2 Samuel 5:19 - Chayahuita (Shahui)

¹⁹ Napoaton Tapisoꞌ Sinioro natanin: —¿Huiristinoꞌsa ahuëcaꞌhuaso marëꞌ paꞌi? ¿Quëma catahuaponco inapita minsëaꞌhuasoꞌ to? itërin. Napotohuachina, inariso itapon: —Paapaton ahuëconquëꞌ. Carinquën catahuaranquën inapita minsëamasoꞌ, itërin.

2 Samuel 5:19 ပူးပေါင်းရင်းမြစ်များ

2 Samuel 2:1

Ina piquëran Tapisoꞌ, Sinioro natanapon: —Cota huënton noꞌpanënquë naꞌa ninanoroꞌsa yaꞌhuërin. ¿Noya ina ninanoroꞌsaquë pacaꞌhuaisoꞌ to? itërin. —Noya paquëꞌ, itërin Siniorori. —¿Inso ninanoquëta paꞌi? taantarin Tapi. —Iporon ninanoquë paquëꞌ, itaantarin Siniorori.

2 Samuel 5:23

Napohuachinara Tapisoꞌ, naquëranchin Sinioro nataantarin. Natanpachina Siniorori itapon: —Ama notënan quëran ahuëconcosohuëꞌ. Conitahuaton, pinëna parti quëran ahuëconcoꞌ. Parsamo nararoꞌsataquëchin canconpatamaꞌ, inaquë ahuëtocoꞌ.

1 Reyes 22:6

Napotohuachina Acaposoꞌ, pënëntonaꞌpiroꞌsa ayontonin. Catapini pasa ayontonahuaton natanin: —¿Sontaroꞌsaroco chachin paꞌsahuato, Namotoquë Siria sontaroꞌsa yaꞌhuëpisoꞌ, ahuëcoꞌin? itërin. Napotohuachina inahuari: —Noya paquëꞌ. Sinioro catahuararinquën niꞌton, inapita minsëaran, itopi. Napopirinahuëꞌ, Cosahuatoso Acapo natanin: —¿Coꞌtama aquëtë Sinioro marëꞌ pënëntërinso yaꞌhuërinhuë nica? inanta natanëhua naporini, noꞌtëquën anitochitonpoahuëꞌ, taantarin.

Proverbios 3:6

Maꞌsona tëranta yanipatamaꞌ: “Anitotoco Sinioro noꞌtëquën yonquiꞌi,” itocoꞌ. Napohuatamaꞌ, anitotarinquëmaꞌ. Ina catahuarinquëma noya nicacamasoꞌ.

Santiago 4:15

“Yosë nohuantohuachin nanpihuatoi, maꞌsha nisarai,” taꞌcaso nipirinhuëꞌ.

1 Samuel 28:6

Napoaton Yosëri anitotacaso marëꞌ natanin. Natanpirinhuëꞌ, co inariso aꞌpanirinhuëꞌ. Huaꞌnarin quëran, Orin quëran, pënëntonaꞌpiroꞌsa quëran, inapita quëran anitotacaso nohuantopirinhuëꞌ, co anitotërinhuëꞌ.