Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Tesalonicenses 3:13 - Chayahuita (Shahui)

13 Naꞌaquëmaꞌ iyaroꞌsaꞌ noya nisaramaꞌ. Ama amiatomaꞌ, nisha cancantocosohuëꞌ. Nani tahuëri noya nicoꞌ.

အခန်းကိုကြည့်ပါ။ ကော်ပီ




2 Tesalonicenses 3:13
17 ပူးပေါင်းရင်းမြစ်များ  

Yaaparisitopirinacohuëꞌ, Sinioro nosorancosoꞌ niantararahuë. Isoroꞌpaquë nanpisoco chachin niantararahuë.


Canpitaso nonpatamara, napomantaramaꞌ: ‘Maꞌcháchinta Yosë marëꞌ sacatatëhua poꞌsárëhuasoꞌ,’ tënamaꞌ. Napoatoma nocanamaco. Ihuatëramasohuë nipon, ohuaca sonpachahuë nipon, caniaꞌpihuë nipon, quëshitomaco chinotamacoso marëꞌ aꞌnotohuatamacora: ‘Noya ipora ina marëꞌ Sinioro cancantërin,’ toconamaꞌ.


“Chiníquën cancantatëꞌ, apira apira Yosë nontacasoꞌ yaꞌhuërin,” taꞌton, pënënto nanan shaꞌhuitantarin ama amitonaꞌ aꞌpocaiso marëhuëꞌ. Aꞌchintaton, itapon:


Noyasáchin nipatëhuaꞌ, noya niꞌsarinpoaꞌ. Yosë yonquiatëhuaꞌ, noya acoinpoaso marëꞌ naꞌcon nohuantohuatëhuaꞌ, ananpitaantarinpoaꞌ. Inarëꞌquënpoaꞌ yaꞌhuëmiatarihuaꞌ.


Ina nohuanton, Quisocristo yaꞌipiya minsëarin. Nani minsëhuachina, inantaꞌ Yosë huiꞌnin niꞌton, paꞌpin natëmiatarin. Naporo quëran huarëꞌ Yosëáchin yaꞌipiya huaꞌanëntomiatarin.


Yosë nosoroatoncoi, acorincoi ina nanamën aꞌchinaꞌhuaiso marëꞌ. Ina yonquiatoi, co yaaꞌporaihuëꞌ.


Napoaton co aꞌpochináchinhuëꞌ cancantërai. Parisitatoi, co huachi chinipiraihuëꞌ, nani tahuëri achinicancanincoi noya noya cancantaꞌhuaiso marëꞌ.


Canpita marëꞌ ina nontërahuë. “Catahuaquëꞌ, Sinioro, noya noya ninosoroꞌinaꞌ. Quëma nohuanton, nanamën nóya nitochinaꞌ. Catahuaquëꞌ, Sinioro, noꞌtëquën yonquiꞌinaꞌ,” itërahuë Yosë nontato.


Iporasoꞌ iyaroꞌsaꞌ Sinioro Quisoso nanan quëtërincoi niꞌton, pënëantarainquëmaꞌ. Iráca pënënainquëmaꞌ noya nicacamaso marëꞌ. “Noya nipatamaꞌ, Yosë noya niꞌsarinquëmaꞌ,” itërainquëmaꞌ, natëramacoi. Iporasoꞌ aquë aquëtëꞌ natëtatomaꞌ, noyasáchin nicoꞌ, tënahuë.


Napoaponahuëꞌ, ama inimico pochin nicatomaꞌ, noꞌhuicosohuëꞌ. Iyaparima pochin nicatomaꞌ, sanoanan quëran pënëncoꞌ.


Isoroꞌpaquë yaꞌhuapon, oshahuanoꞌsari chiníquën noꞌhuipirinahuëꞌ, ahuantërin. Ina yonquiatëhuaꞌ, ama yaaꞌpoaꞌhuasohuëꞌ. Chiníquën cancantocoꞌ.


Huiꞌninpita pochin nicatonpoaꞌ, Yosë pënëninpoaꞌ chiníquën cancantacaso marëꞌ. Nani nitotopiramahuëꞌ, ¿naniantëramaꞌ ti? Quiricanën quëran napotërinpoaꞌ: “Yonquiquëꞌ conpa. Aꞌna tahuëri Yosë nohuanton, parisitaran noya noya imacamaso marëꞌ. Aꞌna tahuëri piꞌpian anaꞌintopirinquënhuëꞌ, ama sëtëquësohuëꞌ. Ama yaaꞌpoquësohuëꞌ. Ahuantacasoꞌ yaꞌhuërin.


Imaramacoso marëꞌ aparisitopirinënquëmahuëꞌ, ahuantëramaꞌ. Co yaaꞌporamacohuëꞌ. Ina marëꞌ noya niꞌnanquëmaꞌ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ