2 Samuel 7:9 - Chayahuita (Shahui)

⁹ Intopa tëranta paꞌnanquë, carinquën caꞌtanatënquën catahuaranquën. Inimiconënpita chinitopirinënquënhuëꞌ, carinquën catahuaranquën inapita tiquicamasoꞌ. Ca nohuanton sacóshin nahuinan. Chiníquën nanantopisopita pochin quëmanta nahuinan.

2 Samuel 7:9 ပူးပေါင်းရင်းမြစ်များ

Génesis 12:2

Aꞌna tahuëri ca nohuanto, shiparinpita panca nacion ocoiaponaꞌ. Carinquën catahuamiataranquën. Inapotaranquën niꞌton, sacóshin nahuinaran. Naporahuaton, quëmá quëran aꞌnapitanta catahuararahuë.

2 Samuel 22:1

Siniorori Tapi nichaꞌërin. Copirno Saonocori inimicotaton yatëpapirinhuëꞌ, nichaꞌërin. Aꞌnapitarinta inimicotatona yatëpapirinahuëꞌ, nichaꞌërin. Ina yonquiaton iso pochin cantarin: “Quëmasáchin Sinioro paꞌpoyaranco. Naꞌpianaquë naꞌpirahuëso pochin yaꞌcopiranco. Quëmasáchin yánichaꞌëranco.

2 Samuel 22:30

Quëma catahuaranco niꞌton, inimicoroꞌsa ahuëarahuë. Pairahuan ninanoroꞌsaquë yaꞌhuëpirinahuëꞌ, yaꞌcontato minsërahuë.

2 Samuel 22:43

Amocan paꞌsarëso pochin inimicoroꞌsa canarahuë. Cachiquë chipiroꞌ iꞌnatërëso pochin inimicoroꞌsa nitërahuë.

2 Samuel 23:1

Isoíchin huachi Tapi ocoiaton, cantarin: “Caso Quisi huiꞌninco: Tapi itërinaco. Napoyaconpirahuëꞌ, Yosë noya noya acorinco. Yosë chachin huayoninco copirno yaꞌconahuë. Inasoꞌ, tata masho Cacopocorintaꞌ, chinotërin. Ca mini yashi yashin cantanaꞌpi Israiroco. Iso pochin acoarahuë natancoꞌ:

2 Samuel 5:10

Tapisoꞌ aquë aquëtë chiníquën nanantarin. Siniorori catahuarin niꞌton, naporin. Inasoꞌ Yosë yaꞌipi nanitaparin.

Salmos 89:23

Inimiconënpita cari chachin minsëtarahuë. Inapotohuato, co huachi inapita quënanaponhuëꞌ. Noꞌhuipisopitantaꞌ, ataꞌhuantarahuë.

Lucas 1:52

Copirnoroꞌsantaꞌ co noyahuëꞌ nipachinara, ocoirin. Topinan piyapiꞌsaꞌ yaꞌhuërëꞌ noya acorin.

Josué 6:27

Shaꞌhuitërinso chachin Siniorori Cosoi catahuarin. Napoaton yaꞌipi ina parti yaꞌhuëpisopita, Cosoi chiníquën nanantërinsoꞌ natantopi.

1 Samuel 18:14

Siniorori catahuarin niꞌton, Tapi maꞌsona nipachina noya pipitërin.

1 Samuel 18:30

Naporahuaton huiristino huaꞌanoꞌsa sontaronënpitarë chachin ahuëtapona yáhuëꞌpi. Nani huëꞌpiquë niahuëhuachinara, aꞌnapita Israiro huaꞌanoꞌsa quëran Tapisoꞌ noya noya ahuëtërin. Napoaton naní quëran nóya niꞌpi.

1 Samuel 2:8

Saꞌahuaroꞌsa anotopiso pochin aꞌnaquënso maꞌsha onpopi. Ina quëran opatërëso pochin Siniorori noya acoantarin. Aꞌnaquëontaꞌ, nosorotatona capacaiso marëꞌ huëyoroquë icaratopitërapi. Inapopisopitantaꞌ, Siniorori noya acoantarahuaton huaꞌanoꞌsapitarë ahuënsëarin. Inapotohuachina aꞌnapitarintaꞌ, noya niꞌpi huachi. Sinioroáchin yaꞌipiroꞌpaꞌ ninin. Inari chachin ipora yaꞌhuëarinquë acorin. Ina nohuanton yaꞌipi isoroꞌpaquë yaꞌhuërinsopita noyatarin.

1 Samuel 31:6

Ina pochin naporo tahuëri Saono huiꞌninpitarë chachin chiminin. Catahuacaso marëꞌ acorinso sontarontaꞌ, chiminin. Aꞌnapita sontaronënpitanta chiminpi.

1 Samuel 5:10

Naporoꞌ aꞌnaquëni, Icoron ninano itopiquë Yosë caposonën quëpaantapi. Inaquë quëꞌcanpachinara yaꞌipi ina ninanoquë yaꞌhuëpisopita chiníquën noncaropi: “¡Israiroꞌsa Yosë chinotopiso caposonën quëshiantërinënpoaꞌ! ¡Yaꞌipinpoa tiquiinpoaso marëꞌ napotarinënpoaꞌ!” topi.