2 Samuel 7:21 - Chayahuita (Shahui)

²¹ Quëmasoꞌ Sinioro, paꞌyapiro nininsoꞌ nicaton catahuaancoso yonquiran. Cá quëran pipipisopitantaꞌ, ina chachin nitaran. Quëmaora nohuanton inapocaso yonquiaton nitotaꞌhuaso marëꞌ shaꞌhuitëranco.

2 Samuel 7:21 ပူးပေါင်းရင်းမြစ်များ

Salmos 115:1

Quëmasáchin noya noyanquën niꞌton, paꞌyachinën. Nosoromiatatoncoi catahuarancoi. Napoaton co quiyasoꞌ paꞌyatiinacoiso yaꞌhuërinhuëꞌ.

Números 23:19

Yosëso co canpoa pochinhuëꞌ. Co nisha nisha nonaton nonpininhuëꞌ. Maꞌsona topachina, inachachin nisarin. Catahuatacaso shaꞌhuihuachina, catahuatërin.

Mateo 11:26

Quëmaora nohuanton Tata naporan,” itërin.

Mateo 24:35

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipi shaꞌhuitëranquëmaso chachin naniarin huachi.

Lucas 1:72

Iráca shimashonënpoapita nosoroaton, naporin. Ipora huantaꞌ nosororinpoaꞌ. Shaꞌhuitërinsoꞌ co Yosëri naniantërinhuëꞌ.

Lucas 10:21

Naporoꞌ Ispirito Santo nohuanton, Quisoso nóya cancantërin. Noya cancantaton, Yosë nontarin. “Ma noyacha, Tata, yonquiran paya. Quëmasoꞌ chini chiníquën nanantëran. Inápaquë, isoroꞌpaquë, yaꞌipi parti huaꞌanëntaran. Quëma nohuanton, aꞌnaquën nani maꞌsha nitotaponaraihuëꞌ, co nanamën nitotopihuëꞌ. ‘Quiyaora noya noya nitotarai,’ topiso marëꞌ, co nanamën anitotëranhuëꞌ. Imarinacosopitaso nipirinhuëꞌ catahuaran. ‘Catahuaco Sinioro co caora nanitërahuëꞌ,’ itohuachinën, quëma nanamën chachin anitotëran. Ina marëꞌ Tata, ‘Yosparinquën,’ itëranquën,” tënin, Yosë nontaton.

Lucas 12:32

Naquëranchin itaantarin: —Ama iyaroꞌsaꞌ paꞌyancosohuëꞌ. Ohuica pëꞌtahuanaꞌpi pochin nicato aꞌpaiaranquëmaꞌ. Caraichinquëmaꞌ nipomarahuëꞌ, Yosë noya niꞌninquëmaꞌ. Huaꞌanëntërinquë chachin ayaꞌconinquëmaꞌ.

1 Corintios 1:1

Ca Paonoco ninshitaranquëmaꞌ. ¿Noya canpitantaꞌ yaꞌhuaramaꞌ? Cantaꞌ isëquë noya yaꞌhuarahuë. Yosë nohuanton, Quisocristo acorinco nanamën aꞌchinaꞌhuaso marëꞌ. Iya Sostinisëroꞌco nanan aꞌpatarainquëmaꞌ.

Efesios 1:9

Inaora nohuanton, nóya yonquirinpoaꞌ. Co canpoara nitotopirëhuahuëꞌ, yonquirinpoasoꞌ anitotërinpoaꞌ. Iráca quëran huarëꞌ yonquirin Quisocristo aꞌpaimacasoꞌ.

Efesios 3:11

Iráca quëran huarëꞌ Yosë yonquirinpoaꞌ imacaso marëꞌ. Quisocristo oꞌmaton, huëntonënquë ayaꞌconinpoaꞌ. Inasáchin huaꞌanëntërinpoaꞌ.

Efesios 4:32

Yaꞌipi piyapi noya nontocoꞌ. Nosoroatomaꞌ, catahuacoꞌ. Maꞌsha onpotohuachinënquëmaꞌ, ama ina yonquicosohuëꞌ. Quisocristo imaramaꞌ niꞌton, Yosë oshanëmaꞌ inquitërinquëmaꞌ. Canpita marëꞌ chiminin niꞌton, nanan anoyatërinquëmaꞌ. Inapochachin canpitantaꞌ aꞌnapita maꞌsha onpotohuachinënquëmaꞌ, nanan anoyatatomaꞌ, noya nontocoꞌ.

Deuteronomio 9:5

Tëhuënchachin co canpita noya ninamaso marëꞌ, inapita noꞌpanëna masaramahuëꞌ. Inapita co noyahuëꞌ nipiso marëꞌ, aꞌpararin. Naporahuaton, shimashonëmapita: Apraan, Isaco, Cacopo, inapita shaꞌhuitërinsoꞌ yonquiaton inapotarin.