2 Samuel 7:27 - Chayahuita (Shahui)

²⁷ Quëmasoꞌ Sinioro yaꞌipi nanitaparan. Cá quëran pipipisopitaráchin copirno yaꞌconacaisoꞌ, anitotëranco. Napoaton piyapinënco nipirahuëꞌ, nanitërahuë iso pochin nontaꞌhuanquënsoꞌ:

2 Samuel 7:27 ပူးပေါင်းရင်းမြစ်များ

2 Samuel 7:11

Naporo tahuëriꞌsasoꞌ, israiroꞌsanquëma catahuaimaso marëꞌ nisha nisha huaꞌanoꞌsa acorahuë. Quëmanta carinquën catahuaranquën inimiconënpita minsëamasoꞌ. Yaꞌipi inapita quëran nichaꞌëranquën. Naporahuaton ca nohuanton quëmá quëran pipipisopitantaꞌ, israiroꞌsa huaꞌanëntáponaꞌ.

2 Samuel 7:13

Ina huachi pëinëhuë nitarinco. Ca nohuanto ina yaꞌconaton, huaꞌanëntomiatapon.

1 Reyes 11:38

Yaꞌipi camairanquënsopita natëton noya nipatansoꞌ, noya niꞌsaranquën. Tapisoꞌ iráca nanpipon, pënëntërahuësoꞌ, camaitërahuësoꞌ, inapita natërin. Ina pochin quëmanta natëhuatanco, carinquën catahuaranquën niꞌton, quëmá quëran pipipisopitaráchin israiroꞌsa huaꞌanëntaponaꞌ. Tapi shaꞌhuitërahuëso chachin quëmanta nitaranquën.

Salmos 40:6

Maꞌsharoꞌsa tëpatoi chinotaꞌhuainquënsoꞌ, co nohuantëranhuëꞌ. Trico roꞌmo pochin nininsoꞌ quëshihuatëinquëntaꞌ, co nohuantëranhuëꞌ. Oshanëhuëi marëꞌ maꞌsha yaꞌipi ahuiquitohuatointaꞌ, co noya niꞌsarancoihuëꞌ. Napoaponahuëꞌ, quëma nohuanton nasitërahuë natëaꞌhuanquënso marëꞌ.

Rota naporinso' 4:4

Quëmanta nitota marëꞌ ina shaꞌhuitaranquën. Yapaꞌanpatan quëmari paꞌantëquëꞌ. Yaꞌipi isopita niꞌtërantapaisoꞌ natantonënaquë shaꞌhuitaranquën. Ninano ansianoꞌsanta natantonënaquë napotaranquën. Quëmasoꞌ Irimiricoco marëꞌ quëmopimia ninan. Napoaton nanitëran noꞌpanën paꞌanamasoꞌ. Co yapaꞌantohuatanhuëꞌ, shaꞌhuitoco nitochi. Cantaꞌ, nanan yaꞌhuëtërinco paꞌantaꞌhuasoꞌ, itërin. Napotohuachina quëmopinënisoꞌ: —Cari paꞌantapo, itërin.

1 Samuel 9:15

Iꞌhuara pochin Samoirosoꞌ nani Siniorori iso pochin anitotërin: