2 Tesalonicenses 1:11 - Chayahuita (Shahui)11 Napoaton nani tahuëri canpita marëꞌ Yosë nontërai: “Quëma nohuanton Sinioro imarinënquën. Napoaton, catahuaquëꞌ noyasáchin niinaꞌ. Noya noya yaimarinënquën niꞌton, catahuaquëꞌ noyápiachin cancanchinaꞌ. Quiyaora co nanitëraihuëꞌ. Quëmasáchin Sinioro ananitaparancoi. Catahuaquëꞌ yaꞌipi cancanëna quëran natëinënquën,” itërahuë, Yosë nontato. Noya nipatamaꞌ, Yosë noya niꞌsarinquëmaꞌ. အခန်းကိုကြည့်ပါ။ |
Co nisha nisha yonquirahuëꞌ. Quëmapiꞌsaꞌ nicanatonaꞌ taꞌapiso pochin cancantato, Quisocristoíchin yonquiárahuë ina pochin cancantaꞌhuaso marëꞌ. Nani tahuëri nani tahuëri napoarahuë. Ina quëran aꞌna tahuëri Yosëꞌpaꞌ cancontahuato, noya niꞌsarinco. Quisocristo anoyacancantërinco niꞌton, inápaquë quëpantarinco.
Quisocristo naꞌcon yonquiaꞌahuaꞌ. Inasáchin catahuarinpoaꞌ Yosë natëcasoꞌ. Naporahuaton, inasáchin catahuarinpoaꞌ noya noya natëtacasoꞌ. Isoroꞌpaquë oꞌmahuachina, chiníquën parisitërin. Corosëquë parisitohuachina, naꞌcon tëhuapirinahuëꞌ, co ina yonquirinhuëꞌ. “Chiminpato, piyapiꞌsaꞌ nichaꞌësarahuë,” taꞌton, nóya cancantërin. Ina quëran inápaquë panantarahuaton, Yosë inchinanën quëran chachin huënsëarin.