2 Timoteo 2:20 - Chayahuita (Shahui)

²⁰ Panca pëiquë nisha nisha maꞌsha yaꞌhuërin inaquë oꞌshitacaso marëꞌ. Niꞌtoroꞌsaꞌ huëꞌpachinara, nasha minëꞌ ninshirayáchin masahuatëꞌ, oꞌshitërëꞌ. Minëtëꞌ, paꞌchitëꞌ, inapitaso nipirinhuëꞌ co ina marëꞌ yaꞌhuërinhuëꞌ. Nëꞌhuëiꞌ acocaso marëꞌ, huiꞌsëcaso marëꞌ, inapita marëꞌ yaꞌhuërin.

2 Timoteo 2:20 ပူးပေါင်းရင်းမြစ်များ

Esdras 1:6

Ina nicatona niyacapapisopitari prata, oro, maꞌsha paꞌton nininsopita, pëꞌtahua, inapita quëran catahuapi. Naporahuaton inahuara nohuanton Yosë chinotacaso pëi nicacaiso marëꞌ nani maꞌsha acopi.

Esdras 6:5

Iráca Napocotonori Yosë chinotacaso pëi quëran, nisha nisha maꞌsharoꞌsa ohuarapisoꞌ ocoirin. Ocoirahuaton, Papironiaꞌpaꞌ quëparin. Inapitantaꞌ, naquëranchin Quirosarinquë quëpanantaꞌinaꞌ. Yaꞌhuërinquë chachin yaꞌhuëantacaso marëꞌ inapochinaꞌ, tënahuë,” tënin.

Daniel 5:2

Noꞌpiton copirnosoꞌ, oro, prata, inapita quëran Yosë marëꞌ minëroꞌsa nipisoꞌ, quëshicaiso camaitërin. Ina minëroꞌsasoꞌ, Quirosarin quëran Napocotonori iráca quëntarin. Quëshihuachinara, inapitaquë huino oꞌorin. Saꞌinpita, cosonanënpita, huaꞌanoꞌsa amatërinsoꞌ, yaꞌipi inapitanta inaquë oꞌopi.

Juan 8:49

—Co sopai yaꞌcoancantërincohuëꞌ. Tatahuë noya nicato natërahuë. Canpitaso nipirinhuëꞌ nocanatomaco, pinoramaco.

Romanos 9:20

¿Maquëma cháchintaꞌ niꞌtomaꞌ, nanitëramaꞌ Yosë chachin pinocamasoꞌ? Niꞌcoꞌ. Piyapi tëshitohuachina, minëꞌ, huëꞌëta, inapita ninin. Nipachina, co tëshiri huaꞌanën noꞌhuirinhuëꞌ. “¿Onpoatontaꞌ naponin ninanco?” co itërinhuëꞌ.

1 Corintios 3:9

Quiyasoꞌ Yosë aꞌparincoi ina marëꞌ sacataꞌhuaisoꞌ. Canpitaso nipirinhuëꞌ Yosë shaꞌtërinso pochin ninamaꞌ. Naporahuaton, Quisocristo imaramaꞌ niꞌton, Yosë pëinën pochin ninamaꞌ.

2 Corintios 4:7

Co quiyasoꞌ chiníquën nanantopiraihuëꞌ, Yosë nohuitatoi, aꞌnapitantaꞌ catahuarai ina nohuitacaiso marëꞌ. Niꞌcoꞌ. Yonsha, huëꞌëta, inapita noꞌpa quëran nipi niꞌton, co yaꞌhuëmiatërinhuëꞌ. Aꞌnaroáchin yaꞌquihuachina, co noyatërinhuëꞌ. Napoonin. Inapochachin quiyantaꞌ co chiníquën cancantopiraihuëꞌ, Yosë catahuarincoi nanamën aꞌchinaꞌhuaisoꞌ. Aꞌnapitantaꞌ natanatonacoi, yonquiapi. “Ma noyacha Yosëri catahuarin paya. Co catahuarinhuëꞌ naporini, co ina pochin nanichitonahuëꞌ,” tosapi.

Efesios 2:22

Canpitantaꞌ Quisocristo imatomaꞌ, yaꞌconamaꞌ. Aꞌnaya aꞌnayanpoaꞌ naꞌpi pochin ninëhuaꞌ pëiꞌ nanicaso marëꞌ. Yaꞌipi imarëhuasopita Yosë pëinën pochin ninëhuaꞌ. Ispirito Santo yaꞌcoancantohuachinpoaꞌ, Yosë chachin canpoarëꞌ yaꞌhuërarin huachi.

1 Pedro 2:5

Imaramaꞌ niꞌton, canpitantaꞌ noya naꞌpiroꞌsa pochin nisaramaꞌ. Nanpimiataramaꞌ. Yaꞌipi imarëhuasopita Yosë acorinpoaꞌ pëinën pochin nicacaso marëꞌ. Cancanënpoa quëran huarëꞌ ina naꞌcon chinotërëhuaꞌ niꞌton, corto huaꞌanoꞌsa pochin nisarëhuaꞌ. Nani tahuëri ina chinotatëhuaꞌ, “Yosparinquën Sinioro,” itahuaꞌ. Nicatahuacasontaꞌ ama naniantahuasohuëꞌ. Quisocristo catahuarinpoaꞌ ina pochin nicacasoꞌ. Ina marëꞌ Yosë noya niꞌsarinpoaꞌ.