2 Samuel 7:18 - Chayahuita (Shahui)

¹⁸ Naporoꞌ inasoꞌ, Yosë caposonën acopisoꞌ nëꞌmëtë pëiquë yaꞌconin. Yaꞌconaton iso pochin Sinioro nontërin: “Sinioro. Quëmaso Yosënquën. Chini chiníquën nanantëran. Caso co máquëncohuëꞌ. Quëmopinëhuëpitantaꞌ, co máquënoꞌsahuëꞌ. Napoaton israiroꞌsa copirnonëna nicaꞌhuasoꞌ co inashitërahuëꞌ.

2 Samuel 7:18 ပူးပေါင်းရင်းမြစ်များ

Génesis 32:10

Tëhuënchachin co noyacohuëꞌ niꞌto, co nosoroancosoꞌ yaꞌhuërinhuëꞌ. Co noꞌtëquënáchin catahuaancoso yaꞌhuëpirinhuëꞌ. Iráca yaꞌhuërahuë quëran pipipo, Cortaniiquë pëntoitërahuë. Naporoꞌ co maꞌsha tëranta quëparahuë. Pitananëhuëroꞌcoáchin paꞌnahuë. Napopirahuëꞌ, iporasoꞌ cato huënton pochin huaꞌanëntërahuë.

Génesis 32:11

¡Nosoroatonco Sinioro iya masho Isao quëran, nichaꞌëco! Nani huëꞌsarin niꞌton, ahuërahuatonco, saꞌahuëpita, huiꞌnahuëpitarëꞌco chachin niquitohuachinco.

2 Samuel 23:5

Napoaton cá quëran pipipisopitasoꞌ, Yosëri catahuarápon. Nani ina marëꞌ inarëꞌco anoyatomiatërahuë. Inaora chachin nanan yocaton co nonpintarincohuëꞌ. Ina nohuanton yaꞌipi inimicoroꞌsa minsërahuë. Yaꞌipi nohuantërahuësoꞌ natanpatëra, acotërinco. Ina chachin aꞌna tahuërinta nitáponco.

2 Samuel 7:17

Napotohuachina, Natanisoꞌ inachachin Tapi shaꞌhuitërin.

Salmos 8:4

Inapita acoaponahuëꞌ, ¿piyapicointa yonquirancoi ti? ¡Co quiyasoꞌ máquëncoihuëꞌ! ¡Co yonquiatoncoi catahuancoiso inashitëraihuëꞌ!

Éxodo 3:11

Moisësëso napoaponahuëꞌ tëꞌhuaton: —¡Huaꞌancotaꞌ pini copirnonta nontohuato, natëinco! Coꞌchi paya, co caso nanitërahuë israiroꞌsa Iquipito quëran ocoicaꞌhuasoꞌ, itërin.

Efesios 3:8

Casoꞌ aꞌnapita imapisopita quëran naꞌcon naꞌcon co noyahuëꞌ nipirahuëꞌ, anoyacancantërinco. Ina quëran nosoroatonco, acorinco nisha piyapiꞌsaꞌ shaꞌhuitaꞌhuaso marëꞌ. Quisocristo nanamënsoꞌ noyápiachin. Ma inacha niꞌton, nosoromiatërinpoa paya, tënahuë yonquiato.

Jueces 6:15

Quitionoso napoaponahuëꞌ, naquëranchin taantapon: —¡Maꞌcha Sinioro napotaantaranquën paya! ¿Maquëcha israiroꞌsa nichaꞌërëꞌpoya? Yaꞌipi Manasisi huënton quëran, quiya huëntoaꞌhuayasoꞌ, naꞌcon popriyatërai. Naporahuaton yaꞌipi quëmopinëhuëpita quëran ca naꞌcon naꞌconsoꞌ maꞌsha pahuantërinco, itërin.

Rota naporinso' 2:10

Napotohuachina, inaso Pooso noya nicaton isonin quëran noꞌpaquë huarëꞌ monshomarin. Ina quëran itapon: —¿Onpoatonta ina pochin niꞌnanco? Caso nisha sanapico nipirahuëꞌ, noyasha nontëranco, itërin.

1 Samuel 15:17

—Coꞌhuara copirno yaꞌconyántërasënquënhuëꞌ, noya cancantaton noya ninan. “Caora co nanitërahuëꞌ noya nicaꞌhuasoꞌ,” tënan. Sinioro chachin acorinquën yaꞌipi Israiro huëntonoꞌsa huaꞌanëntamaso marëꞌ. Napoaton inasáchin natëcamaso yaꞌhuërin.

1 Samuel 18:18

Napotohuachina Tapiri itapon: —Co caso máquëncohuëꞌ. Quëmopinëhuëpitantaꞌ, co máquënoꞌsahuëꞌ. Napoaton co nanitërahuëꞌ miꞌsëtaꞌhuanquënsoꞌ, itërin.

1 Samuel 9:21

Napotohuachina Saonori itapon: —Coꞌta api caso, Mincamin huënton quëmapico. Inaso huënton, aꞌnapita quëran huaꞌhui huaꞌhuishin huënton. Naporahuaton quëmopinëhuëpitanta aꞌnapita Mincamin huënton israiroꞌsa quëran naꞌcon naꞌcon popriyatopi niꞌton: ¿Onpoatonta ina pochin nontëranco? itërin.