2 Samuel 9:7 - Chayahuita (Shahui)

⁷ —Ama tëꞌhuatocosohuëꞌ. Iráca quëmaquën tatacorëꞌco, “Yoscoarëꞌ co ninoꞌhuiarihuëꞌ,” niitatoi nipayarai. Ina yonquiato carinquën nosoraoaranquën. Tata masho Saonocoꞌ noꞌpanën macamaso marëꞌ camaitarahuë. Naporahuaton quëmasoꞌ, ipora quëran huarëꞌ carëꞌquën coshataran, itërin.

2 Samuel 9:7 ပူးပေါင်းရင်းမြစ်များ

Génesis 43:18

Napoaponahuëꞌ, inapitaso quëpasoi paꞌyanpi. Paꞌyanatona inahua capini ninontapi: —Nonpintahuatënënpoaꞌ, pëinënquë quësarinpoaꞌ. Iꞌhua coriqui ayantërinpoaso marëꞌ quësarinpoaꞌ. Masahuatënënpoa piyapinënpita pochin asacatarinënpoaꞌ. Moranënpoapitarë chachin asacatarinënpoaꞌ, nitopi.

Génesis 43:23

Napopirinahuë Cosi piyapinënisoꞌ: —Sano cancantocoꞌ. Ama paꞌyancosohuëꞌ. Naporoꞌ pahuërëtëramasoꞌ, nani manahuë. Yosë chinotëramaso nimara costaronëmaquë acotërinquëmaꞌ. Inachachin tataparimanta chinotërin, itërin. Napotahuaton, Simion tashinan pëi quëran ocoirahuaton quëshirin.

2 Samuel 19:28

Yaꞌipi Saonocoꞌ quëmopinënpitacoi tiquirancointa naporini, noꞌtëquën niitonhuëꞌ. Napopirinhuëꞌ, nosoroatonco quëmarëꞌco chachin coshataꞌhuaso quëtëranco. Napoaton: ¡Co huachi nanitërahuë aquëtë huarëꞌ natanaꞌhuanquënsoꞌ! itërin Mihui-posiri.

2 Samuel 19:29

—Nani natananquën. Co huachi aquëtë nonacaso yaꞌhuërinhuëꞌ. Nani Sipa yaꞌipi Saonocoꞌ noꞌpanën quëtërahuë. Quëtopirahuëꞌ, iporasoꞌ camaitaantapo quëmarë nipatomatacasoꞌ, itërin copirnori.

2 Samuel 19:33

Panantacaso marëꞌ nontahuachina, copirnori itapon: —Huëquë Quirosarinquë paꞌa. Inaquë carinquën niꞌsaranquën huachi, itërin.

2 Samuel 9:1

Aꞌna tahuëri Tapisoꞌ, piyapinënpita natanin: “¿Saonocoꞌ quëmopinënpita aꞌnaya tëranta yaꞌhuëarin to? iráca Conatancorëꞌco anoyatatoi, ‘Yoscoarëꞌ co ninoꞌhuiarihuëꞌ,’ niitatoi nipayarai. Ina yonquiato inso tëranta quëmopinën yaꞌhuëapachin, shaꞌhuitoco. Nosorocaꞌhuaso marëꞌ napoarahuë,” itërin.

2 Samuel 9:10

Napoaton quëmasoꞌ, huiꞌnanpitarëꞌquën chachin ina noꞌpaquë sacataramaꞌ. Piyapiparinpitanta inaquë chachin sacataponaꞌ. Shaꞌtëramaso cayahuachin, macatoma tapaaramaꞌ. Huaꞌanëncoꞌ quëmopinënpita nanpicaiso marëꞌ inapotaramaꞌ. Mihui-posiso napoaponahuëꞌ, carë chachin coshatápon, itërin. Sipasoꞌ shonca aꞌnatërápo huiꞌninpita yaꞌhuëtahuaton, cato shonca piyapinënpita yaꞌhuëtërin. Inari copirno itapon: —Yaꞌipi camaitëranso sinioro copirno nisarai, itërin. Mihui-posisoꞌ cato paꞌhuën quëran chachin yamorin niꞌton, co nanitërinhuëꞌ sacatacasoꞌ. Napoaton Sipasoꞌ, huiꞌninpitarë chachin ina marëꞌ sacatopi. Piyapinënpitanta ina marëꞌ sacatopi. Inasoꞌ, saꞌinë chachin Quirosarinquë yaꞌhuërin. Inaquë copirno yaꞌhuërin niꞌton, inanta inaquë yaꞌhuërin. Copirno huiꞌninpita pochin nicaton, nani tahuëri inarë coshatërin. Aꞌnara huiꞌnin huaꞌhuishin yaꞌhuëtërin. Inasoꞌ, Micaia itopi.

2 Samuel 9:3

—¿Aꞌnaya tëranta Saono quëmopinën yaꞌhuëarin to? Yaꞌhuëapachin shaꞌhuitoco. Yosë niꞌsárinco nosoroarahuë, itërin Tapiri. —Yaꞌhuëarin mini aꞌnara Conatanco huiꞌnin. Inasoꞌ, Mihui-posi itopi. Cato paꞌhuën quëran chachin yamorin, itërin Sipari.

1 Reyes 2:7

Carataquë yaꞌhuërinso Parisirai huiꞌninpitaso nipirinhuëꞌ, nosoroaton catahuaquëꞌ. Quëma coshatëranso misaquë chachin inahuanta coshachinaꞌ. Iráca iya mashoco Apësaron yaꞌhuërëtatonco noꞌhuirinco niꞌton, taꞌananpirahuë. Naporoꞌ inahuasoꞌ, nosoroatonaco paꞌpoyarinaco. Napoaton nosoroquëꞌ.

2 Reyes 25:29

Inapotohuachina Coaquinsoꞌ, tashinan pëiquë aꞌmorinso ocoirahuaton tëꞌyatërin. Ina quëran noya aꞌmosahuaton, nani tahuëri copirno caꞌparin. Chiminaquë huarëꞌ naporin.

Mateo 6:11

Nani tahuëri catahuacoi cosharoꞌ yaꞌhuëchincoi.

Lucas 22:30

Huaꞌanëntohuato, carëꞌquëmaꞌ noya coshatërëhuaso pochin nóya cancantaramaꞌ. Inaquë catahuaramaco yaꞌipi israiroꞌsaꞌ huaꞌanëntaꞌhuasoꞌ,” itërin.

Apocalipsis 3:20

Cancanëmaquë yayaꞌcoancantëranquëmaꞌ. Ina marëꞌ nontaranquëmaꞌ. Yaꞌcoana piꞌnirëso pochin ninaranquëmaꞌ. Natanahuatamaco: ‘Yaꞌcoancantoco,’ itohuatamaco, yaꞌcoancantaranquëmaꞌ. Niichicoshatërëso pochin nóya ninohuitarihuaꞌ.

1 Samuel 12:24

Yosëso tëhuënchachin nosoroatonpoa naꞌcon catahuarinpoaꞌ. Ina yonquiatoma canpitasoꞌ, inaíchin noya nicatoma natëcamaso yaꞌhuërin. Yaꞌipi cancanëma quëran noꞌtëquën ina chinotamaso yaꞌhuërin.