2 Samuel 7:26 - Chayahuita (Shahui)

²⁶ Quëmasoꞌ Sinioro yaꞌipi piyapiꞌsa noya nicatënën paꞌyachinën. Nontohuachinën napoꞌinaꞌ: ‘¡Quëmaso Sinioro yaꞌipi nanitaparan! ¡Israiroꞌsa Yosënënquën. Inapita noya aꞌpaiton catahuaran! Tapisoꞌ quëma piyapinën ninin. Ina quëran pipipisopitanta copirno yaꞌconpachinaꞌ, noya huaꞌanëntomiachinaꞌ. Quëmari chachin inapita aꞌpaiquëꞌ,’ ichinën.

2 Samuel 7:26 ပူးပေါင်းရင်းမြစ်များ

Génesis 17:18

Napoaton iso pochin Yosë nontërin: —¡Maꞌcha Sinioro shaꞌhuitërancoso chachin Ismairo catahuaranhuë paya! itërin.

2 Samuel 7:25

Inapoaton quëmasoꞌ, shaꞌhuitërancosoꞌ yonquiráquëꞌ. Ama naniantëquësohuëꞌ. Cá quëran pipipisopitanta copirno yaꞌconpachina, shaꞌhuitërancoso chachin nitëquëꞌ.

1 Reyes 18:36

Ahuiquitacaso ora nanihuachina, artaro yaꞌcarirahuaton chiníquën Yosë nontërin: “¡Sinioro, quëmasoꞌ Apraan, Isaco, Cacopo, inapita chinotërinën! Ipora nontëranquënsoꞌ aꞌpanitonco, quëmasáchin Yosënquën ninansoꞌ anitotocoi. Canta piyapinënco niꞌto, camaitëranso chachin nisarahuë. Inanta nitochinaꞌ.

1 Reyes 18:37

Aꞌpanico Sinioro. Quëmasáchin Yosënquën nicaton, piyapinënpita noya chinotaantaꞌinënquëso nohuantëran. ¡Ina nitotacaiso marëꞌ aꞌpanico!” itërin.

Salmos 115:1

Quëmasáchin noya noyanquën niꞌton, paꞌyachinën. Nosoromiatatoncoi catahuarancoi. Napoaton co quiyasoꞌ paꞌyatiinacoiso yaꞌhuërinhuëꞌ.

Salmos 89:36

Ina quëran pipipisopitarácin copirno yaꞌconpachinaꞌ, huaꞌanëntaponaꞌ. Piꞌi yaꞌhuëasoꞌ, co aꞌnapitari huaꞌanëntarinhuëꞌ.

Mateo 6:9

Napoaton Yosë yanontohuatamaꞌ, iso pochin nontocoꞌ: ‘Tata Yosë, quëmaso inápaquë yaꞌhuaponahuëꞌ, natanancoi. Quëmasáchin noya noyanquën niꞌton, yaꞌipi piyapiꞌsaꞌ chinochinënquën.

Juan 12:28

“Catahuaco Tata nohuantëranso nii. Ina quëran piyapiꞌsaꞌ nóya niꞌsarinënquën,” itërin, Yosë nontaton. Itohuachina, inápa quëran Yosëri itërin: “Nani catahuaranquën. Nohuantërahuëso ninan niꞌton, piyapiꞌsaꞌ nóya niꞌninaco. Iporasoꞌ catahuaantaranquën nohuantërahuëso nicacaso marëꞌ. Napoaton noya noya niꞌsarinaco,” itërin Yosëri.