2 Samuel 7:14 - Chayahuita (Shahui)

¹⁴ Inasoꞌ, huiꞌnahuë pochachin niꞌsarahuë. Inantaꞌ, paꞌpin pochachin niꞌsarinco. Inasoꞌ tëhuëpachin, anaꞌintatë huihuirëso pochin nitarahuë. Quëmapiꞌsa huiꞌnina nosoroatona pënënpiso pochin nitarahuë. Ina quëran pipipisopitanta copirno yaꞌconpachinaꞌ, ina pochachin nitarahuë.

2 Samuel 7:14 ပူးပေါင်းရင်းမြစ်များ

1 Reyes 11:34

Napoaponahuëꞌ, yaꞌipi huaꞌanëntërinso co ipora osërëtarahuëꞌ. Paꞌpincoꞌ noya nicato, chiminaquë huarëꞌ huaꞌanëntacaso quëtarahuë. Tapisoꞌ iráca nanpipon, pënëntërahuësoꞌ, camaitërahuësoꞌ, inapita natërin niꞌton, napotarahuë.

1 Reyes 9:6

Napoaponahuëꞌ, quëmahuë nipon, quëmá quëran pipipisopitahuë nipon, pënëntërahuësopita, camaitërahuësopita aꞌpoatomaꞌ, nisha nisha mamanshiroꞌsa moshahuatamaꞌ, israiroꞌsa noꞌpaꞌ quëtërahuë quëran ocoiarahuë. Chinotamacoso marëꞌ pëi acorahuësontaꞌ, aꞌpoarahuë. Inapotohuatënquëmaꞌ, nisha nisha nacionquë yaꞌhuëpisopita tëhuayatáponënquëmaꞌ.

Copo naporinso' 5:17

Yosë pënënaponquën poꞌtërinquën. Napoaton tëhuënchachin noya cancantëquëꞌ. Inasoꞌ, yaꞌipi nanitaparin. Ina nohuanton maꞌsha onpohuatan, ama noꞌhuitëquësohuëꞌ.

Salmos 2:7

Copirno acorinsonta pënëntaton: “Iporaso Sinioro yonquirinsoꞌ, shaꞌhuichinquëmaꞌ. Inachachin nontatonco: ‘Quëmasoꞌ huiꞌnahuënquën. Ipora acoranquën huaꞌanëntamaso marëꞌ.

Mateo 3:17

Naporoꞌ inápa quëran Yosë noninsoꞌ natanpi. —Isosoꞌ ca huiꞌnahuë chachin, naꞌcon nosororahuësoꞌ. Noya niꞌnahuë, tënin.

1 Corintios 11:32

Aꞌna tahuëri oshahuanoꞌsaꞌ anaꞌintomiatarin. Imarëhuasopitaso nipirinhuëꞌ, ipora chachin piꞌpian anaꞌintarinpoaꞌ noya noya yonquicaso marëꞌ. Ina quëran ayaroꞌ tahuëri co anaꞌintomiatarinpoahuëꞌ.

2 Corintios 6:18

Tataparinquëma pochachin noya nosoroaranquëmaꞌ. Huiꞌnahuëpita pochin cancantëranquëmaꞌ, itërinpoaꞌ Tata Yosë. Chini chiníquën nanantaton, yaꞌipiya huaꞌanëntërin,” tënin quiricanënquë.

Deuteronomio 8:5

Napoaton: ‘Siniorosoꞌ nóya niꞌton, huiꞌnanpo nosorohuatëra, pënënëso pochin, pënëninpoaꞌ,’ tocoꞌ.

Hebreos 1:5

Iráca Yosëri shaꞌhuitërin. Quiricanënquë naporin: “Quëmasoꞌ huiꞌnahuënquën. Ipora chachin noya nicatënquën, acoaranquën piyapiꞌsaꞌ huaꞌanëntamaso marëꞌ,” itërin. Ina quëran taantarin: “Ca huiꞌnahuë inasoꞌ. Casoꞌ ina paꞌpinco,” tënin. Co inso anquëni tërantaꞌ ina pochin nontërinhuëꞌ.

Apocalipsis 21:7

Sopai minsëhuatamaꞌ, yaꞌipi tapatëranquëmasopita quëchinquëmaꞌ. Huiꞌnahuëpita pochin niꞌsaranquëmaꞌ. Casáchin yonquiaramaco.

Apocalipsis 3:19

Nosoroatënquëmaꞌ, chiníquën nontëranquëmaꞌ. Anaꞌintaranquëmaꞌ noya cancantacamaso marëꞌ. Co noyahuëꞌ yonquiramasopita aꞌporahuatomaꞌ, casáchin tahuërëtantaco huachi.