞌsaꞌ acorinsoꞌ yonquiaton, napotërin. Yaꞌipi Yosë quiricanënsoꞌ noꞌtëquën. Co piꞌpisha tërantaꞌ nonpininhuëꞌ.

Juan 3:20

Co noyahuëꞌ nipisopita co tahuëri pochin nininsoꞌ nohuantopihuëꞌ. Aꞌpininquë aꞌninquëchin huanicaisoꞌ co nohuantopihuëꞌ. Tahuëri nipachina, maꞌsha co noya nipisohuëꞌ quënanëꞌ.

Hechos 1:16

“Shonca catoyaꞌpicoi iyaroꞌsaꞌ Quisoso nani acorincoi aꞌnapita aꞌchintaꞌhuaiso marëꞌ. Cotasëntaꞌ acorin niꞌton, quiyapitarëꞌ Quisoso caꞌtanpirinhuëꞌ, inimiconënpitari yamapachina, shaꞌhuirapirin. Aꞌnotonpachina, mapi. Iráca Ispirito Santo nohuanton, Cotasë napocasoꞌ ninorin. Tapiri ninoton, Yosë quiricanënquë ninshitërin. Iráca ninorinso chachin naporin.

Hechos 18:25

Sinioro iranën anitotopi niꞌton, aꞌninquëchin nanamën aꞌchintarin. Yaꞌipi cancanën quëran aꞌchinin. Quisoso naporinsoꞌ noꞌtëquën aꞌchinaponahuëꞌ, Coansha aporintërinsoráchin nitotërin.

Hechos 20:20

Napotopirinacohuëꞌ, ahuantato pënënanquëmaꞌ. Co tëꞌhuato, taꞌtërahuëꞌ. Quisoso nanamën noꞌtëquën shaꞌhuitëranquëmaꞌ noya imacamaso marëꞌ. Niyontonpatamara, aꞌchintëranquëmaꞌ. Naporahuaton, aꞌnaya aꞌnaya pëinëmaquëntaꞌ paato, aꞌchintantaranquëmaꞌ.

Hechos 28:25

Nisha nisha yonquiatonaꞌ, yapipipi. Yapipihuachinara, Paonori itaantarin: —Ma noꞌtëquën iyaroꞌsaꞌ Ispirito Santori nontërin shimashonënpoaꞌ pënënacaso marëꞌ. Ina nohuanton, Isaiasë ninshitaton, naporin:

Romanos 15:4

Iráca Yosë quiricanënquë naꞌcon ninshitopi. Canpoantaꞌ yonquicaso marëꞌ napopi. “Iráca imapisopitantaꞌ maꞌsha onpoaponaraihuëꞌ, Yosë yonquiatonaꞌ, ahuantopi. Yosëri noya catahuahuachina, imamiatopi. Inapochachin Yosë noya catahuarinpoaꞌ canpoantaꞌ,” taꞌcaso marëꞌ ninshitopi.

Romanos 2:20

Co Yosë nanamën nitotopihuëꞌ niꞌton, yaaꞌchintëramaꞌ. “Yosë noꞌtëquën pënënincoi niꞌton, noya noya nitotërai. Aꞌnapitasoꞌ co quiya pochin nitochátërapihuëꞌ,” tënamaꞌ.

Romanos 3:2

Naꞌcon canapi tënahuë. Yosëri naꞌcon catahuarin. Inahuaꞌton iráca nontërin. Nanamën chachin aninshitërin yaꞌhuëmiatacaso marëꞌ.

Romanos 4:23

Apraan naporinsopita Yosë quiricanënquë ninshitopi. Canpoantaꞌ nitotacaso marëꞌ ninshitopi.

1 Corintios 12:7

Co canpoara nanitopirëhuahuëꞌ, Ispirito Santo ananitërinpoaꞌ maꞌsona ina nohuantërinsoꞌ nicacasoꞌ. Catahuarinpoaꞌ niꞌton, aꞌnapitantaꞌ catahuarihuaꞌ noya noya imacaiso marëꞌ.

Gálatas 3:8

Co cotioroꞌsaráchin Yosëri nohuantërinhuëꞌ. Nisha piyapiꞌsantaꞌ imapachinaꞌ, noya niꞌsarin. Noya nicaton, co oshanëna marëꞌ anaꞌintarinhuëꞌ. Iráca iso noya nanan ninoton, Apraan itapon: “Nisha nisha piyapiꞌsantaꞌ quëma pochin cancantohuachinaꞌ, naꞌcon catahuaarahuë,” itërin Yosëri. Quiricanën quëran naporin.

2 Timoteo 2:25

Nisha nanan imapachina, oshaquëran pënëanhuanꞌ. Ama noꞌhuitatëhuahuëꞌ, aꞌchintahuaꞌ. Yosëri catahuahuachin, oshaquëran co noyahuëꞌ yonquipisopita naniantatonaꞌ, noꞌtëquën yonquiaponaꞌ nimara.

2 Timoteo 4:2

Nanamën aꞌchináquëꞌ. Piyapiꞌsaꞌ yanatanpachinaꞌ, aꞌchintëquëꞌ. Sacaiꞌ aꞌchinacaso nipirinhuëꞌ, onpopiontaꞌ aꞌchináquëꞌ. Aꞌnaquënsoꞌ co yaimapachinahuëꞌ, noꞌtëquën shaꞌhuitëquëꞌ natëinaꞌ. Co noyahuëꞌ nipachinaꞌ, pënënquëꞌ. Noya nontëquëꞌ chiníquën cancantatonaꞌ, imainaꞌ. Yaꞌipi piyapiꞌsaꞌ aꞌchintëquëꞌ noya nicacaiso marëꞌ. Nipirinhuëꞌ, ama noꞌhuiquësohuëꞌ. Sanoanan quëran pënënquëꞌ.

Hebreos 11:1

“Co Yosë quënanpirëhuahuëꞌ, yaꞌhuárin. Nosoroatonpoaꞌ catahuarinpoaꞌ,” topatëhuaꞌ, tëhuënchachin ina natërëhuaꞌ. Naꞌcon Yosë shaꞌhuitërinpoaꞌ. Co ipora naniyatërarinhuëꞌ. “Oshaquëran naniarin huachi,” taꞌtëhuaꞌ, noya ninarëhuaꞌ.

Hebreos 3:7

Napoaton iyaroꞌsaꞌ yonquicoꞌ. Iráca Ispirito Santo nohuanton, Yosë noninsoꞌ quiricanënquë ninshitopi: “Ipora tahuëri Yosë nontarinquëmaꞌ. Natanpatamaꞌ, noya natëtocoꞌ.

Hebreos 4:12

Yosë nanamën chiníquën nanantërin. Yosë nanpiárin niꞌton, ipora huantaꞌ quiricanën quëran nontarinpoaꞌ. Noya natëhuatëhuaꞌ, nanamën quëran chachin catahuarinpoaꞌ noya noya imacaso marëꞌ. Coꞌsoꞌ natëhuatëhuahuëꞌ, aquë aquëtëꞌ co noyahuëꞌ cancantarihuaꞌ. Sahuëni cato quëran chachin toꞌnahuatëra, inëshin niꞌton, niahuëpatëra, aꞌnaroáchin nansë acopoquë huarëꞌ nipëꞌsharëꞌ. Inapochachin Yosë nanamënsoꞌ chini chiníquën yaꞌcoancantërinpoaꞌ. Ina yonquihuatëhuaꞌ, noꞌtëquën nitotarihuaꞌ. Yaꞌipi yonquirëhuaso chachin anitotërinpoaꞌ. Yonquinënpoaquë maꞌmarësona naporëhuasopitantaꞌ anitotarinpoaꞌ.