2 Samuel 7:24 - Chayahuita (Shahui)

²⁴ Israiroꞌsacoi huaꞌanëntápancoiso marëꞌ naporan. Napoaton quëmasoꞌ Sinioro Yosënëhuëinquën nisaran.

2 Samuel 7:24 ပူးပေါင်းရင်းမြစ်များ

Génesis 17:7

Quëmarëꞌco ipora nani anoyatërahuë. Shiparinpitarëꞌconta aꞌna tahuëri anoyatarahuë. Yosënënco niꞌto, catahuaráponquën. Shiparinpitanta inapotápo.

Génesis 17:8

Yaꞌipi Canaan noꞌpaꞌ ipora yaꞌhuëranquë, huaꞌanëntacaso marëꞌ quëtaranquën. Shiparinpitanta iso noꞌpa chachin huaꞌanëntomiataponaꞌ. Inapitantaꞌ, casáchin chinotaponaco, itërin.

2 Samuel 7:23

Israiroꞌsacoisoꞌ, piyapinënpitacoi. Nishatërai niꞌton, co aꞌna nacion tëranta quiya pochin yaꞌhuërinhuëꞌ. Iquipito quëran nichaꞌërahuatoncoi, huaꞌanëntërancoi. Nisha nisha nacionoꞌsa isëquë yaꞌhuëpirinahuëꞌ, ocoiran. Inapitasoꞌ nisha nisha mamanshi moshapirinahuëꞌ, napotëran. Huëhuëpiro nitaton ocoiran niꞌton, sacóshin nahuinan.

2 Samuel 7:25

Inapoaton quëmasoꞌ, shaꞌhuitërancosoꞌ yonquiráquëꞌ. Ama naniantëquësohuëꞌ. Cá quëran pipipisopitanta copirno yaꞌconpachina, shaꞌhuitërancoso chachin nitëquëꞌ.

Éxodo 15:2

Sinioroso chini chiníquën nanantaton achinirinpoaꞌ. Ina tëhuënchinsoꞌ nichaꞌërinpoaꞌ: ‘Ma noyacha inaso paya,’ itatëhua cantahuaꞌ. Tatanënpoarinta chinotërin. Napoaton paꞌyatahuaꞌ.

Jeremías 31:1

Ina quëran taantarin: “Ina tahuëri nanihuachin, casáchin yaꞌipi Israiro huëntonoꞌsa chinotarinaco. Inapitanta piyapinëhuëpita nisapi,” tënin.

Jeremías 31:33

Naporo tahuëriꞌsa israiroꞌsarëꞌco anoyatohuato, iso pochin nisarahuë: Aꞌchintërahuësopita yonquinëna quëran anitotarahuë. Ina nitotohuachinaꞌ, noꞌtëquën natëtacaisoꞌ catahuararahuë. Casáchin chinotarinaco. Inapitanta piyapinëhuëpita nisapi.

Oseas 1:10

Napoaponahuëꞌ, aꞌna tahuëri israiroꞌsaso notohuaroꞌ naꞌaponaꞌ. Marë yonsanquë inotëraꞌhuaya yaꞌhuërinso pochin naꞌaponaꞌ. Co incari tëranta pichicasoꞌ nanitaponhuëꞌ. Iporasoꞌ pënënatënquëma shaꞌhuitëranquëmaꞌ: ‘Canpitaso co piyapinëhuëpitanquëmahuëꞌ,’ itëranquëmaꞌ. Naporoso nipirinhuëꞌ: ‘Canpitaso huiꞌnahuëpitanquëmaꞌ. Caso Yosëco nanpito napotaranquëmaꞌ,’ itaranquëmaꞌ.

Juan 1:12

Quisocristo cancanën mapatëhuaꞌ, huiꞌnin pochin Yosë niꞌninpoaꞌ. Natërëhuasopitarachin huëntonënquë ayaꞌconinpoaꞌ.

Deuteronomio 26:18

Sinioronta ipora nani shaꞌhuirin: ‘Canpitaso israiroꞌsanquëmaꞌ. Shaꞌhuitëranquëmaso chachin carinquëma huaꞌanëntëranquëmaꞌ. Yaꞌipi camairanquëmasopita natëcamaso yaꞌhuërin,’ tënin.

Deuteronomio 32:6

¡Co napochitomahuë pora! Napotatomaꞌ, co yonquiramahuë pochin niconamaꞌ. ¡Ina canpitaso nininquëmaꞌ! ¡Huiꞌninpita pochachin aꞌpairinquëmaꞌ! ¡Coꞌta ina acorinquëmaꞌ! ¡Ina nohuanton nacion ocoiramaꞌ!

1 Pedro 2:10

Iráca co Yosë piyapinënpita nipiramahuëꞌ, iporasoꞌ nani huëntonënquë ayaꞌconinquëmaꞌ. Iráca co insontaꞌ tëhuënchachin nosororinquëmahuëꞌ. Iporasoꞌ Yosë nosororinquëmaꞌ.