2 Tesalonicenses 3:9 - Chayahuita (Shahui)

⁹ Huaꞌquiꞌ aꞌchintërainquëmaꞌ niꞌton, noya topinan maꞌpatacaso nipirinhuëꞌ, co topinan maꞌparainquëmahuëꞌ. Sacatatoi, maꞌsha paꞌanai. Noya sacatërai nonanamacoiso marëꞌ.

2 Tesalonicenses 3:9 ပူးပေါင်းရင်းမြစ်များ

Mateo 10:10

Ama pëꞌpëto, pitana, sapatëꞌ, inapita quëpacosohuëꞌ. Ama aꞌmoramaso tërantaꞌ catoꞌ quëpacosohuëꞌ. ‘Asacatohuatëra, aꞌcacasoꞌ yaꞌhuërin,’ topi. Napoaton aꞌchintohuatamaꞌ, aꞌcaarinënquëmaꞌ, catahuaarinënquëmaꞌ ama maꞌsha pahuantinquëmaso marëhuëꞌ.

Juan 13:15

Nani paꞌmorantëranquëmaꞌ nonanamacoso marëꞌ. Canpitantaꞌ ca pochin cancantatomaꞌ, ninosoroatomaꞌ nicatahuacoꞌ.

1 Corintios 4:16

Ina pochin cancantatomaco, nonanco, tënahuë.

Gálatas 6:6

Aꞌnaquën paatonaꞌ, nani tahuëri Yosë nanamën aꞌchinápi. Aꞌchintohuachinquëmaꞌ, maꞌsha quëtocoꞌ ama pahuanchinasohuëꞌ.

1 Tesalonicenses 2:6

Co piyapiꞌsaꞌ noya nicainacoisoꞌ yonquiatoi aꞌchinaihuëꞌ.

2 Tesalonicenses 3:7

Nani nitotëramaꞌ noya nicacamasoꞌ. “Nonancoi,” itërainquëmaꞌ. Canpitataquë yaꞌhuasocoi, co quiyasoꞌ topinan yaꞌhuëraihuëꞌ. Co chiroraihuëꞌ.

1 Pedro 2:21

Ina pochin ahuantacasoꞌ Yosë nohuantërin. Quisocristo canpoa marëꞌ parisitërin. Parisitaton, aꞌchintërinpoaꞌ canpoantaꞌ ina pochin ahuantacasoꞌ. Ina iyaroꞌsaꞌ nonancoꞌ.

1 Pedro 5:3

Pënëntohuatamaꞌ, ama chiníquën nontocosohuëꞌ. Ama huaꞌan pochin cancantatomaꞌ, camaitocosohuëꞌ. Yosë acorinquëmaꞌ aꞌchintëramasopita catahuacamasoꞌ. Napoaton noya yonquiatomaꞌ, noya nicoꞌ inapitantaꞌ inachachin nonainquëmaso marëꞌ.