2 Samuel 9:9 - Chayahuita (Shahui)

⁹ Napotopirinhuëꞌ, copirnoriso Sipa amatahuaton itapon: —Saonocoꞌ noꞌpanën, maꞌshanënpita, inapita Mihui-posi quëtarahuë.

2 Samuel 9:9 ပူးပေါင်းရင်းမြစ်များ

2 Samuel 16:3

—¿Saonocoꞌ shiin Mihui-posi poꞌ? itaantarin copirnori. —Inasoꞌ, Quirosarinquëranchin quëparitërin: “Iporacha tëhuënchinsoꞌ tata mashoco Saono pochin israiroꞌsa copirnonëna nicaꞌhuaso marëꞌ acoaponaco,” taꞌton yaꞌhuëárin, itërin.

2 Samuel 16:4

—Noyapaꞌ. Yaꞌipi ina huaꞌanëntërinsoꞌ, iporaso quëmaquën nisarin, itërin copirnori. —Ipora tahuëri noya nicatonco catahuamiatëranco. ¡Maꞌcha ina pochachin catahuarárancohuë paya! itërin Sipari. Copirno noya nicaton monshoapon pochin napotërin.

2 Samuel 19:29

—Nani natananquën. Co huachi aquëtë nonacaso yaꞌhuërinhuëꞌ. Nani Sipa yaꞌipi Saonocoꞌ noꞌpanën quëtërahuë. Quëtopirahuëꞌ, iporasoꞌ camaitaantapo quëmarë nipatomatacasoꞌ, itërin copirnori.

2 Samuel 19:30

—Yaꞌipi inari machaꞌin. Co ina naꞌcon naꞌcon yonquirahuëꞌ. Noya huënantaton, huaꞌanëntaantarancoi niꞌton, ina marëꞌ tëhuënchinsoꞌ noya noya cancantërahuë, itërin Mihui-posiri.

Isaías 32:8

Noya quëmapiso nipirinhuëꞌ, noya nicacasoꞌ yonquirin. Yonquirinsopita nipachina, co nisha nisha cancantarinhuëꞌ.

1 Samuel 9:1

Mincamin huëntonquë iráca, aꞌnara Israiro quëmapi yaꞌhuërin. Ahuia itopisoꞌ. Inasoꞌ huiꞌnahuanpachina, Picorato itopi. Inanta huiꞌnahuanpachina, Siroro itopi. Siroronta huiꞌnahuanpachina, Apiiri itopi. Inanta huiꞌnahuanpachina, Quisi itopi. Naní quëran Quisisoꞌ noya niꞌpi.