2 Tesalonicenses 3:15 - Chayahuita (Shahui)

¹⁵ Napoaponahuëꞌ, ama inimico pochin nicatomaꞌ, noꞌhuicosohuëꞌ. Iyaparima pochin nicatomaꞌ, sanoanan quëran pënëncoꞌ.

2 Tesalonicenses 3:15 ပူးပေါင်းရင်းမြစ်များ

Mateo 18:15

Ina quëran Quisosori pënëantarin. “Imapatamaco, iyaparima pochin ninicamasoꞌ yaꞌhuërin. Aꞌnaquën maꞌsha onpotohuachinquën, quëmaora paaton, nanan anoyatëquëꞌ. Ina quëran oshaquëran pënënquëꞌ noya yonquiantaꞌin. Noya natëhuachinquën, oshanën marëꞌ tëhuënchachin sëtohuachin, noya cancantaantarin. Iyaparima pochin ninosoroantarama huachi.

1 Corintios 4:14

Co noꞌhuiranquëmahuëꞌ. Nosororanquëmaꞌ. Co nohuantërahuëꞌ atapanaꞌhuanquëmasoꞌ. Pënënaꞌhuanquëmaso marëꞌ ninshitaranquëmaꞌ. Huiꞌnahuëpita pochin nicatënquëmaꞌ, napotaranquëmaꞌ noya yonquicamaso marëꞌ.

2 Corintios 10:8

Yosë chachin chiníquën nanan quëtërincoi nanamën aꞌchintaꞌhuainquëmaso marëꞌ, itohuatënquëmara, co ina marëꞌ tapanahuëꞌ. Noya noya imacamaso marëꞌ aꞌchintërainquëmaꞌ. Co nisha cancantamaso marëꞌ aꞌchintërainquëmahuëꞌ.

2 Corintios 13:10

Napoaton co inaquë yaꞌhuaporahuëꞌ, ninshitaranquëmaꞌ pënënaꞌhuanquëmaso marëꞌ. Yaꞌipi co noyahuëꞌ yonquiramasopita naniantohuatamaꞌ, canconpato, co anaꞌintaꞌhuanquëmasoꞌ yaꞌhuaponhuëꞌ. Sinioro chachin chiníquën nanan quëtërinco catahuaꞌhuanquëmaso marëꞌ. Co anishacancantaꞌhuanquëmaso marëꞌ napotaranquëmahuëꞌ. Noya noya imacamaso marëꞌ napotaranquëmaꞌ.

Gálatas 6:1

Ispirito Santo natëtomaꞌ noya cancantohuatamaꞌ, aꞌnapitantaꞌ catahuacoꞌ ina pochin cancanchinaꞌ. Aꞌnasoꞌ co noyahuëꞌ nipachin, ama noꞌhuicosohuëꞌ. Sanoanan quëran pënënatomaꞌ, catahuacoꞌ co noyahuëꞌ yonquirinsopita nanianchin. Niꞌcona canpitantaꞌ sopai minsëchinquëmaꞌ.

1 Tesalonicenses 5:14

Canpita capini iyaroꞌsaꞌ nipënëncoꞌ. Aꞌnaquën co yasacatopihuëꞌ. Inapita pënëncoꞌ ama chiroinasohuëꞌ. Aꞌnaquën maꞌsha onpohuachinara, Yosë yananiantopi. Inapitantaꞌ noya nontocoꞌ chiníquën cancanchinaꞌ. Aꞌnaquëontaꞌ cancanëna quëran co chinipihuëꞌ. Catahuacoꞌ ama Yosë nanianchinasohuëꞌ. Inapohuatamaꞌ, ama insontaꞌ noꞌhuicosohuëꞌ. Sanoanan quëran pënëncoꞌ.

2 Tesalonicenses 3:13

Naꞌaquëmaꞌ iyaroꞌsaꞌ noya nisaramaꞌ. Ama amiatomaꞌ, nisha cancantocosohuëꞌ. Nani tahuëri noya nicoꞌ.

2 Tesalonicenses 3:6

Sinioro Quisocristo nanan quëtërincoi niꞌton, noꞌtëquën iyaroꞌsaꞌ pënënainquëmaꞌ. Aꞌnaquëmasoꞌ imapomarahuëꞌ, co sacatatomahuëꞌ, nisha nisha yonquiramaꞌ. Yosë nanamën noꞌtëquën aꞌchintopirainquëmahuëꞌ, co natëramacoihuëꞌ. Insosona inapohuachin, ama inapitarëꞌquëmaꞌ nipayacosohuëꞌ.

Tito 3:10

Aꞌna piyapi nisha nanan aꞌchinpachin, imapisopita nisha nisha ayonquirin. Inasoꞌ pënënquëꞌ noꞌtëquën aꞌchinchin. Co yanatëhuachinquënhuëꞌ, naquëranchin pënëantaquëꞌ. Ina quëran co yanatëantahuachinquënhuëꞌ, shaꞌhuitëquëꞌ taꞌchin. Ama insoari tërantaꞌ ina natëinasohuëꞌ. Ama huachi imarinso pochin niꞌcosohuëꞌ.