2 Samuel 5:2 - Chayahuita (Shahui)

² Saonoꞌton copirnonënpoa yaꞌconin. Napoaponahuëꞌ, naporo quëran huarëꞌ quëmari Israiro sontaroꞌsa camairan. Ahuëtacaiso marëꞌ quëpahuatana, quëmari chachin quëantaran. Naporahuaton Sinioro chachintaꞌ, nani shaꞌhuitërinquën copirnonëhuëi nicamaso marëꞌ. Ohuicaroꞌsa huaꞌanëni aꞌpairinso pochin nitancoiso marëꞌ nani acorinquën,” itopi.

2 Samuel 5:2 ပူးပေါင်းရင်းမြစ်များ

Génesis 49:24

Quëmaso nipirinhuëꞌ, chini chiníquën tanpatëran. Pëꞌchinanënquë inimicoroꞌsa tëꞌyanantohuatan, co pacoitaranhuëꞌ. Yosë imarahuësoꞌ, chini chiníquën nanantërin. ¡Ina catahuarinquën inimicoroꞌsa minsëaran! Siniorosoꞌ ohuica huaꞌanën pochin niꞌton, aꞌpairinco. ¡Ina chachin quëmanta aꞌpaiatënquën catahuarinquën!

2 Samuel 6:21

Saꞌini napotohuachina, inariso itapon: —Tëhuënchachin mini nansarahuë. Napoaporahuë Sinioro chinotato naporahuë. Tataparin yaꞌhuërënamën israiroꞌsa huaꞌanëntaꞌhuaso marëꞌ ina huayoninco. Yaꞌipi quëmopinënpita yaꞌhuërënamën huayoninco. Napoaton ina chinotato caso nansarahuë.

2 Samuel 7:7

Ca nohuanton israiroꞌsa aꞌpaicaso marëꞌ huaꞌanoꞌsa acorahuë. Co inso huaꞌan tërantaꞌ, natanahuë nonara nontë quëran, pëi nitiincosoꞌ.’

2 Samuel 7:8

Napoaton piyapinëhuë Tapi shaꞌhuitëquëꞌ: ‘Sinioro yaꞌipi nanitaparinso napotërinquën: “Quëmasoꞌ huiꞌnapitapon co máquënquënhuëꞌ ninan. Ohuicaroꞌsa aꞌpairapiranhuëꞌ, carinquën ocoiranquën. Piyapinëhuëpita huaꞌanëntamaso marëꞌ acoranquën.

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Isaías 55:4

Nisha nisha piyapiroꞌsa naporahuësoꞌ shaꞌhuitacaso marëꞌ, cari ina acorahuë. Nisha nisha parti yaꞌhuëpisopita huaꞌanëntaton aꞌchintacaso marëꞌ acorahuë.

Ezequiel 34:23

Ca nohuanto piyapinëhuë Tapi itërahuësoꞌ, huënantapon. Inaíchin yaꞌipi ohuicanëhuëpita noya aꞌpaiapon.

Miqueas 5:4

Ina copirno huaꞌanëntohuachinpoasoꞌ, ohuicaroꞌsa huaꞌanëni aꞌpaiaton noya quëparinso pochin nitarinpoaꞌ. Sinioroso Yosënën niꞌton, inari chiníquën nanan quëtapon. Naporahuaton noya noya huaꞌanëntacaso catahuapon. Naporoꞌ israiroꞌsanpoasoꞌ, sano cancantarihua huachi. Sinioronta yaꞌipi isoroꞌpaquë yaꞌhuëpisopitari tëꞌhuatatona natëpona niꞌton, napoarihuaꞌ.

Mateo 2:6

“Cotiaquë aꞌna ninanoꞌ yaꞌhuërin, Pirin itopisoꞌ. Co panca ninanoyahuëꞌ niponahuëꞌ, inaquë aꞌna copirno nasitapon. Naꞌa copirnoroꞌsaꞌ Cotia parti yaꞌhuëpirinahuëꞌ, inasoꞌ chini chiníquën nanantapon. Yaꞌipi piyapinëhuëpita israiroꞌsaꞌ itopisoꞌ huaꞌanëntapon,” tënin Yosë, itopi.

Juan 10:11

Casoꞌ ohuica huaꞌanën pochin ninahuë. Imarinacosopita noya aꞌpairahuë. Huaꞌanën noya nipachina, ohuicanënpita aꞌpaiton, co chiminacasoꞌ tëꞌhuatërinhuëꞌ. Inapochachin cantaꞌ imarinacosopita marëꞌ chiminarahuë.

Hebreos 2:10

Yosëri yaꞌipiya ninin. Inasáchin yonquicaso marëꞌ nininpoaꞌ. Ina nohuanton, huiꞌnin parisitërin huëntonënquë ayaꞌcoinpoaso marëꞌ. Naꞌaquënpoaꞌ imarëhuaꞌ. Imapatëhuaꞌ, anoyacancantërinpoaꞌ. Huiꞌninpita pochin Yosë niꞌninpoaꞌ. Quisocristo parisitërin niꞌton nanitërin nichaꞌëinpoasoꞌ. Napoaton, “noya parisichin,” tënin Yosë. Nosoroatonpoaꞌ, naporin.

1 Samuel 13:14

Iporaso nipirinhuëꞌ, co quëmari huaꞌanëntomiataponhuëꞌ. Sinioro yonisarin aꞌnara quëmapi noya niꞌninsoꞌ. Quëmasoꞌ camairinquënsoꞌ, co natëranhuëꞌ. Ina niꞌton, quëma yaꞌhuërënamën piyapinënpita huaꞌanëntacaso marëꞌ ina acoarin, itërin.

1 Samuel 16:1

Aꞌna tahuëri Siniorori Samoiro itapon: —¡Noya huachi! ¡Ama aquëtë Saono yonquiaton sëtáquësohuëꞌ! Co huachi nohuantërahuëꞌ inari israiroꞌsa huaꞌanëntápasoꞌ. Ohuaca pomonquë ca marëꞌ toma nininsoꞌ taꞌpanconquëꞌ. Inaporahuaton Quisi itopisoꞌ pëinënquë paquëꞌ. Inasoꞌ, Pirinquë yaꞌhuërin. Ina huiꞌninpita quëran, aꞌnara copirno nicacaso marëꞌ nani huayonahuë. Quëmari tomaquë opomototahuaton acoaran, itërin.

1 Samuel 18:13

Napoaton naꞌa sontaroꞌsa camaicaso marëꞌ acorin. Yaꞌhuincananpicaso marëꞌ napotërin. Napohuachina Tapisoꞌ sontaronënpitarë chachin ahuëtapon paꞌsárin. Co huachi yaꞌhuëmia yaꞌhuërinhuëꞌ.

1 Samuel 18:16

Napoaponahuëꞌ, aꞌnapita israiroꞌsaso Tapi paꞌyatopi. Cota huëntonoꞌsarinta napotopi. Ahuëtapona paꞌpachinara, inari noya camairin niꞌton, noya ahuëtopi. Napoatona noya huënantapi.

1 Samuel 18:5

Saono maꞌsona tëranta camaitohuachina, Tapisoꞌ aꞌnaroáchin natëtërin. Napoaton napopinchin sontaronënpita camaicaso marëꞌ acorin. Acohuachina yaꞌipi sontaronënpita noya cancantopi. Sontaro huaꞌanoꞌsantaꞌ, noya ancantopi.

1 Samuel 9:16

“Tashiraya ipora pochin aꞌnara Mincamin huënton quëmapi aꞌpatiaranquën. Ina masahuaton israiroꞌsa huaꞌanën nicacaso marëꞌ acoaran. Huiristinoꞌsari piyapinëhuëpita huaꞌanëntápirinahuëꞌ, inari nichaꞌësarin. Inapitari aparisitopiso marëꞌ chiníquën nontërinaco niꞌton, nosoroantarahuë,” itërin.