2 Timoteo 2:8 - Chayahuita (Shahui)

⁸ Quisocristo naꞌcon yonquiquëꞌ. Isoroꞌpaquë oꞌmaton, piyapi chachin nasitimarin. Tapi shiin inasoꞌ. Chiminaponahuëꞌ, nanpiantarin. Ina nanan chachin aꞌchinárahuë. Ina imapatëhuaꞌ, nichaꞌësarinpoaꞌ.

2 Timoteo 2:8 ပူးပေါင်းရင်းမြစ်များ

Mateo 1:1

Quisocristo nanamën shaꞌhuitaranquëmaꞌ. Inasoꞌ Yosë huiꞌnin. Iráca quëran huarëꞌ Yosë yonquirin ina aꞌpaimacaso marëꞌ. Tapico chachin Quisocristo shimashonën. Apraancontaꞌ shimashonën chachin. Yaꞌipi shimashonënpita iráca yaꞌhuëpisoꞌ shaꞌhuichinquëmaꞌ, nitotocoꞌ.

Lucas 24:46

—Iráca yaꞌipi ninotonaco, ninshitopi: “Cristo parisitaton, chiminapon. Chiminaponahuëꞌ, cara tahuëri quëran nanpiantarin,” tënin.

Hechos 13:23

Iráca chachin Yosëri shaꞌhuitërin: “Aꞌna tahuëri Tapi shiin nichaꞌësarinquëmaꞌ,” itërin shimashonëmapita. Iporasoꞌ iyaroꞌsaꞌ, nani Quisoso aꞌpaimarin nichaꞌëinpoaso marëꞌ. Shaꞌhuitërinso chachin aꞌpaimarin.

Hechos 2:24

Yosëri ananpitaantarin. Chimirin quëran nichaꞌërin. Co chimirini minsërinhuëꞌ.

Hechos 2:30

Coꞌhuara chimiyantërasohuëꞌ, Yosëri itërin: ‘Aꞌna tahuëri quëma shiparinquën acoarahuë huaꞌanëntacaso marëꞌ. Quëma yaꞌhuërënamën huaꞌanëntarin. Casoꞌ Yosëco niꞌto, co nonpintaranquënhuëꞌ,’ itërin. Napoaton shiaꞌhuain ninoton, ninshitërin.

Romanos 16:25

Nani tahuëriya Yosë chinotahuaꞌ. Yaꞌipi nanitaparin. Ina achinicancaninquëmaꞌ imamiatacamaso marëꞌ. Nanamën tëninso pochachin catahuarinquëmaꞌ. Ina nanan chachin aꞌchintëranquëmaꞌ. Quisocristo nanamën inasoꞌ. Iráca quëran huarëꞌ co nanamën nitotopirinahuëꞌ, iporasoꞌ Yosë anitotërinpoaꞌ.

Romanos 2:16

Ayaroꞌ tahuëri yaꞌipi co noyahuëꞌ yonquirëhuasopita aipitarinpoaꞌ. Poꞌoana quëran maꞌsona tërantaꞌ onporëhuasopita aꞌninquëchin anitotarinpoaꞌ. Naporoꞌ tahuëri Tata Yosë nohuanton, Quisocristo noꞌtëquën shaꞌhuitarinpoaꞌ. Co noyahuëꞌ nipatëhuaꞌ, anaꞌintarinpoaꞌ. Ina nanan yaꞌipi parti shaꞌhuirarahuë.

1 Corintios 15:1

Yosë nanamën iyaroꞌsaꞌ, nani aꞌchintëranquëmaꞌ. “Noꞌtëquën nontërincoi,” taꞌtomaꞌ natëramaꞌ. Natëtomaꞌ, imamiataramaꞌ. Ina nanan chachin shaꞌhuitaantaranquëmaꞌ yonquicamaso marëꞌ.

1 Corintios 15:4

“Chiminpachina, paꞌpitopi huachi. Paꞌpitopirinahuëꞌ, cara tahuëri quëran nanpiantarin,” itëranquëmaꞌ. Quiricanënquë ninorinso chachin nanpiantarin:

2 Tesalonicenses 2:14

Yosë nanamën aꞌchintohuatëinquëmara, canpitantaꞌ imaramaꞌ. Yosë acorinquëmaꞌ Sinioro Quisocristo pochin nicacamasoꞌ. Aꞌna tahuëri oꞌmantahuachin, ina pochin yaꞌnoaramaꞌ.

1 Timoteo 1:11

Yosë nanamënsoꞌ noya nóya. Ina quëran nichaꞌërinpoaꞌ. “Ma noyacha Yosëso paya,” itërëhuaꞌ. Ina chachin acorinco nanamën shaꞌhuicaꞌhuaso marëꞌ.

1 Timoteo 2:7

Ina nanan shaꞌhuicaꞌhuaso marëꞌ Yosë acorinco. Aꞌparinco nisha piyapiꞌsaꞌ aꞌchintaꞌhuaso marëꞌ. “Yosë noꞌtëquën nontërinpoaꞌ. Ina natëcoꞌ,” itërahuë. Tëhuënchachin noꞌtëquën nonahuë, co nonpinahuëꞌ.

2 Timoteo 1:8

Ama tapanatonhuëꞌ, Sinioro nanamën aꞌchináquëꞌ. Ina aꞌchinahuëso marëꞌ tashinan pëiquë poꞌmorinaco. Ama ina marëntaꞌ tapanquësohuëꞌ. Quëmantaꞌ aꞌchinanso marëꞌ aparisitohuachinënquën, chiníquën cancantëquëꞌ. Napohuatan, Yosë catahuarinquën noya ahuantamasoꞌ.

2 Timoteo 2:7

Aꞌchintaranquënsoꞌ api yonquiráquëꞌ. Quisocristo catahuaarinquën noya noya yonquicamaso marëꞌ.

Apocalipsis 5:5

aꞌna ansiano shaꞌhuitërinco. —Ama naꞌnëquësohuëꞌ. Niꞌquëꞌ. Tapi shiin nani yaꞌipi minsërin. Cota huëntonënquë nasitaton, chini chiníquën nanantërin. Inari nanitërin toꞌni iꞌshotahuaton quirica oporinacasoꞌ, itërinco.