2 Tesalonicenses 3:17 - Chayahuita (Shahui)

¹⁷ Ca Paonoco caora imirahuë quëran piꞌpian ninshitaranquëmaꞌ saludos aꞌpataꞌhuanquëmaso marëꞌ. Nani quirica ninshitërahuëquë iso pochin ninshitërahuë. Ina nicatomaꞌ, nitotaramaꞌ: “Paono mini ninshitërinpoaꞌ,” tosaramaꞌ.

2 Tesalonicenses 3:17 ပူးပေါင်းရင်းမြစ်များ

Romanos 16:22

Ca Tirsioco iso quirica ninshitaranquëmaꞌ. Paono shaꞌhuitërincosoꞌ ninshitaranquëmaꞌ. Canpitantaꞌ Yosë imaramaꞌ niꞌton, saludos aꞌpataranquëmaꞌ.

1 Corintios 16:21

Ca Paonoco naꞌcon yonquiranquëmaꞌ. Caora imirahuë quëran isoíchin ninshitaranquëmaꞌ.

Colosenses 4:18

Ca Paonoco naꞌcon yonquiatënquëmaꞌ, saludos aꞌpataranquëmaꞌ. Caora imirahuë quëran isoíchin ninshitaranquëmaꞌ. Tashinan pëiquë yaꞌhuarahuë. Ama naniantocosohuëꞌ. Yosë inaora nohuanton, noya catahuainquëmaꞌ. Nani ninshitëranquëma huachi. Paono

2 Tesalonicenses 1:5

Imaramaso marëꞌ parisitapomarahuëꞌ, noya ahuantëramaꞌ niꞌton: “Tëhuënchachin Yosë catahuarinquëmaꞌ,” tënai. Inasoꞌ noꞌtëquën yonquirin. Yosë nohuanton, ipora parisitaramaꞌ noya noya cancantacaso marëꞌ. Ina quëran noya niꞌsarinquëmaꞌ. Aꞌna tahuëri huaꞌanëntërinquë quëpantarinquëmaꞌ.

2 Tesalonicenses 2:2

Aꞌnaquënso nipirinhuëꞌ co noꞌtëquën nitotopihuëꞌ. “Oꞌmantacasoꞌ tahuëri nani nanirin,” itohuachinquëmaꞌ, ama paꞌyancosohuëꞌ. Ama nisha nisha yonquicosohuëꞌ. Aꞌnaquën tapon: “Cari ninorahuë. Oꞌmantacasoꞌ tahuëri nani nanirin,” itohuachinquëmaꞌ, ama natëcosohuëꞌ. Aꞌnantaꞌ tapon: “Nanirin mini. Paono chachin naponinshitërincoi,” itopirinënquëmahuëꞌ, ama ina natëcosohuëꞌ.

Josué 2:12

Napoaton Yoscoarëꞌ taꞌtomaꞌ, quëmopinëhuëpitaroꞌco chachin nichaꞌëco. Carinquëma nosororanquëmaso pochachin canpitanta nosoroco. Naporahuaton noꞌtëquën nontëramacosoꞌ nitotaꞌhuaso marëꞌ maꞌsha tëranta quëtoco.

1 Samuel 17:18

Isonta shonca quiso ohuaca shoꞌshoiꞌ quëran nipinan, capitan huaꞌan quëpatëquëꞌ. Iya mashoroꞌsa onpoinsona nisapisoꞌ, niꞌcontaquëꞌ. Naporahuaton noya yaꞌhuapiso nitotaꞌhuaso marëꞌ, maꞌsha tëranta quëchinën quëshico, itërin.