2 Samuel 7:12 - Chayahuita (Shahui)

¹² Aꞌna tahuëri chiminpatan, aꞌnara huiꞌnan copirno nicacaso marëꞌ acoarahuë.

2 Samuel 7:12 ပူးပေါင်းရင်းမြစ်များ

Génesis 15:4

Siniororiso nipirinhuëꞌ, itapon: —Co ina yaꞌhuërëtaponquënhuëꞌ. Huiꞌnan chachin yaꞌhuërëtaponquën, itërin.

2 Samuel 22:51

Quëma catahuaranco niꞌton, naꞌaro inimicoroꞌsa minsërahuë. Huayonatonco copirno nicaꞌhuaso marëꞌ acoranco. Nosoroatonco yácatahuaranco. Cá quëran pipipisopitanta inapotápon,” tënin Tapi Yosë cantanën cantaton.

1 Reyes 1:21

Coꞌsoꞌ ina pochin Saromon acoyátërasënquënhuëꞌ, maꞌsha onpohuatan, Atoniasë quiyasoꞌ tëpaponcoi.

1 Reyes 2:1

Tapisoꞌ nani yachiminin ninatanin. Napoaton huiꞌnin Saromon nontaton itapon: “Piyapico niꞌto cantaꞌ, co huaꞌquiya quëranhuëꞌ chiminarahuë huachi. Quëmaso nipirinhuëꞌ, quëmapi chachin huaniton, chiníquën cancantëquëꞌ.

1 Reyes 2:10

Ina piquëran Tapi chiminin. Chiminpachina, Quirosarinquë paꞌpitopi. Inaso ninanoꞌ, shaꞌhuitëranquëmaso chachin: “Tapi ninanonën,” itopi.

1 Reyes 2:4

Huiꞌnanpita, shiparinpita, inapitanta inasáchin natëcaiso yaꞌhuërin. Inapohuatamaꞌ, carë anoyatërinso chachin, quëmopinënporáchin israiroꞌsa copirnonëna nicaponaꞌ.

1 Reyes 5:5

Napoaton cari huachi yonquirahuë, Yosë chinotacaso pëi anitaꞌhuasoꞌ. Inari chachin iráca tataco nani shaꞌhuitërin: ‘Ca nohuanto huiꞌnan quëma yaꞌhuërënamën israiroꞌsa huaꞌanëntarin. Inari piyapinënpita camaiapon chinotiinacoso pëi nitiinacosoꞌ,’ itërin.

1 Reyes 8:15

“¡Ma noyacha Sinioroso paya! Inasoꞌ, israiroꞌsanpoa chinotërëhuaꞌ. Tata Tapico shaꞌhuitërinso chachin nani acotërinpoaꞌ. Inari iráca shaꞌhuitërin:

1 Reyes 8:19

Napoaponahuëꞌ, co quëma nitarancohuëꞌ. Huiꞌnan yaꞌhuërëtarinquën nininsoꞌ, ina nitarinco huachi,’ itërin.

1 Reyes 8:20

Napotërinso chachin, ina nohuanton cari tatahuë yaꞌhuërëtërahuë. Inapoato ina chinotacaso pëi anitërahuë.

1 Reyes 9:5

Ina pochin nipatan, quëmá quëran pipipisopitaráchin israiroꞌsa huaꞌanëntaponaꞌ. Tataparinco nani shaꞌhuitërahuë: ‘Ca nohuanto quëmá quëran pipipisopitaráchin israiroꞌsa huaꞌanëntaponaꞌ,’ itërahuë.

Salmos 89:29

Ina quëran pipipisopitaráchin yaꞌhuërënamën huaꞌanëntaponaꞌ. Piꞌiroꞌtë yaꞌhuëasoꞌ, co nishari huaꞌanëntarinhuëꞌ.

Isaías 11:10

(-)

Isaías 9:7

Tapi copirno iráca huaꞌanëntërinso shiraquë huënsëaton huaꞌanëntapon. Chiníquën nanantaton, yaꞌipi parti camaitapon. Ina huaꞌanëntarin niꞌton, sano yaꞌhuëmiatapi. Co onporonta huaꞌanëntërinso nitiquiaponhuëꞌ. Noꞌtëquënáchin yonquiaton, noyasáchin nicapon. Ipora quëran huarëꞌ naporinsoꞌ, co onporonta nishataponhuëꞌ. Siniorosoꞌ yaꞌipi nanitaparin. Nosoromiatatonpoa napoarin.

Mateo 1:1

Quisocristo nanamën shaꞌhuitaranquëmaꞌ. Inasoꞌ Yosë huiꞌnin. Iráca quëran huarëꞌ Yosë yonquirin ina aꞌpaimacaso marëꞌ. Tapico chachin Quisocristo shimashonën. Apraancontaꞌ shimashonën chachin. Yaꞌipi shimashonënpita iráca yaꞌhuëpisoꞌ shaꞌhuichinquëmaꞌ, nitotocoꞌ.

Lucas 1:32

Mashotohuachin, chiníquën nanantarin. Inasoꞌ Yosë huiꞌnin. Yosë nohuanton, copirno yaꞌconarin. Iráca Tata masho Tapi israiroꞌsaꞌ noya huaꞌanëntopirinhuëꞌ. Ina quëran chiminin. Iporaso nipirinhuëꞌ huaꞌhuani huaꞌanëntomiatarin. Co onporontaꞌ pipirarinhuëꞌ, itërin anquëniri.

Lucas 24:27

Ina quëran Yosë quiricanënquë ninotona ninshitopisoꞌ, aꞌchintarin. Moisësëꞌton ninoton, Yosë quiricanënquë ninshitërin. Ina piquëran naꞌa pënëntonaꞌpiroꞌsaꞌ ninoantapi. Yaꞌipi Cristo ninopisoꞌ noꞌtëquën aꞌchintarin.

Hechos 13:36

Napoaponahuëꞌ, Tapisoꞌ Yosë natëton, piyapiꞌsaꞌ catahuarin. Ina quëran chiminin. Shimashonënpita pirayan paꞌpitopi. Nonën chanatërin.

Hechos 2:30

Coꞌhuara chimiyantërasohuëꞌ, Yosëri itërin: ‘Aꞌna tahuëri quëma shiparinquën acoarahuë huaꞌanëntacaso marëꞌ. Quëma yaꞌhuërënamën huaꞌanëntarin. Casoꞌ Yosëco niꞌto, co nonpintaranquënhuëꞌ,’ itërin. Napoaton shiaꞌhuain ninoton, ninshitërin.

1 Corintios 15:51

Noya natanco iyaroꞌsaꞌ. Naꞌa piyapiꞌsaꞌ co nitotopirinahuëꞌ, shaꞌhuitaranquëmaꞌ. Co yaꞌipi imarëhuasopita chiminarihuahuëꞌ. Napoaponahuëꞌ, Yosë nohuanton, yaꞌipi imarëhuasopita nisha yaꞌnoarihuaꞌ.

Deuteronomio 31:16

Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.

1 Tesalonicenses 4:14

Quisososoꞌ chiminaponahuëꞌ, nanpiantarinsoꞌ nitotërëhuaꞌ. Inapochachin imapisopita chiminpachinaꞌ, Yosëri ananpitaantarin. Quisoso isoroꞌpaquë oꞌmantahuachin, ananpitaantarin.