2 Samuel 9:3 - Chayahuita (Shahui)

³ —¿Aꞌnaya tëranta Saono quëmopinën yaꞌhuëarin to? Yaꞌhuëapachin shaꞌhuitoco. Yosë niꞌsárinco nosoroarahuë, itërin Tapiri. —Yaꞌhuëarin mini aꞌnara Conatanco huiꞌnin. Inasoꞌ, Mihui-posi itopi. Cato paꞌhuën quëran chachin yamorin, itërin Sipari.

2 Samuel 9:3 ပူးပေါင်းရင်းမြစ်များ

2 Samuel 19:26

—Piyapinëhuë Sipa itërahuësoꞌ nonpintërinco sinioro copirno. Apiaco niꞌto, imaꞌhuanquënso marëꞌ mora tapatiincosoꞌ ina camaipirahuëꞌ. Inaso co natërincohuëꞌ.

2 Samuel 19:27

Naporahuaton, quëmaquë nonpinapirinco: “Iporacha tëhuënchinsoꞌ tata mashoco Saono pochin israiroꞌsa copirnonëna nicaꞌhuaso marëꞌ acoaponaco, tënin” taꞌton nonpinapirinco. Nonpinapipirincohuëꞌ, co tëꞌhuatërahuëꞌ. Quëmasoꞌ Yosë anquëninën pochinquën niꞌton, nitotaran insosona noꞌtëquën noninsoꞌ. Ina nitotaton maꞌsona onpotaancoisoꞌ, yonquiaran.

2 Samuel 9:7

—Ama tëꞌhuatocosohuëꞌ. Iráca quëmaquën tatacorëꞌco, “Yoscoarëꞌ co ninoꞌhuiarihuëꞌ,” niitatoi nipayarai. Ina yonquiato carinquën nosoraoaranquën. Tata masho Saonocoꞌ noꞌpanën macamaso marëꞌ camaitarahuë. Naporahuaton quëmasoꞌ, ipora quëran huarëꞌ carëꞌquën coshataran, itërin.

Lucas 6:36

Tata Yosëri yaꞌipi piyapiꞌsaꞌ nosororin. Inapochachin canpitantaꞌ aꞌnapita nosorocoꞌ,” itërin.

Deuteronomio 10:15

Inaso niponahuëꞌ, shimashonëmapita nosoroaton huayonin. Canpitaso inapita shinpitanquëma niꞌton, huayoninquëmaꞌ. Aꞌnapita piyapiroꞌsa quëran noya noya nicatënquëma napotërinquëmaꞌ. Ipora naporamaso chachin ninin.