2 Samuel 6:16 - Chayahuita (Shahui)

¹⁶ Sinioro caposonën Quirosarinquë quëꞌcanconpi. Napohuachinara, Saonocoꞌ huiꞌnin Micaro itopisosoꞌ, huintananën quëran nocotiirin. Nocotopirinhuëꞌ, soꞌinsoꞌ nansaton pashi pashitëriarin. Sinioro chinotaton napóriapirinhuëꞌ, inarisoꞌ co yainyántërahuëꞌ, niꞌnin.

2 Samuel 6:16 ပူးပေါင်းရင်းမြစ်များ

2 Samuel 5:7

Naporoꞌ Tapisoꞌ sontaronënpita itapon: “Quiposoroꞌsa ahuëcamaso marëꞌ isopocoꞌ: Yayaꞌconpatamaꞌ, iꞌsha ninanoquë yaꞌconintaquëchin yaꞌconacamaso yaꞌhuërin. Nani yaꞌconpatamaꞌ, somarayaroꞌsaꞌ, sonpacharoꞌsaꞌ, inapita quihuitërinacosoꞌ tëpacoꞌ. ‘Inapitari tëranta yaꞌcopiapon,’ topiso marëꞌ inapita paꞌpi co quëꞌyarahuëꞌ,” tënin. Napoaton piyapiꞌsa nonpachinara napopi: “Somarayaroꞌsaꞌ, sonpacharoꞌsaꞌ, inapitasoꞌ, co onporonta Sinioro pëinënquë yaꞌconaponahuëꞌ,” topi. Inapotaton Tapisoꞌ sontaronënpitarë chachin quiposoroꞌsa yaꞌcontatona ahuëpi. Nani canarahuatona inaquë yaꞌhuërin. Napoaton inaso ninanoꞌ: “Tapi ninanonën,” itopi antaꞌ. Oshaquëranchin Quirosarin co pairahuanhuëꞌ nininsonta apairatërin. Noꞌpaꞌ paꞌpipi quëran apairatërinsoꞌ, pëinënquëꞌpaꞌ huarëꞌ nanirin.

2 Samuel 6:15

Sinioro caposonën quëpapisopita caꞌtanpisopitasoꞌ, capa cancantatonaꞌ: “Yai, yai,” charapi. Tapinta napórarin. Aꞌnaquëontaꞌ, tronpitaroꞌsa pihuiraapi.

2 Samuel 6:20

Tapinta pëinënquë paꞌsahuaton, saꞌinpita, huiꞌninpita, inapita nontoonin. Micaroriso nipirinhuëꞌ, nacapirahuaton itapon: Quëmasoꞌ Israiro copirnonquën nipiranhuëꞌ, co taparohuanhuëꞌ ninan. Piyapinënpita quëmapiꞌsaꞌ, sanapiꞌsaꞌ, inapita niꞌtonënquë nansaton naporan, itërin.

Salmos 69:7

Imaranquënso marëꞌ naꞌaro maꞌsha onpotërinaco. Inapotatonaco atapaninaco.

Isaías 53:3

Piyapiꞌsari nocanatona aꞌpoaponaꞌ. Co noyahuëꞌ nicatona chiníquën aparisitapi. Aꞌpopi niꞌton, paꞌpi sëtaton parisitapon. Canpoarinta co niꞌchináchinhuëꞌ cancantatëhuaꞌ, nocanëhuaꞌ. Co piꞌpian tëranta noya yonquirapirëhuahuëꞌ.

Hechos 2:13

Aꞌnaquënso nipirinhuëꞌ tëhuarahuatonaꞌ: —Noꞌpitonaꞌ, napoapi, toconpi.

1 Corintios 2:14

Aꞌnaquënso nipirinhuëꞌ piyapi yonquirinsoráchin nitotatonaꞌ, co nohuantopihuëꞌ Yosë nanamën natanacaisoꞌ niꞌton, tëhuaconpi. Ispirito Santoráchin catahuarinpoaꞌ natëtacasoꞌ. Napoaton co imarinsopitasohuëꞌ natanaponaraihuëꞌ, co nanitopihuëꞌ noꞌtëquën yonquicaisoꞌ.

1 Samuel 18:17

Aꞌna tahuëri Saonori Tapi itapon: —Natanquë api shaꞌhuichinquën: Chiníquën cancantaton Sinioro marëꞌ ahuëtëquëꞌ. Ina pochin nicacaso marëꞌ huiꞌnahuë paninan nininsoꞌ quëtaranquën. Inasoꞌ, Mirapo itërahuë, itërin. “Huiristinoꞌsari tëpahuachinaꞌ, co caora chachin tëpaꞌhuaso yaꞌhuëaponhuëꞌ,” taꞌton napotërin.

1 Samuel 18:20

Napoaponahuëꞌ, Saonoso aꞌnanta huiꞌnin nanon yaꞌhuëtërin. Micaro itërin. Inasoꞌ, Tapi cancantërin. Ina shaꞌhuitohuachinara, Saono noya cancantërin: “Ina nipachin Tapi acoanchi. Ina marëꞌ inasoꞌ, huiristinoꞌsa ahuëꞌin. Napoin quëran huiristinoꞌsari tëpahuachin noya nisarin,” taꞌton, naquëranchin Tapi itapon: —Ipora tëhuënchinsoꞌ miꞌsëhuënquën nisaran, itërin.