2 Tesalonicenses 3:1 - Chayahuita (Shahui)

¹ Iporasoꞌ iyaroꞌsaꞌ, quiya marëntaꞌ Yosë nontocoꞌ nanamën noya aꞌchinaꞌhuaiso marëꞌ. Yaꞌipi parti nahuinacaso yaꞌhuërin. Canpitasoꞌ natanatomacoi, noya imaramaꞌ. Aꞌnapitantaꞌ aꞌchintohuatoi, noya nohuanchinaꞌ. Canpita pochachin noya imainaꞌ. Ina marëꞌ Yosë nontocoꞌ.

2 Tesalonicenses 3:1 ပူးပေါင်းရင်းမြစ်များ

Mateo 9:38

Napoaton Yosë nontocoꞌ aꞌnapitantaꞌ aꞌpaꞌin pënënchinaꞌ. Ina shaꞌhuitërinpoaꞌ aꞌchinacaso marëꞌ, itërin Quisosori.

Lucas 10:2

“Tëhuënchachin iyaroꞌsaꞌ, isoroꞌpaꞌ panca imin pochin ninin. Cayarinsoꞌ manëso pochachin piyapiꞌsaꞌ manëꞌ Yosë imacaiso marëꞌ. Naꞌa piyapiꞌsaꞌ yaꞌhuëpirinahuëꞌ, caraíchin pënëntarin. Napoaton Yosë nontocoꞌ aꞌnapitantaꞌ aꞌpaꞌin pënënchinaꞌ. Inasoꞌ yaꞌipiya huaꞌanëntarin.

Hechos 12:24

Yosë nanamënso nipirinhuëꞌ nahuinarin. Nisha nisha parti shaꞌhuirápi niꞌton, naꞌa piyapiꞌsaꞌ natëtonaꞌ imasapi.

Hechos 19:20

Pënotonoꞌsantaꞌ pënotopisoꞌ aꞌporahuatonaꞌ, cancanëna quëran huarëꞌ imasapi niꞌton, Sinioro nanamën yaꞌipi parti nahuinin. Naꞌcon naꞌcon imasapi.

Hechos 6:7

Ina quëran caꞌtanoꞌsaꞌ nani tahuëri pënëntapi. Yosë nanamën aꞌchinapi. Aquë aquëtëꞌ nahuinin. Quirosarinquë naꞌcon naꞌcon piyapiꞌsaꞌ imasapi. Naꞌa corto huaꞌanoꞌsantaꞌ Quisoso nanamën natëpi.

Romanos 15:30

Canpitantaꞌ iyaroꞌsaꞌ Quisocristo imaramaꞌ. Ispirito Santo catahuarinpoaꞌ niꞌton, ninosoroarëhuaꞌ. Napoaton chiníquën Yosë nontocoꞌ catahuainco.

1 Corintios 16:9

Yosë nohuanton, naꞌa piyapiꞌsaꞌ isëquë yaimapi niꞌton, aꞌchintárahuë. Aꞌnaquënsoꞌ noꞌhuipirinacohuëꞌ, pënëntárahuë. Naꞌamiachin imasapi.

2 Corintios 1:11

Canpitantaꞌ quiya marëꞌ chiníquën Yosë nontocoꞌ catahuaincoi. Naꞌanquëmaꞌ quiya marëꞌ Yosë nontohuatamaꞌ, Yosë catahuarincoi. Ina quëran canpitantaꞌ noya cancantaramaꞌ. “Ma noyacha Yosëri catahuarin paya,” taꞌtomaꞌ, “Yosparinquën Sinioro,” tosaramaꞌ.

2 Corintios 13:11

Nani iyaroꞌsaꞌ ninshitëranquëmaꞌ. Noya cancantocoꞌ, tënahuë. Yaꞌipi cancanëma quëran Yosë imacoꞌ. Pënënanquëmasoꞌ noya natëtomaꞌ, niachinicancancoꞌ. Napopináchin yonquicoꞌ. Noya niniꞌtomaꞌ, yaꞌhuëcoꞌ. Inapohuatamaꞌ, Yosë catahuarinquëmaꞌ. Inasáchin nosoroatonpoaꞌ, catahuarinpoaꞌ sano cancantacaso marëꞌ.

Colosenses 4:3

Quiya marëntaꞌ Yosë nontocoꞌ. Paꞌsápato, Quisocristo nanamën aꞌchinpirahuëꞌ. Ina marëꞌ tashinan pëiquë poꞌmorinaco. Naꞌa piyapiꞌsaꞌ co nanamën nitochátërapihuëꞌ. Inahuantaꞌ nitochinaꞌ. Napoaton Yosë nontohuatamaꞌ, quiya marëntaꞌ nontocoꞌ catahuaincoi aꞌchintohuatoira, Yosë nanamën nohuanchinaꞌ.

1 Tesalonicenses 1:5

Quisocristo nanamën aꞌchintohuatëinquëmara, co topinan quëran aꞌchintërainquëmahuëꞌ. Ispirito Santo chachin catahuarincoi aꞌchinaꞌhuaisoꞌ. Canpitantaꞌ catahuarinquëmaꞌ noya natanacamaso marëꞌ. “Noꞌtëquën nontërinpoaꞌ,” taꞌtomaꞌ, yaꞌipi cancanëma quëran natëramaꞌ. Ina nicatoi: “Tëhuënchachin Yosëri huëntonënquë ayaꞌconin,” tënai. Canpitataquë yaꞌhuapoi, noya imarai canpitantaꞌ noya imacamaso marëꞌ.

1 Tesalonicenses 1:8

Noya imaramaꞌ niꞌton, yaꞌipi inaquë yaꞌhuëpisopita nicatënënquëmaꞌ, yonquipi. Naporahuaton, yaꞌipi ina parti nahuinin. Co quiyari shaꞌhuitopiraihuëꞌ, yaꞌipiya nitotopi.

1 Tesalonicenses 2:1

Canpitataquë yaꞌhuapoi iyaroꞌsaꞌ, co topinan quëran aꞌchintërainquëmahuëꞌ, nitotëramaꞌ.

1 Tesalonicenses 2:13

Yosë nanamën aꞌchintohuatëinquëmara, noya natanamaꞌ. “Co piyapi yonquirinsoꞌ aꞌchintërinpoahuëꞌ. Yosë nanamën chachin aꞌchintërinpoaꞌ,” tënamaꞌ. Tëhuënchachin Yosë nanamën niꞌton, ina natëhuatamaꞌ, nanamën quëran anoyacancantarinquëmaꞌ. Ina marëꞌ nani tahuëri “Yosparinquën,” itërai Yosë.

1 Tesalonicenses 4:1

Iporasoꞌ iyaroꞌsaꞌ Sinioro Quisoso nanan quëtërincoi niꞌton, pënëantarainquëmaꞌ. Iráca pënënainquëmaꞌ noya nicacamaso marëꞌ. “Noya nipatamaꞌ, Yosë noya niꞌsarinquëmaꞌ,” itërainquëmaꞌ, natëramacoi. Iporasoꞌ aquë aquëtëꞌ natëtatomaꞌ, noyasáchin nicoꞌ, tënahuë.

1 Tesalonicenses 5:17

Apira apira Yosë nontocoꞌ. Ama aꞌna tahuëri tërantaꞌ pahuancosohuëꞌ.

1 Tesalonicenses 5:25

Quiya marëntaꞌ iyaroꞌsaꞌ Yosë nontocoꞌ.

2 Timoteo 2:9

Ina aꞌchinahuëso marëꞌ parisitërahuë. Noꞌhuitonaco, tashinan pëiquë poꞌmorinaco. Apinaꞌpi pochin nicatonaco, catinatërinaco. Inapotopirinacohuëꞌ, Yosë nanamënsoꞌ co nanitopihuëꞌ inapotacaisoꞌ. Nisha nisha parti aꞌchinapi niꞌton, nahuinin.