2 Timoteo 3:15 - Chayahuita (Shahui)

¹⁵ Huaꞌhuatapon quëra huarëꞌ Yosë quiricanën nohuitëran. Ina quëran Yosë nontërinpoaꞌ nichaꞌëinpoaso marëꞌ. Ina nitotohuatëhuaꞌ, Quisocristo natëhuatëhuaꞌ, cancanënpoaꞌ anoyacancantërinpoaꞌ.

2 Timoteo 3:15 ပူးပေါင်းရင်းမြစ်များ

Salmos 19:7

Sinioro pënëntërinsontaꞌ, noya noya. Anitotohuachinpoaꞌ, anoyacancantërinpoaꞌ. Shaꞌhuirinsopita noya natëhuachinaꞌ, apínapichin yonquipisopitantaꞌ, yonquínanhuan quëparitapi.

Proverbios 22:6

Huaꞌhuatapona quëran huarëꞌ huiꞌnanpoa noya nicacaiso marëꞌ pënëanhuaꞌ. Inapotohuatëhua mashotohuachinantaꞌ, huaꞌhuatapon nitotërinsoꞌ, co naniantarinhuëꞌ.

Proverbios 8:17

Nosororinacosopita, carinta nosororahuë. Inpitaso cancantohuachinaco, quënanarinaco.

Eclesiastés 12:1

Yosëso nininquën. Huiꞌnapitasënquën chachin ina imaquëꞌ. Co huaꞌquiya quëranhuëꞌ mashotaran. Naporoꞌ, co huachi yashinhuëꞌ yaꞌhuëaran. Inapoaton: “Co huachi yain nanpichináchinhuëꞌ cancantërahuë,” tosaran.

Mateo 22:29

—Canpitasoꞌ co noꞌtëquën yonquiramahuëꞌ. Yosësoꞌ chini chiníquën nanantopirinhuëꞌ, co nohuitëramahuëꞌ. Quiricanëontaꞌ co nitotëramahuëꞌ. Napoaton co nanitëramahuëꞌ noꞌtëquën yonquicamasoꞌ. Yosësoꞌ yaꞌipiya nanitaparin.

Lucas 1:15

Inasoꞌ nóya quëmapi nipon. Yosëri catahuaarin niꞌton, noya noya nisarin. Naporahuaton, co piꞌpian tërantaꞌ main oꞌoponhuëꞌ. Coꞌhuara nasichátëraponhuëꞌ, Ispirito Santori yaꞌcoancantarin. Inasáchin natëarin.

Lucas 2:40

Quisoso soꞌsorahuaton, chinirarin. Nóya yonquirin. Yosëri naꞌcon catahuarin.

Lucas 24:27

Ina quëran Yosë quiricanënquë ninotona ninshitopisoꞌ, aꞌchintarin. Moisësëꞌton ninoton, Yosë quiricanënquë ninshitërin. Ina piquëran naꞌa pënëntonaꞌpiroꞌsaꞌ ninoantapi. Yaꞌipi Cristo ninopisoꞌ noꞌtëquën aꞌchintarin.

Lucas 24:32

Napohuachina, ninontopi. —Huëcapon pochin Quisoso chachin nontërinpoꞌ. Ma noya Yosë quiricanën aꞌchintërinpoꞌ. ¡Ma noyásha natanë paya! nitopi.

Lucas 24:45

Yosë quiricaquë naporinsopita aꞌchintaantarin. Aꞌchintaton, catahuarin noꞌtëquën yonquicaiso marëꞌ.

Juan 5:47

Ninshitopirinhuëꞌ, co natëramahuëꞌ niꞌton, carinquëmantaꞌ aꞌchintopiranquëmahuëꞌ, ‘Co noꞌtëquën nonanhuëꞌ,’ itëramaco,” itërin Quisosori, cotio huaꞌanoꞌsaꞌ nontaton.

Hechos 10:43

Iráca quëran huarëꞌ pënëntonaꞌpiroꞌsaꞌ Quisoso ninotonaꞌ, shaꞌhuitërinënpoaꞌ ina natëcaso marëꞌ. Cancanënpoa quëran huarëꞌ ina natëcasoꞌ yaꞌhuërin. Oshanënpoa marëꞌ chiminin niꞌton, imapatëhuaꞌ, yaꞌipi oshanënpoaꞌ inquitarinpoaꞌ. “Ca oshanëhuë marëꞌ mini Quisocristo chiminin,” topatëhuaꞌ, inquitarinpoaꞌ, itërin Pitrori.

Hechos 13:29

Ina quëran yaꞌipi Yosë quiricanënquë ninorinsoꞌ nanihuachina, corosë quëran anohuararahuatonaꞌ, naꞌpi naninquë poꞌmopi.

Hechos 16:1

Ina quëran Tirpiquë paꞌpi. Inaquë aꞌchinahuatonaꞌ, paantapi. Paantarahuatonaꞌ, Nistraquë canconpi. Inaquë aꞌna huiꞌnapi quënanconpi, Timotio itopisoꞌ. Inantaꞌ Quisoso imarin. Aꞌshinsoꞌ cotio sanapi. Quisoso imarin antaꞌ. Paꞌpinso nipirinhuëꞌ Crico piyapi.

Hechos 17:2

Inachintërin nichinapon chachin cara chinoto tahuëri inaquë Paono Yosë quiricanën aꞌchinin.

Hechos 26:24

Ina pochin nontahuachina, Pistori chiníquën itërin: —¡Paono, quëmasoꞌ huaꞌyantëran! Naꞌcon quirica nontaton huaꞌyantëran, itërin.

Romanos 1:2

Coꞌhuara Quisocristo oꞌmayatërasohuëꞌ, ina nanan chachin Yosë shaꞌhuitërinpoaꞌ. Quiricanën quëran anitotërinpoaꞌ, iráca ninshitopisoꞌ. Ina nohuanton, naꞌa pënëntonaꞌpiroꞌsaꞌ ninopi.

Romanos 16:26

Quiricanën quëran anitotërinpoaꞌ. Iráca aꞌnaya aꞌnaya ninotonaꞌ, Yosë nohuanton, ninshitopi. Iráca quëran huarëꞌ Yosë yaꞌhuërin. Co onporontaꞌ chiminaponhuëꞌ. Nanpimiatarin. Ina nohuanton, nanamën yaꞌipi parti shaꞌhuiarëhuaꞌ. Nisha nisha piyapiꞌsaꞌ anitotarëhuaꞌ natëcaiso marëꞌ.

Romanos 2:27

Co marca niacotaponaraihuëꞌ, Yosë natëhuachinaꞌ, shaꞌhuirapiaponënquëmaꞌ. Canpitasoꞌ pënëntërinsoꞌ nitotapomarahuëꞌ, co natëhuatamahuëꞌ, Yosë anaꞌintarinquëmaꞌ.

1 Corintios 1:21

Ina nohuanton, piyapi inahuara yonquinëna quëran co nanitopihuëꞌ Yosë nohuitacaisoꞌ. Quisocristo chimininsoꞌ aꞌchinárai. Aꞌnaquënsoꞌ ina natanpachinara, tëhuapi. Canpoaso nipirinhuëꞌ natëhuatëhuaꞌ, anoyacancantërinpoaꞌ. Ina Yosë nohuantërin.

Efesios 6:4

Canpitantaꞌ iyaroꞌsaꞌ, huiꞌnamaꞌ noya pënëncoꞌ. Ama apira apira noꞌhuicosohuëꞌ. Apira apira noꞌhuihuatamaꞌ, co natantochináchinhuëꞌ cancantaponaꞌ. Co noyahuëꞌ nipachinaꞌ, sanoanan quëran pënëncoꞌ noya nicacaiso marëꞌ. Yosë nanamën noya aꞌchintocoꞌ Quisocristo imainaꞌ.

Deuteronomio 4:6

Natëtatomaꞌ, ina inachachin nicoꞌ. Inapohuatamaꞌ, nisha nisha piyapiꞌsa naꞌcon nitotatoma yonquínahuanoꞌsa ninamasoꞌ, nitotapi huachi. Ina nitotohuachinaꞌ: ‘¡Ma noyacha inapitaso pënëntërinso nanan yaꞌhuëtopi paya! Napoaton naꞌcon nitotatonaꞌ, yonquínahuanoꞌsa nipi,’ tosapi.

1 Timoteo 4:13

Niyontonpachinaꞌ, Yosë quiricanën nontëquëꞌ. Ina nontaton, pënëntëquëꞌ. Quisocristo nanamën aꞌchintëquëꞌ. Ca canconaꞌhuarëꞌ inapoquëꞌ.

2 Timoteo 1:1

Ca Paonoco ninshitaranquën. ¿Noya quëmantaꞌ yaꞌhuaran? Noya cantaꞌ isëquë yaꞌhuarahuë. Yosë nohuanton, Quisocristo acorinco nanamën aꞌchinaꞌhuaso marëꞌ. Quisocristo imapatëhuaꞌ, Yosë nohuitatëhuaꞌ, nanpimiatarihuaꞌ.

2 Timoteo 1:5

Cancanën quëran huarëꞌ Quisocristo natëran. Mamapayaꞌton natërin. Noita inasoꞌ. Ina quëran mama Ionisantaꞌ natëton, aꞌchintërinquën. Ipora quëmantaꞌ imaran, tënahuë. Ina yonquiarahuë.

2 Pedro 3:16

Naꞌa quirica ninshitaton, nisha nisha ninanoquë yaꞌhuëpisopita aꞌpatërin. Noya pënënpirinpoahuëꞌ, piꞌpian sacaiꞌ yonquicasoꞌ. Aꞌnaquën piyapi co Yosë nanamën nitotatonahuëꞌ, nisha nisha yonquipi. Paono ninshitërinsoꞌ nontopirinahuëꞌ, co noya yonquiatonaraihuëꞌ, maꞌsona tapon naporinsoꞌ anishatopi. Yosë quiricanën iráca ninshitopisontaꞌ anishatopi. Ina marëꞌ Yosëri chiníquën anaꞌintarin huachi.

Apocalipsis 19:10

Naporoꞌ isonahuato, yachinotopirahuëꞌ. “Ama chinotocosohuëꞌ. Casoꞌ anquënico. Co Yosëcohuëꞌ. Canpita pochachin cantaꞌ Yosë natërahuë. Quisoso nanamën imaramaꞌ niꞌton, Yosëíchin yonquiquëꞌ,” itërinco. Quisoso nanamënáchin aꞌchinpatëhuaꞌ, noꞌtëquën pënëntarëhuaꞌ.

1 Samuel 2:18

Inapoasoiꞌ, Samoirosoꞌ huiꞌnapiraꞌhuatarin. Rino piꞌshi quëran nipinan ipoto aꞌmosahuaton, Sinioro marëꞌ sacatarin. Corto huaꞌanoꞌsa inanpi aꞌmopi niꞌton, inanta inanpi aꞌmorin.